معا الي الجنه يا رفيقي 💛🤭
الفصل الرابع
في الجامعه
ملك : مش عارفه ليه علا مبتحبنيش وبتقف لي علي الكلمه
علا : عشان انتي مش شبهنا
ملك: قصدك اي يا علا هانم
حور: يا جماعه استهدوا بالله مينفعش الا بتعملوا ده
ملك : قولي لصحبتك يا حور مش ليا
حور : خلاص يا علا خلاص يا ملك حقك عليا انا
يأتي عليهم كريم اول ما حور تشوفه تشد علا من ايديها وتقول لملك معلش هنقوم احنا ندخل المدرج
كريم : في اي يا حور هوا إذا حضرت الشيطان ولا اي ؟!
حور : مردتش عليه واخدت علا ومشيت
علا : بس متنكريش أن الواد هيموت عليكي يا حور
حور : انتي عارفه يا علا أن مليش في الجو ده نهائي ومش هسلم قلبي لأي حد بسهوله وبعدين هوا مش كويس وبتاع بنات وبيشرب ربنا يهديه ويبعده عني
علا : بس طالما بيقعد مع ملك يبقا بيتفق معاها علي حاجه وانتي عارفه اني مبحبش ملك دي ومش برتاح ليها خلي بالك ومش يبقي قلبك ابيض وبتتكلمي مع اي حد
حور : مش بعرف اقول لحد متكلمنيش وربنا يهديها ويهدينا يا ستي يلا بقا عشان ندخل المدرج عشان نلحق مكان في الاول ونخلص ونمشي عشان هموت وانام
علا : يلا يا رورو علي الله نطلع من السنه دي بتقدير حلو
حور : إن شاء الله
نسيبهم ونروح الشركه
بعد الاستراحه يروح مالك المكتب ومعه يوسف
مالك : مقولتليش يا يوسف اخبار الصفقه الا معاك اي انا مش عايز الصفقه دي تروح مننا
يوسف : عيب عليك يابني إن شاء الله هترسي علينا وبكره تقول جو قال
مالك : اتمني ذالك
يمسك مالك الفون ويرن علي علا والفون يديه مغلق
مالك : بقلق اي ده الفون مغلق ليه
يوسف : في اي ياصاحبي مين الا مغلق
مالك: دي علا برن عليها فونها مغلق
يوسف: حاول تاني ممكن يكون عيب شبكه
يحاول مالك وبرضه الفون مغلق
مالك: برضه مغلق
يوسف : مش هيا في الجامعه
مالك : ايوه
يوسف: يمكن في المحاضره
مالك: ممكن بس الساعه واحده ونص يعني تقريبا خلصت
يوسف :متقلقش ياصاحبي اكيد قافله عشان المحاضره
مالك : طيب اي مش هتروح بقا ولا اي
يوسف : همشي معاك عشان توصلني😂
مالك : قول كده انك قاعد معايا عشان مصلحه
يوسف : تعرف عني كده😂🤭
مالك : وأبو كده كمان 😌
شكلي الايام دي هسيب الشركه واشتغل مواصلاتي لكل واحد شويه إذا كان انت او اختي وصاحبتها🤨
يوسف : بكره اجيب عربيه ومش هتعرف تتكلم معايا😂😌
مالك :ياعم روح كده وانت منفوخ علي الفاضي
يوسف : طيب يلا ياعم عشان توصلني بقا
مالك: شحاته وإماره كمان🌝
يوسف : اي مش صاحبي ولا اي يا شيخنا 🌝
مالك : شيخنا مره واحده ماشي يا سيدي عشان شيخنا ده هوصلك واكسب فيك ثواب 😌
يوسف : المهم توصلني😂
في الجامعه
المحاضره تخلص
وتيجي ملك لحور
ملك : حور عايزاكي
حور : خير يا ملك
ملك : ممكن تيجي معايا بس هنا اتكلم معاكي بعيد عن الدوشه
ترجع حور لعلا
