معا الي الجنه يا رفيقي 💛🤭
حور اخدت بالها
حور : في حاجه
مالك بتوتر : احم لا بس هو الحمام منين
حور : طيب لحظه يا سامي
سامي : ايوه يا حور
حور : وري مالك الحمام فين
قام مالك مع سامي ورراح الحمام طلع الصور وهو مصدوم من المنظر
مالك في نفسه : مش معقول أن عارف ان حور مستحيل تعمل كده والأستاذ كريم جه في الوقت الصح قبل ما نلبس دبل يارب ساعدني
خرج مالك وحاول يبتسم ابتسامه خفيفه عشان مفيش حد يلاحظ
مالك لعلا : يلا يا حبيبتي لبسي الشبكه
بدأت علا تلبس حور الشبكه وسط الزغاريط والمباركات
مالك سرحان
علا : مبروك يا مالك ماااالك
مالك : ها اي يا علا
علا بغمزه : هيا العروسه لحقت تاخد عقلك
مالك بيحاول يبتسم : بطلي رخامه يابت عقبالك يا اوزعه
سعاد : عقبال ما نفرح بيكي يا علا يا حبيبتي
علا : في حياتك يا طنط
سعاد : يلا بقا عشان تتعشوا يا حبايب قلبي
مالك : لا ملهاش لازمه احنا نمشي عشان الوقت
سعاد : لا ازاي مينفعش يلا يا مالك متزعلنيش منك
مالك علي مضض : حاضر يا امي
قعدوا يتعشوا وحور حاسه ان مالك في حاجه بس طبعا مكسوفه تتكلم
خلصوا اكل وقام مالك
مالك : طيب نستأذن احنا بقا
عماد : ما تقعد شويه يا بني
مالك : إن شاء الله الايام جايه كتير
علا : مع السلامه يا عروسه ونتقابل في الجامعه بقا
حور : مع السلامه يا لولو إن شاء الله
عند كريم
كريمه : ها يا كريم الخطوبه باظت فرحني
كريم بفرح : هتبوظ اكيد بعد اللي هيشوفه
كريمه : ويبقا كده حور بقت ليك
كريم : هو ده
كريمه : طيب اي مفيش اي حاجه ليا
كريم بقرف : ليكي بس اما اتاكد أن الخطوبه باظت وكل واحد راح لحاله
كريمه : متقلقش يا حبيبي ده الشغل عالي اوي
عند مالك
علا : مالك يا عريس شكلك غريب من ساعه ما كريم جه هو قالك حاجه ضايقتك
مالك بإرتباك: لا لا خالص
علا : اممم مع أن حاسه ان في حاجه بس هسيبك براحتك
مالك : مفيش يا بنتي حاجه صدقيني
علا : ماشي يا مالك
عند حور
جت ليها رساله من رقم غريب
مبروك علي فض الخطوبه
خطيبك المستقبلي
حور بصدمه : فض خطوبه معقول يكون كريم عمل حاجه انا عرفت مالك كان ماله
حسبي الله نعم الوكيل انا عملت اي لكل ده ياربي
دخلت سعاد لقت حور زي ما تكون معيطه
سعاد : مالك يا حور
حور بتوتر : ها لا يا ماما مفيش حاجه بس انا مصدعه شويه
سعاد : اخدتي عين يا حبيبتي كنتي زي القمر انهارده
حور : انتي اللي قمر يا ست الكل والله ربنا ميحرمنا منك
سعاد : ربنا يسعدك يابنتي جهزي نفسك بكره عشان ننزل نكمل جهازك يا حبيبتي لان مالك متفق مع ابوكي علي مده صغيره
حور : ليه كده يا ماما والجامعه
سعاد : هتكلميها في بيته يا حبيبتي وكمان معاكي صحبتك يعني تذاكرو سوا
حور لنفسها : ده لو كملت
سعاد :روحتي فين يا حبيتي اي مالك اخد عقلك من اول يوم كده
حور بتصنع الضحك : لا خالص ياماما تعرفي أن حد يقدر ياخد عقلي بسهوله كده
سعاد : وماله يا حبيتي ده مالك شاب كويس وعارف ربنا وهيحافظ عليكي يلا أما اسيبك يا حبيتي بقا عشان ترتاحي
عند مالك
صحي الصبح وقبل ما يروح الشغل اخد الصور وراح لواحد صحبه عشان يعرف الصور دي حقيقه ولا لا
مالك : ازيك يا عادل
عادل : مالك مش معقول فينك يابني من زمان
مالك : اشغال يا صاحبي بقا
عادل : ربنا معاك يا حبيب
مالك : كنت عايزك في خدمه
عادل : خير يا سيدي
مالك : انا معايا صور وعايز اعرف حقيقيه ولا مفبركه
عادل : ماشي وريني وانا اعرف ليك
اي ده يا بن اللعيبه
مالك بخضه : اي يا عادل حقيقي
عادل : بص هو اللي يشوف يقول حقيقي بس انت مش مركز علي البنت
مالك : مش مركز ازاي
عادل : يعني اللي يشوف أن البنت كان باين عليها مغمضه ونايمه
مالك بإرتياح: لا مأخدتش بالي من الحته دي شكرا يا عادل علي الجميل ده
عادل : مفيش بينا شكر يا صاحبي
نزل مالك من عند عادل
ورن علي حور
حور بإستغراب: رقم غريب تاني يارب استر
السلام عليكم
مالك : وعليكم السلام ورحمه الله وبركاته
ازيك يا حور
حور : احم مالك
مالك : اها مالك بس عندي سؤال بسرعه عشان كلامنا ده مينفعش بس ده للضروره بس
حور : اتفضل
مالك : اي اللي حصل يوم ما كريم اخدك الشقه بتاعته
حور بصدمه : ...
يتبع ...
بقلمي ..تسنيم محمد 💛🤭
رأيكم يهمني ..💛🌻
