الفصل الثلاثون ( النهاية)
عماد : ازاي يا بني وكريمه تبقي مين
مالك : مرات بابا الله يرحمه بس وبدأ يحكي ليهم كل حاجه
علا بانهيار : ازاي وراحت حضنت منال وفضلت تعيط
وكله بدأ يهدي فيها
عماد : لا حول ولا قوه الا بالله اخدت اللي تستحقه في الاخر
مالك : اتمني يا عمي بعد اللي قولته متغيرش رأيك فيا
عماد : انا مقدرش يابني ده شرف ليا أن انت تاخد بنتي حد في احترامك وأدبك واتشرفنا بمامتك ربنا يبارك فيها وتفرح بيكم وبأولادكم
منال : الله يعزك يا استاذ عماد
سهروا مع بعض واتعرفوا علي بعض اكتر واكتر واخدهم مالك ومشي
علا : انا فرحانه اوي انك ماما والله علي قد ما انا مصدومه بس انا بحبك اوي يا ماما والله
منال : كنت هموت واعرفكم بس مكنش عندي الجرأه أما لقيت مالك هيتجوز خلاص كان لازم يعرف معتش في وقت للتأجيل
مالك : بعيد الشر يا ست الكل ربنا يبارك في عمرك يا حبيبتي يارب
منال : ربنا يسعدك يابني يارب ويفرحني بيكي يا علا يا حبيبتي يارب
مالك : هانت هنعمل خطوبه علا وسامي وانتي هتحضري كل حاجه يا أمي وهعوضك عن كل حاجه وحشه شوفتيها في حياتك
سعاد : ربنا يبارك فيك وفي شبابك يا حبيبي يارب
عند حور
عماد : قصه ولا في الاحلام بجد كل ده يحصل والحمدلله أن ربنا بعدني عنها في الاول والله شكرا يارب شكرا
حور : انا لسه مش قادره استوعب يا بابا ازاي كل ده يحصل وتقتل ابنها ياربي ازاي بجد
سعاد : اهي استفادت اي دلوقتي في السجن
سامي : اهم حاجه انهم مش اولادها بجد وشكل مامتهم طيبه
سعاد : ايوه جدا ربنا يبارك فيها وبرضو صعبه عليها انا ام وعارفه
عماد : اهم حاجه يا حور انا مطمن عليكي مع مالك وهو كويس ومتربي وعارف ربنا وباين عليه أن مستعد يعمل اي حاجه تفرحك وانتي تستاهلي يابنتي ومتزعليش مني لو في يوم زعلتك كان خوف عليكي
حور : انا مقدرش ازعلك مني ابدا يا بابا متحرمش منك ربنا يباركلي فيك يارب وفي عمرك
كلهم : اللهم امين
عند حامد سلوي معاه علي التليفون
حامد : بجد يا سلوي انت هتيجي كويس عشان نستقر هنا احسن
سلوي : طبعا يا حبيبي مقدرش اسيبك بعد كل اللي حصل ده
حامد : ماشي مستنيكي متتاخريش علي اول طياره بقا
يوم الفرح
عند حور
سعاد : اصحي يا حور يا حبيبتي
حور : شويه يا ماما منمتش بليل
سعاد : ليه كده هتدوخي يابنتي
حور : متوتره يا ماما وخايفه وزعلانه أن همشي واسيبكم
سعاد : هيا دي سنه الحياه يا حور يا بنتي وصدقيني اول ما تروحي وتشوفي الكعبه هتنسي كل حاجه حتي مالك
حور : ادعيلنا يا ماما كتير
سعاد : من غير ما تقولي هو انا عندي كام حور يعني كلمتي علا عشان تروحي الكوافير بدري وتلحقي اليوم من أوله
حور : حاضر يا ماما هقوم اصلي واكملها
عند مالك
منال : علا حبيبتي قومي عشان نصحي مالك وتلحقي تروحي لحور
علا : حاضر يا ماما قومت اهوه يلا بينا نروح نرخم علي مالك
فضلت تخبط علي الباب
علا : لوكه يا لوكه عريسسسسس
منال بضحك : يابنتي هيقوم يفضل يجري وراكي
علا : عريس بقا لازم يبقي فايق كده بحبه أرخم عليه
منال : ربنا ما يحرمكوا من بعض يا حبايبي يارب
علا : ولا منك يا جميل انت أنا كده عرفت أن انا ومالك حلوين لمين
منال : أبوكي كان جميل الله يرحمه
علا : يارب نسينا مالك
مالك فتح الباب
مالك : اي الازعاج اللي علي الصبح ده يا اوزعه
علا : اي يا لوكه بصبح علي العريس وبصحيه عشان منتاخرش علي حور عشان متنفخنيش
مالك : يابنتي نقي الفاظك
علا : طب يلا عشان حور متزعقليش كده حلو يا لوكه
مالك : نوعا ما ويلا البسي علي أما اخلص عشان الوقت
منال : مبروك يا حبيب قلبي ربنا يسعدك يارب هتوحشني الايام اللي هتغيبها دي
مالك : وانتي كمان يا ست الكل بس إن شاء الله مش هتأخر عليكي بس دعواتك لينا يا أمي
منال : انا دايما بدعيلك يا حبيبي
مالك : متحرمش منك ابدا يا ست الكل
