معا الي الجنه يا رفيقي 💛🤭
الفصل الرابع عشر
كريم : اي ده هوا انتوا تعرفوا بعض
كريمه : انا لو كنت اعرف انها بنتك مكنتش جيت اصلا
عماد بعصبيه : خد امك وأخرجوا من بيتي
جت سعاد علي الصوت العالي
سعاد : اي ده إنتي اي اللي جابك هنا
كريم : في اي يا جماعه ما تهدوا وتقولوا لينا تعرفوا بعض منين
عماد : هيا كلمه ومش هعيدها يا كريم خد امك وامشي معنديش بنات الجواز
كريم : ذنبنا اي يا عمي
عماد : انا من انهارده مش عمك فاهم
كريم : بس انا عايز سبب لرفضك ده
كريمه : انا مش هستني في البيت ده دقيقه واحده انا كرامتي اتهانت
عماد : بتحسي اوي
كريم : من فضلك ياعمي متكلمش ماما بالطريقه دي
وفهمني اي سر طردك ليا وتعرف ماما منين
عماد : عايز تعرف اعرف امك منين
كريم : ياريت
عماد : الهانم اللي تبقي مامتك كنت بحبها وخطيبها بعدين أتقدم ليها ابو مالك كان اغني مني وهيحقق ليها أحلامها فجرحتني ورمت الحاجه بتاعتي في وشي وقالت مش عايزه اشوفك تاني
كريم بتمثيل الصدمه: انتي عملتي كده يا ماما
عماد : لا متتصدمش كده لانها عملت مع ابو مالك نفس اللي عملته معايا
كريمه : انا مسمحلكش انت اللي كنت بتجري ورايا وانا اصلا مش عايزاك لحد ما وافقت عليك بعد ضغط من اهلي
عماد بزعيق : طيب بره بيتي لان انا مش عايز اللي اتعمل معايا يتعمل مع بنتي
كريم ببعض من العصبيه : بس انا هسيب مش حور
عماد : عشم ابليس في الجنه
كريم اخد أمه ومشي
عماد : حور يا حور
حور جت تجري
حور : ايوه يا بابا في اي
عماد : انسي اللي اسمه كريم ده نهائي واعتبري مفيش حد دخل حياتنا بالاسم ده
حور بفرحه : اي بجد يابابا
عماد : ايوه يابنتي انتي سمعتي اللي انا قولته ليهم
حور : ايوه يابابا انا عايزه اقولك أن مامته دي اصلا مش كانت تستاهلك كفايه اللي عملته في ابو علا
عماد : الله يسهلها يابنتي
تدخل حور اوضتها وترن علي علا
حور : السلام عليكم
علا : وعليكم السلام ورحمه الله وبركاته
حور : عندي ليكي خبر حلو ووحش في نفس الوقت
علا : خير يا بنتي
حور : بابا طرد كريم ومامته
علا بصدمه : بجد ليه
حور : كان بابا خطيبها قبل باباكي الله يرحمه وهيا سابته عشان باباكي اغني وكده
علا : بجد طيب وهتعملي اي مع كريم واللي اهلك ميعرفهوش
حور : مش عارفه يا علا واللي انا متاكده منه أن كريم مش هيسكت انا خايفه اوي علي بابا وماما
علا : سبيها علي ربنا يابنتي ومتزعليش نفسك ربنا خلصك منه وإن شاءالله نخلص منه للابد
حور : يارب يا علا لان انا تعبت من الموضوع ده
علا : لا تقلقي يابنتي
حور : المشكله في الجامعه بقا أما يقابلني
علا : مش هيقدر يعمل حاجه
حور : انتي عارفه انه قادر
علا : ربنا معاكي يا حور احسن من اي حد
حور : ونعم بالله يلا هسيبك وأقوم اصلي ركعتين شكر وادعي أن يخلصني منه
علا : ماشي يا حبيبتي
عند علا
علا : مالك يا ماااااااالك
مالك : اي يابنتي اي الازعاج ده اومال لو مكنتش معاكي في البيت
علا : عندي ليك خبر
مالك : خيرا
علا : كريمه هانم جت مصر
مالك بصدمه : اي ده بجد جت ليه
علا : حور قالت ليا الصبح في الجامعه
مالك : مقولتيش الصبح يعني ما انا كنت معاكي
علا : كنت ببفكر فيها
مالك : امم وبعدين
علا : وراحت عند حور مع كريم
مالك : راحت تعمل اي
علا : عشان تتعرف علي حور وتخيل بقا أن ابو حور كان خطيبها قبل بابا ووافقت علي بابا عشان أغني من ابو حور
مالك : بتهزري
علا : اها والله حوركانت بتحكيلي وكنت مصدومه زيك كده
مالك : وقال ليها اي
علا بإبتسامه عريضه : طردهم
مالك بفرحه حاول أن يخفيها : بجد والله
علا : اها والله
مالك : طيب وصحبتك هتعمل اي
علا بحزن : مش عارفه والله بس هيا صعبانه عليا وكمان أهلها مش يعرفوا الموضوع
مالك يفكر في شئ ما : سبيها علي ربنا
عند كريم في الفيلا
كريم : شوفتي اخر عمايلك يا كريمه هانم ضيعتي مني اللي بحبها
كريمه : انتي هتعملها عليا ولا اي
وخد في علمك انا راحه معاك وعارفه أن هيا تبقا بنته وقولت ليك قرب منها عشان احرمها من مالك
كريم بصدمه : طيب ليه مقولتيش ليا
كريمه : عشان اللي ابوك عمله فيا
كريم : انتي واحده طماعه وبتاعت مصلحتك وتسستاهلي اللي يحصلك واكتر واتفضلي اطلعي بره
تاني يوم في الجامعه
علا وحور في الكافتيريا
علا : سرحانه في اي يا حور
حور : قلقانه من كريم يا علا مش هيسبني في حالي
علا : احنا في جامعه يابنتي وفي ناس متخافيش
حور بسرحان : ربنا يستر
علا : طيب يلا نلحق المحاضره
حور : يلا
دخلوا المدرج لقوا كريم قاعد
علا بإستغراب : من امته الالتزام ده
حور : اهو ده اللي انا خايفه منه
علا : سيبك منه ويلا نقعد
قعدوا وكريم مركز مع حور جداا
بعد المحاضره
خرجوا
علا : بس مش شايفه ملك يعني هيا البت دي راحت فين
حور : الله يسهلها بقا هيا السبب
يأتي من وراهم كريم
كريم : متفكريش يا حلوه أن المشوار انتهي انا مش هسيبك
حور : ده في احلامك
كريم بغمزه: متنسيش أن اهلك لسه ميعرفوش حاجه عن الموضوع إياه
علا : انت قليل الادب
كريم : خليكي في حالك يا شاطره انتي انا مش وجهت ليكي كلام
حور : سبني في حالي بقا وملكش دعوه بيا
كريم : لا واللي يدخل مزاج كريم الآسيوطي مش هيخرج
وحاولي تقنعي ابوكي عشان مش اخليه يوافق غصب فاهمه يا قطه
سابهم ومشي
علا بتبص علي حور لقيتها مغمي عليها
علا بصريخ: حوور
يتبع ...
بقلمي : تسنيم محمد .. 💛🤭
رايكم يمهني ..💛🦋
