معا الي الجنه يا رفيقي 💛🤭
الفصل الحادي عشر
عماد : في اي يابنتي
حور : انت قولت ليه اي يا بابا
عماد : اخد مني معاد وهيجي لينا البيت
حور : يابابا الموضوع ده انا مش بفكر فيه الواقتي وبعدين مش ده الشخص اللي انا أتمناه
عماد : يجي البيت وتصلي استخاره وبعدين نبقي نشوف
حور : وانت اي رايك يابابا
عماد : انا بحب الشخص اللي يدخل ليا دوغري وميلعبش بيكي المهم انتي متتعبيش نفسك وجهزي نفسك يلا عشان الدكتور قال انك تخرجي انهارده
حور بتوهان : حاضر
في بيت علا
علا : انا مش قادره اصدق لحد الواقتي يا مالك أن يبقا لينا اخ ومن ومين من اللي مشيت وسبتنا وابويا مات من اللي عمليته وكمان ابنها يكون معايا في الجامعه والمصيبه كمان أنه بيحاول مع حور بكل الطرق صحبتي الوحيده
مالك : احنا حياتنا زي ما هيا مفيش تغييير هيحصل فيها أما بالنسبه لصحبتك فإنتوا مش عشره يوم ولا اتنين انتوا عشره سنين فأكيد مش هتبعد عنك عشان واحد زي ده يعني واما تروحي الجامعه ملكيش دعوه بالبني ادم ده
يرن تليفون علا
علا : دي حور
مالك : طيب ردي
علا : السلام عليكم
حور : وعليكم السلام ورحمه الله وبركاته اي يا علا فينك انا روحت البيت علي فكره من ساعه امبارح مش سمعت صوتك
علا : اسفه يا حور بس انا محروجه اكلمك عشان اللي حصل
حور : اللي حصل ده انتي ملكيش ذنب فيه انتي اتفاجأتي زيك زيي
علا : انا فعلا والله مكنتش اعرف يا حور ومكنتش أتمني أن ده يحصل في يوم من الايام
حور : ده فيه مصيبه بقا
علا : في اي
حور : البيه طلب ايدي
علا بصدمه : اي بتتكلمي جد
حور : اها والله واللي مضايقيني أن بابا هيقابله وهيجي البيت
علا : بجد ازاي وهتعملي اي
حور : انتي عارفه اللي فيها يا علا وعارفه كل اللي حصل ومش عارفه اعترض لان هوا هددني في المستشفي
علا : متستسلميش يا حور واكيد في حل
حور : اتمني يا علا والله انتي عارفه أن انا مش بطيق الشخص ده
علا : خير يا حور أنا هبقي اجي اشوفك إن شاء الله
حور : تعبتك معايا يا علا الايام دي متحرمش منك
علا : متقوليش كده يا حور انتي اختي والله
حور :ربنا يديم المحبه يلا في رعايه الله يا حبيبتي
عند علا
علا : شوف الحيوان عمل اي يا مالك
مالك : اي عمل اي تاني
علا : الاستاذ طلب ايد حور
مالك بصدمه : نعم
ازاي ده وهيا هتوافق عليه
علا : هيا مش عارفه تعمل اي يا مالك انت عارف اللي حصل وهوا هددها مفيش غير الحل ده
مالك : لا طبعا اكيد في حلول تانيه
علا : معتقدش لان هوا حطها قدام امر واقع وكمان لازم يصلح غلطته
مالك : بس ده مش شبها يا علا هيا ملتزمه وده مش ينفعها خالص
علا : ربنا يسترها
في بيت حور
سعاد تدخل اوضه حور
سعاد : قومي يا حبيبتي جهزي نفسك عشان كريم جاي انهارده
حور بتهكم : هوا مستعجل علي اي
سعاد : مش باين عليكي الفرحه زي اي بنت يجي عريس ليها لي يا حور
حور : لان مكنتش أتوقع أن اتخطب وانا في الجامعه
سعاد : متعرفيش الخير فين يا حور اقعدي معاه وشوفي يابنتي
حور في نفسها من غير ما اقعد انا هوافق حتي لو حصل اي
سعاد : اي يابنتي روحتي فين
حور : انا معاكي اهوه ياماما
سعاد:ماشي ياحبيبتي انا هخرج وانتي جهزي نفسك عشان خلاص معتش وقت
حور : حاضر ياماما
تخرج ام حور من الاوضه
تقوم حور تتوضي وتفرش المصليه وتصلي وتدعي ربنا يقف معاها هوا الوحيد اللي بتلجأ ليه في الوقت ده
وبعد ما تخلص صلاه تقوم تلبس دريس اسود. في ابيض علي خمار اسود
يرن جرس الباب
يفتح ابو حور
عماد : اهلا يا كريم يا بني اتفضل
كريم : ازي حضرتك
عماد : قولي يا عمي
كريم : ده شرف ليا يا عمي
يدخل سامي اوضه حور
سامي : عروستنا الحلوه خلصت ولا لسه
حور : عروسه اي ياعم بس ده انا حتي لسه طالعه من المستشفى
سامي : اي يابنتي مفروض تبقي فرحانه ده حتي انتي عروسه
حور : بس ياعم سامي روح شوف انت بتعمل اي
سامي : طيب يلا يا سيمو الاميره عشان تدخلي للعريس
حور : اي هوا انا هدخل الوقتي
سامي : حاجه زي كده يلا يابنتي
تخرج حور وهيا حاطه راسها في الأرض
حور : السلام عليكم
وتقعد جمب والدها
عماد : طيب انا هقوم اقعد هنا شويه علي اما تتكلموا
كريم :ازيك يا انسه حور ولا اقول يا مدام حور
حور : انت بني ادم قليل الادب
كريم : عارف
حور : طيب لما انت عارف جاي ليا لي ولا مش مكفيك اللي عملته فيا
كريم: تؤتؤتؤ انا لسه معملتش حاجه
حور : هتعمل اي اكتر من اللي عملته
كريم ببرود : هتعرفي وقتها
اها وياريت متعترضيش علي اللي هنتفق عليه انا ووالدك
حور : انت اي شيطان معندكش رحمه
كريم ببرود : بيقولوا
يدخل عليهم والد حور
عماد : ها يا ولاد اتفقتوا
كريم : ايوه يا عمي وعايز اخد رايك في حاجه
عماد : قول يابني
كريم : عايز الخطوبه تكون مع كتب الكتاب الاسبوع الجاي
يتبع ...
بقلمي : تسنيم محمد ..💛🌻
رأيكم يهمني ..💛🤭
