الفصل التاسع والعشرون
علا : متبوصيش طيب
ملك : ممكن كلمه
مالك بعصبيه: خير يا انسه عايزه حور في اي مش كفايه اللي حصل بسببك
ملك بدموع : بالله عليكي مره اخيره هنقعد هنا جمبكم
علا : طيب امسحي دموع التماسيح دي عشان مش هنصدقك تاني
حور صعبت عليها ملك : خلاص يا جماعه انا جمبكم اهو متقلقوش تعالي يا ملك
اخدت ملك وقعدوا علي مكان قريب منهم
حور : خير يا ملك عيزاني في اي
ملك : انا اسفه يا حور والله اسفه والمره دي بجد انا ندمانه علي اللي حصل واللي عملته وعمري ما هسامح نفسي انا يوم ما قولت ليكي أن ماما تعبانه ماما مكنتش تعبانه ماما كانت كويسه ومفيهاش حاجه وكانت بتشجعني علي كده علشان اتجوز كريم في الاخر عشان غني وحلو وعنده شركه وهيعيشني بطريقه حلوه انا وهيا بس اللي حصل زي ما انتي عارفه اللي حصلك بس اللي متعرفيهوش أن ماما تعبت فجأه وطلع عندها كانسر وماتت ربنا جبلك حقك يا حور بقيت هتجنن متزعليش مني قولت اي اللي بين ربنا وحور علشان حقها يجي بالسرعه دي وانا أما عرفت أن كريم مات بقيت مصدومه ومش عارفه اعمل اي كريم كان بيديني مبلغ كويس في كل حاجه بعملها ليه احنا ناس فقرا وانا كنت بتعلم في الجامعه عشان محدش يقلل مني بفلوس كريم انا طلعت وحشه اوي وعرفت قد اي الدنيا صغيره لما كريم مات مكنتش اتوقع قولت لازم اجيلك عشان تسامحني وتسامحي ماما أنا مش طالبه منك غير انك تسامحينا وانا هبعد عنك نهائي معتيش هتشوفيني حتي في الجامعه ابويا راجل ظالم هيجوزني لواحد قريب من سنه عشان شويه فلوس وخلاص معتش في حاجه اعملها غير أن أطلب منك السماح ليا ولماما
حور بدموع : ليه يا ملك ليه عملت ليكي اي عشان تعملي معايا كده ده دايما مكنتش بسمع لعلا واتكلم واقول ربنا يهديها وهيا مش عارفه دينها كويس ممكن اكون مشجعة ليها أنها تقرب من ربنا انا كنت بتمني ليكي كل خير والله ليه جالك قلب تعملي كل ده معقول الفلوس تعمل كده مش قادره اصدق والله انا حقيقي مصدومه بس انا هسامح مامتك عشان ربنا جاب ليا حقي وهيا عنده دلوقتي مقدرش مسمحاش وانتي كمان مسمحاكي لانك هتتجوزي راجل قد أبوكي وكمان مش هتكملي تعليمك ربنا جاب ليا حقي من غير ما اعمل اي حاجه شوفتي يا ملك عايزاكي تعرفي أن كما تدين تدان ولو بعد حين والله يا ملك وانا مكنش اتخيل أن حقي هيرجع ليا بالسرعه دي ولو سمحتي انا هقوم علشان متأخرش عليهم انتي عرفتي غلطك اتمني تتوبي وتقربي من ربنا وربنا يهديكي سلام
سابتها ومشت من غير ما تسمع ردها وراحه لعلا ومالك
حور : معلش لو اتاخرت عليكم
علا : اي يابنتي مالك انتي معيطه ولا اي
حور : لا يابنتي مفيش حاجه ممكن تراب دخل في عيني
مالك بشك : خير يا انسه حور هيا قالت ليكي حاجه ضايقتك
حور : لا لا مفيش حاجه صدقوني انا كويسه وهيا ربنا معاها
علا : طيب مهما كان اللي حصل متزعليش نفسك ويلا كلي قبل الاكل ما يبرد ومش يبقي حلو
اكلوا وخلصوا ورواحو عند حور
حور : سلام عليكم معايا ضيوف يا بابا
عماد : اهلا يا مالك يا بني ازيك يا علا اتفضلوا
مالك : ازيك يا عمي اسف لو أتاخرنا
عماد : لا مفيش حاجه يابني انا مطمن طول ما بنتي معاكي
مالك : الله يعزك يا عمي
جت سعاد : اهلا وسهلا وسلمت علي علا
