Clocks That Don't Tick|k.th

•14•

Crying

ئاسمان تاریکیەکەی بەش کردبوو لەگەڵ دڵی کوڕەکە ،ھەناسەکانی دژایەتیان دەکرد بۆ ئەوەی بە ڕێکی کاربکەن ،چاوەکانی ھێزێکی زۆریان ھەڵگرتبوو کە ڕێگر بوون بۆ گریان .

تەیھیۆنگ بە دڵێکی بە ئازارەوە ،لە چاوەڕوانی بەھۆش ھاتنەوەی ئەو کەسە بوو کە لەگەڵ داخستنی چاوەکانی ،ژیانی کوڕەکەی لەگەڵ خۆیدا بەتاڵ کرد ، بە نیگەرانیەوە لە ڕووخسارە ماندووەکەی دەڕوانی .

پاڵکەوت لەیەکێک لە سیسەمی نەخۆشخانەدا ،چاوەکانی بەشێوەیەک داخسرابوون وەک ئەوەی نەیەوێت جارێکی تر بیانکاتەوە ،ئەو ناڕەحەتیەیی لە ڕووکەشی دەریدەبڕی بەس بوون بۆ ئەوەی کوڕەکە تێبگات کە موون لە چ بارێکی نالەبار دایە .

بەوجۆرە کارەکانی گرانتر دەکرد بۆ ئەو ، ئەگەر چی پێوستیش بوون.

دوای ئەوە کچەکە دەنگی نەما ھەر کە کوڕەکە ھۆکاری بینینەکەی پێوت ،کوڕەکە وەک ئەوەی ھەناسەیان لێ بڕی بێت ڕای کرد بۆ لای ھاوکارەکەی تاوەکوو ھەواڵێک دەربارەی شوێنی ئەوکاتەی موون وەرگرێت.

وە خۆشبەختانە ،جۆنگکووک یارمەتیدەر بوو ،بەبێ وەستان بەرەو شوێنەکە ڕۆی وە ئەوی دۆزیەوە کە چەند قژی پەرش بببویەوە بە ڕووخساری ،وە چۆن لاشەی ڕاکشابوو وەک ئەوەی گیانی تێدا دەرچوو بێت ،بە بانگکردنی ھیچ سودێکی نەبوو ،وەک ئەوەی بەستیبووبێت و ھیچ شتێک نەیجوڵێنێت .

تەیھیۆنگ دڵنیابوو ،ئەگەر ھەر جارێک ڕووبەرووی ئازار بووبێتەوە ئەوە خراپترینیان بوو ، تاکە شت دڵنەوایی دەکردەوە ھەناسە لەسەرخۆکانی کچەکە بوون کە ئاماژە بوون بۆ ئەوەی ھێشتا لەو ژیانەدایە لەگەڵ ئەو .

وە ئێستا بەوجۆرە پاڵکەوتووە دوای چەند کاتژمێر کە نزیک دەبێت بۆ ئەوەی ڕۆژەکە کۆتایی پێ بێت ،ھیچ یارمەتیدەر نەبوو ،زانینی ئەوەی بەھۆی بێھێز بوونی لەشی ،ماندبوونی دەروونیەوە بەوجۆرەی لێھاتووە ،دە ھێندە کوڕەکەیان خەفەتبار دەکرد .

لۆمەی خۆی دەکرد بەوەی ئاگاداری نەبووە لەو کاتەی پێوستی پێ بووە ، یارمەتی نەداوە تا لێرە وەک بێ کەڵکێک لەبەردەم دانیشتووە وە ھیچ شتێکی لە دەست نایە جگە لە لۆمە و خەم خواردن و ھیوا خواستن بۆ کردنەوەی چاوەکانی بە زووترین کات .