معا الي الجنه يا رفيقي 💛🤭
الفصل الخامس والعشرون
سامي : اي مالك يابنتي اتصدمتي كده ليه
حور : سامي انت بتهزر صح طيب مالك بره بيعمل اي
سامي : لا حول ولا قوه الا بالله ههزر ليه يابنتي والله بره هو احم والانسه علا
حور بصدمه: علا كمان ربنا يستر
سامي :يلا يابنتي البسي عشان متتاخريش عليهم
خرج سامي ليهم
سامي : منور والله يا ابو نسب
مالك :ده نورك يا سامي
ها عامل اي في شغلك والدنيا عامله اي معاك
سامي: ماشي الحال والله الحمدلله في نعمه
مالك : ادامها الله عليك
سعاد : عامل اي مالك عامله اي يا علا يا حبيبتي
مالك : الحمدلله بخير يا امي
علا : الحمدلله يا طنط انتي عامله اي
سعاد : الحمدلله يا حبيبتي
علا : هيا حور نايمه
سعاد : لا يا حبيبتي تعالي ادخلي ليها
قامت علا مع سعاد ودخلت لحور
علا : وحشتيني من ساعتين بس
حور بضحك : اها يا بكاشه اوعي تقولي انكم جاين عشان اللي حصل في الجامعه
علا بتمثل : اها يا ظالمه انتي ازاي تفكري فينا التفكير ده لا طبعا دا انا حتي معايا ليكي حاجه
حور :اي حاجه اي
علا : من مالك
حور بكسوف :احم مالك ماله مش هو معاكي بره
علا : ايوه يابنتي معايا بس قالي اديكي العلبه دي ونبه عليا متتفتحش غير لما نمشي مع أن نفسي اعرف فيها اي
حور : بجد احم الفضول هيموتني الصراحه
علا : يلا يابنتي عشان تخرجي انا حاولت ادخل ليكي عشان العلبه دي محدش يشوفها
هييييح
حور بضحك : اي يابنتي انتي واقعه كده ليه
علا :ليكي حق تتريقي مع حضرتك مخطوبه إنما أنا سنجله بائسه
حور بغمزه: هتخطبي يا لولو لاتقلقي في القريب العاجل
علا : بجد اقصد هتخطب لمين يا حسره هو حد يعرفني غيرك انتي ومالك
حور : اها يابنتي بس أنتي مش واخده بالك
قطع كلامهم سعاد
سعاد : يلا يابنات تعالوا عشان ابوكي عايزك يا حور
حور : ماشي ياماما خارجين وراكي
يلا يا لولو
خرجت حور وعلا ودخلت قالت السلام عليكم
الكل : وعليكم السلام ورحمه الله وبركاته طبعا مالك مبصش لان هيا مش تحل ليه لسه اجنبي عنها قعدت جنب باباها
عماد : حور مالك طلب أن احنا نكتب الكتاب
حور بصدمه : بس احنا لسه مخطوبين وكمان في امتحانات وكده
مالك وهو مش بيبص ليها :
عشان انا ملتزم بضوابط الخطوبه ومش عايز اعصي ربنا فيكي وعايز اكتب الكتاب والوقت اللي انتي عايزينه للفرح انا موافق عليه بس نكتب الكتاب بس عشان نعرف بعض
حور : طيب والامتحانات
مالك : خلاص بعد الامتحانات علي طول
عماد : هيا الامتحانات لسه عليها قد اي
حور :اسبوع كده
عماد : خلاص علي بركه الله بعد الإمتحانات أن شاء الله يا مالك وربنا يتمم ليكو بخير يارب
سامي : طيب اي يا حج دعوه من الدعوات اللي ماشي توزعها دي
عماد : عايز اي يا ولا
سامي :احم ولا شكرا ياحج علي الدعوه دي
الكل ضحك علي كلامه
مالك : طيب يا عمي بإذن الله زي ما اتفقنا وشوف حضرتك الوقت اللي يناسبك وكلمني
عماد : ماشي يا مالك
مالك : نستأذن احنا بقا
عماد : ما تقعد يابني البيت بيتك
مالك : شكرا يا عمي بس انا راجع الشركه
عماد : ربنا معاك يا حبيبي
مالك : يلا يا علا سلام عليكم
الكل: وعليكم السلام ورحمه الله وبركاته
سامي : ها يا حبيتي مش هتعملي فيا معروف وتخلي ابوكي يكلم مالك ويخطبني انا كمان
حور : تدفع كام
سامي بصوت واطي : ماديه حقيره
حور : بتقول حاجه ياسيمو
سامي :لا يا حبيبتي سلامتك
اؤمريني عايزه اي وانا اجيبه ليكي
حور: سبني افكر
سامي : هيا شحاته وإماره
حور : بقا انا شحاته يا سامي ماشي شوف مين هيكلم بابا وعلا وطلعت لسانها ليه وجريت
سامي : اها يا مجنونه
عماد : اي ياسامي بتكلم نفسك
سامي : اي لا ابدا بقولك اي ياحج مش ناوي تفرح بيا
عماد : افرح بيك ازاي
سامي : اي يا حج هو انجليزي
عايز ادوز
عماد : مش لما تعقل كده
سامي :ياربي علي كسفتك يا سامي مكنش يومك يا سامي
عماد: استرجل يلا كده
سامي : ماشي يا حج شكرا علي الاحراج ده سلام عليكم
عند حور في الاوضه دخلت والفضول هيموتها وتعرف العلبه فيها اي فتحت العلبه لقت فيها شيكولاته اللي هيا بتحبها ومعاها ورده جميله
وظرف
مسكت الظرف وبدأت تقرا
اسف على عصبيتي عليكي في العربيه اتمني متزعليش مني ده من خوفي عليكي ويارب الحاجه البسيطه دي تعبجك
*رفيقك الي الجنه*
حور بإبتسامه الله اي الجمال والحلاوه دي وطلعت رومانسي كمان ياسي مالك ربنا يجمعنا علي خير
عند كريم
رن علي ملك
كريم : ايوه ملك عايزك ضروري
ملك : خير تاني يا كريم
كريم : متنسيش نفسك وانتي بتتكلمي معايا فاهمه ولا لا
ملك بخوف : عايز اي يا كريم
كريم : مروحتيش خطوبه حور ليه
ملك : مين اللي قالك
كريم :ردي علي قد سؤالي
ملك : خوفت الصراحه
كريم : من اي يا حلوه
ملك : من علا لأنها دايما يتحظرها مني
كريم : طيب ده مش موضعنا انا عايزك في خطه معايا
ملك : معاك في اي حاجه
كريم : اشطا اوووي هكلمك ونتقابل
ملك : ماشي
جت. عليه كريمه
كريمه : كريم انا عندي ليك خطه هتخليه يسيبها بجد
كريم : بجد اي هيا
كريمه : .....
يتبع ...
بقلمي : تسنيم محمد ..💛🤭
رأيكم يهمني ..💛🌻
