معا الي الجنه يا رفيقي 💛🤭
الفصل العاشر
عماد : خير يا بنتي في اي
علا : في واحد هنا متهجم علي حور وجايب معاه بودي جارد
عماد : أنا جاي حالا
سعاد : في اي يا عماد حور حصل ليها حاجه
عماد : خير يا سعاد خير بس قومي بسرعه صحي سامي
في المستشفي
كريم مسك في مالك
ويوسف بيحاول يفض الخناقه
واتدخلوا الناس اللي مع كريم
حور بصرخه جامده : كفايه بقا ارجوكم
في نفس اللحظه دخل ابو حور وأخوها
عماد : اي اللي بيحصل هنا
مالك : ياعمي اختي كلمتني وطلبت مني اجي عشان واحد متهجم علي الانسه حور ومش راضي يخرج وبيقل أدبه
كريم : والله عال يا استاذ مالك بتعيب في اخوك قدام راجل غريب اومال عامل فيها ملتزم علي اي بقا
عماد بصدمه : اخوك
مالك : احنا ملناش علاقه بيه يا عمي والله هوا اخونا من الام بس
عماد : مش ده اللي يخصنا هوا بيتهجم علي بنتي ليه
كريم : ممكن تيجي نتكلم بعيد عن هنا
عماد : اتفضل قدامي لما اشوف اخرك اي
خرج كريم وعماد
لجنينه المستشفي
كريم : هما فهموا حضرتك غلط انا كنت جاي اطمن علي الانسه حور هيا زميلتي في الجامعه
عماد: مفيش حد بيجي يطمن في الوقت ده واي اللي بينك وبين حور عشان تيجي تطمن عليها
كريم : انا كان نفسي نتقابل في ظروف احسن من كده
عماد : خير
كريم : انا طالب ايد الانسه حور
عماد : معتقدش أن ده الوقت المناسب للكلام ده
في باريس
دخل حامد الفيلا
كريمه : ما لسه بدري يا بشمهندس
حامد: في اي ياكريمه انتي ازاي تكلميني بالاسلوب ده
كريمه : انا اتكلم معاك زي ما انا عايزه ولا تكون نسيت نفسك
حامد : تقصدي اي بكلامك ده يا كريمه هانم
كريمه: قصدي انت فاهمه كويس
بقالك يومين بره البيت ومعرفش عنك حاجه تقدر تقولي كنت فين
حامد: شغل يا كريمه شغل
كريمه : دي حجه كل مره انا معتيش بصدقك ولا بصدق اي حاجه تقولها
حامد : بتقفي علي كل حاجه دي مبقتش عيشه دي حاجه تقرف
ويطلع حامد الأوضه
وترن كريمه علي كريم
كريمه : اي يا كريم انت كمان نسيت أن ليك ام ولا اي
كريم : لا منستش بس انا مش فاضي من المهمه بتاعتي
كريمه : قابلت مالك
كريم : اها وعلا كمان
كريمه : وعملت اي معاهم
كريم : ولا حاجه هوا ابنك ده شكله عينه من البنت دي
كريمه : لا اوعي تسيبها ليه
كريم : اومال لو مكنش ابنك كنتي عملتي اي
كريمه : لا مش ابني انت بس اللي ابني وحبيبي طيب قولي يا كريم البنت دي من عيله وكده ولا اي النظام
كريم : برضه لسه تفكيرك متغيرش بس علي ما اعتقد هما ناس علي قدهم
كريمه : اهم حاجه متسبهاش لمالك
كريم : عيب عليكي دا انتي بتكلمي الدنجوان
كريمه : ماشي يا حبيبي ابقي طمني عليك وخد بالك من نفسك ومن مالك
كريم : متخافيش عليا انا مش عيل صغير
في المستشفي
دخل عماد الأوضه
عماد : حمدالله علي سلامتك يا حور كده تخضيني عليكي وانتي عارفه أن مليش غيرك
حور بضعف : غصب عني يابابا
عماد : اهم حاجه انك بخير يا بنتي
حور : الحمدلله احسن
عماد : كنت عايزه أسألك علي كريم
حور بإرتباك : ماله يابابا
عماد : لا مفيش بس يعني انتي تعرفيه منين وكده
حور : والله يا بابا هوا زميلي في الجامعه ومليش علاقه بيه
عماد : بس زيارته ليكي مش بتقول كده
حور : ليه بتقول كده يابابا
عماد : اصل كريم طلب ايدك مني
حور : نعمممممم
يتبع ....
بقلمي:تسنيم محمد💛🤭
رايكم يهمني ..💛🌻