حور : ثواني واجيلك يا علا
علا : راحه فين يابنتي مش هنروح
حور : ملك عايزاني هشوف عايزه اي وارجع
علا : مع أن مش مطمنه للبت دي بس مش تتاخري وخدي بالك من نفسك
حور : ماشي يا لولو
تروح حور لملك
ملك : انا عارفه انك قريبه من ربنا يا حور ونفسي واكون زيك كده فعايزاك تيجي معايا الواقتي نروح نجيب لبس محجبات عشان قررت البسه
حور بفرحه : بجد يا ملك هتلبسي الحجاب
ملك بتمثيل: ايوه هلبسه وهقرب من ربنا وانتي هتكوني معايا خطوه بخطوه
حور : ماشي يا ملك هكون معاكي بس ممكن تخليها بعد الجامعه مش الواقتي
ملك بإصرار : لا يا حور الواقتي لان ماما عمرها ما هتخرجني بعد الجامعه وطبعا ملك بتكدب🤷🏻♀️
حور بإستسلام : طيب هروح اقول لعلا عشان تمشي هيا
ملك بإرتباك :لا احنا هنمشي وانتي ترني عليها
حور : طيب🤷🏻♀️
تركب حور وملك تاكسي
وترن حور علي علا
حور : معلش يا علا انا هروح مشوار مع ملك روحي انتي
علا بإستغراب: مشوار اي 🤨
حور : لما نتقابل هقولك يلا خلي بالك من نفسك
علا : ماشي وانتي كمان واما تروحي طمنيني عليكي
حور : حاضر سلام يا لولو
ملك : عارفه يا حور انا نفسي اكون صاحبتك زي علا كده
حور : ماانتي صاحبتي يا ملك
ملك : بس مش زي علا عايزه ابقى قريبه منك
حور : انتي من انهارده هتبقي قريبه مني
ملك : بجد يا حور انا بحبك اوي
حور : وانا كمان
يقف التاكسي عند المول وقبل ما يدخلوا المول تليفون ملك يرن
ملك :لحظه كده ياحور ارد علي الفون
حور : ماشي
بعد ما تخلص المكالمه بتاعتها
ملك بدموع زايفه : الحقيني يا حور
حور بخضه : مالك يا بنتي
ملك :مش هعرف اجيب لبس انهارده لان جارتنا كلمتني وقالت ليا أن ماما في المستشفي تعبانه اوي
حور : طيب روحي اطمني عليها وان شاء الله نجيب في يوم تاني
ملك : طيب ممكن اطلب منك طلب
حور : اطلبي يا حبيبتي
ملك : ممكن تيجي معايا البيت عشان اجيب حاجات لماما
ومتخافيش انا معنديش اخوات وعشان انا بخاف اكون لوحدي
حور طبعا طيبه جدا ونيتها كويسه وهتوافق
حور: ماشي هاجي معاكي يلا بينا عشان مش تتاخري علي مامتك
ملك : مش عارفه اقولك يابنتي والله
حور : متقوليش حاجه ياملك انتي صحبتي ومينفعش اسيبك في الوقت ده وطبعا حور كلمت والدتها وقالت ليها أنها مع صاحبتها عشان والدتها في المستشفي
ركبوا تاكسي وملك قالت للتاكسي عنوان غير عنوان بيتهم مع العلم أن حور متعرفش عنوان بيت ملك
يقف التاكسي وتنزل حور وملك
ملك: دي العماره الا احنا ساكنين فيها ياحور يلا بسرعه عشان الحق
حور : حاضر يلا
ويطلعوا الاتنين
ترن ملك الجرس
حور : مش انتي بتقولي أن مفيش حد في البيت
ملك بتوتر : ايوه صح نسيت
ولسه بتفتح الشنطه عشان تعمل نفسها انها بتجيب مفتاح
الباب يتفتح
حور بصدمه : كريم😳
يتبع
بقلمي : تسنيم محمد🤭
رايكم يهمني ..💛🦋