ازيك يا مالك
مالك : الحمدلله بخير يا امي طيب يا عمي انا جيت أبلغكم موافقتنا علي سامي احنا مش هنلاقي احسن من حضراتكم ننسابهم
عماد : الله يكرم اصلك يا بني والله احنا ذادنا شرف بنسبكم
سعاد زغرطت استي انادي لسامي هيفرح اوي يا سامي
سامي : ايوه ياماما اي ده مالك هنا بتزغرطي ليا حور هتتجوز الوقتي ولا اي
سعاد : لا وانت الصادق انت يا حبيبي علا وافقت عليك
سامي : بجد يا مالك قول والله
مالك بضحك والله
كل ده وهو مش شايف علا واقفه مع حور بعيد عنهم شويه سامي : الله يسترك يا مالك يا ابن عمو ابو مالك يارب ها فرحي امته
مالك : مش كله ورا بعضه كده
لسه خطوبه وبعدين كتب كتاب
سامي : كتب كتاب وفرح زيكم
عماد : يبقي أحلي حاجه والله
ربنا يتمم ليكوا علي خير يارب
كلهم يارب
عدا وقت تجهيزات الفرح وبيستعدوا لليله الحنه
حور بتكلم علا علي النت
حور : تعالي انهارده بدري بقا عشان عايزاكي في كام حاجه
علا : من غير ما تقولي يا مرات اخويا يا قمر انتي
حور : ماشي يا عروسه اخويا يلا اجهزي وتعالي
قفلت مع علا وكلمت منار
حور : ازيك يا منار عامله اي
منار : الحمدلله يا حور بخير
حور : أدام الله حمدك ونبض قلبك يا قلبي يارب أنا عزماكي علي فرحي بكره إن شاء الله في البيت
منار : اي ده بجد مبارك عليكي يا حور فرحانه بيكي اوي ربنا يتمم بخير
حور : الله يبارك فيكي وفي عمرك يا نونو ياقمر عقبالك يارب
بس عايزاكي قبل ما انشغل عنك الفتره دي انا هبعت ليكي روايه في الحلال وانا وانتي نقرأها عشان تستفادي منهم يا حبيبي
واسماء الشيوخ دي اسمعي ليهم هيفيدوكي اوي وهتقربي من ربنا اكتر واكتر
د / محمد الغليظ
شيخ /حازم شومان
د/هاله سمير
منار : شكرا جدا ليكي يا حور ربنا يوفقك في حياتك الجديده وحقيقي أنا فخوره أن صحبتك ربنا يجعله في ميزان حسناتك يارب
حور : يارب يا نونو يلا اسيبك بقا ومتنسيش المعاد بكره إن شاء الله المغرب
قامت حور تجهز حاجات اليوم مع مامتها
حور : اي يا ست الكل محتاجه مساعده
سعاد : لا يا حبيبتي محتاجه أن تهتمي بنفسك بس والله هتوحشيني يا حور
حور: بس بقا يا ماما علشان مرجعش في رأيي
سعاد : مين دي اللي ترجع في رأيها ده يحصل ليكي حاجه
حور : اي ده هو باين عليا اوي كده بس انا مش عارفه ازاي وأمته انا فجاه لقتني بحبه انا معجبه بيه كشخصيه واحترام وكل حاجه بس لما اتخطبنا رغم الظروف اللي جمعتنا بس انا حبيتها عشان جمعتني بيه قد اي هو حنين وجميل وطيب وحاسه أنه بيحبني يعني حاجه كده الله بارك
سعاد : واضح أن انتي هتغيري رايك بس انتي تستاهلي كل حاجه حلوه يا حور ربنا يسعدك يابنتي يارب
حور : حبيبتي يا ماما ايوه افضلي ادعيلي كده دايما
سامي : اي ده هيا ست حور ليها كل الدعوات وانا لا
سعاد : هو في زيك يا سامي ده انت اول عيني ما شافت ربنا يبارك فيكم يا حبايبي ويسعدكم ويبعد عنكم ولاد الحرام يارب
حور وسامي اللهم امين
سامي : اي يا حور هو مش في حنه انهارده اصحابك هيجوا ولا اي
حور : اممم اها في حنه بس انت عارف أن مليش صحاب غير انسه علا
سامي : اتريقي ليكي يوم لما مالك يجي
حور : خلاص خلاص علا هتيجي بس اياك تبص عليها وافتكر غض البصر يا استاذ
سامي : عيوني السود
