معا الي الجنه يا رفيقي 💛🤭
في بيت حور
رن تليفون حور وكلمت علا
حور: السلام عليكم ورحمه الله وبركاته
علا :وعليكم السلام ورحمه الله وبركاته ها جهزتي يا عروستنا
حور: ايوه انا جاهزه انتوا فين
علا : في الطريق ويلا انزلي مش تتاخري
حور :حاضر هقول لماما وننزل
راحه حور لمامتها ونزلوا
جه عليهم عربيه مالك نزل منها وفتح ليهم باب العربيه
مالك : ازيك يا ماما
سعاد : الحمدلله ازيك يابني عامل اي
مالك : بخير الحمدلله
ازيك يا حور
حور وهيا باصه في الأرض : الحمدلله
ركبوا وراحوا محل الدهب
مالك : انا عايزك تختاري اللي انتي عايزه وانا هجيب اللي هتشاوري عليه
حور :بس انا مش عايزه غير حاجه بسيطه بس
مالك :مفيش بس دي هديتي ليكي
لو سمحت هات ليا الاطقم والدبل والخواتم واحنا نختار
العامل : حاضر يافندم كل حاجه تحت امرك
حور: بس ده كتير انا مش بحب الدهب
مالك : مفيش حاجه كتير عليكي
حور بكسوف : شكرا
اختاروا الشبكه
وطلب مالك من الراجل يكتب اسمائهم علي الدهب
سعاد : الف مليون مبروك يا ولاد وعقبالك يا علا يارب
علا :في حياتك يا طنط إن شاء الله
مبروك يا قلبي مبروك يا لوكه
حور ؛ ومالك : الله يبارك فيكي عقبالك يارب
علا : كفايه احراج بقا يا جماعه متحسسونيش اني عنست
كله ضحك علي كلامها وخرجوا راحوا محل فساتين
حور بصوت واطي: اي ياعلا هو مالك هيدخل معانا المحل ولا اي
علا :وهيختار كمان وحياتك
حور بصدمه : نعم
علا : بس يا فضيحه كده هيفهم أن احنا بنتكلم عنه
حور :بس انا بحب اختار لنفسي
علا : كان زمان يا روحي
حور :الله يطمنك
دخلوا وبدأو يختاروا
حور : الله ده رقيق وهادي اي رايك يا لولو
مالك : لا يا حور ده ملفت شويه
حور بصدمه: ملفت بس ده رقيق
مالك :اختاري حاجه تانيه وبدأ يتفرج واختار فستان لبني لون السما كده ومفيش فيه غير ورد من الوسط بس والباقي ساده
اي رأيك في ده
حور :احم اها جميل
اي رايك يالولو انتي وماما
سعاد : جميل يا حبيبتي تعيشي وتلبسي
علا : زوق لوكه حلو علي طول
حور بهمس: ومن يشهد للعروسه
علا : بتقولي حاجه يا حور
حور : لا سلامتك
مالك : تمام يلا نروح نجيب ليه خمار
راح طلب من البنت اللي بتشتغل في المحل
مالك : عايز خمار مترين ونص نفس درجه الفستان ويكون مش شفاف وخامه تقيله
البنت:تمام يافندم
حور بصدمه : فاتحه بوقها بس
علا بتهوي عليها: مالك يا حور
حور :ها
علا : ها اي
حور : هو قال مترين ونص ولا انا سمعي علي قدي ولا اي
علا بضحكه : اها يا بنتي
حور :اخوكي ده هيجنني هو شايفاني قد اي عشان يجيب ليا كل ده
علا:استحملي يا حور اصل اخويا غيور شويتين
حور : شويتين بس ده شويتين تلاته اربعه خمسه كده
علا ضحكه بصوت عالي
مالك بزعيق : علاااااااااا
علا :احم اسفه بس حور ضحكتني
مالك : وبعدين احنا مش في البيت
علا : الله وانا مالي يا لمبي
ماهيا السبب
مالك : خلاص
علا : عاجبك كده جبتي ليا الكلام
حور بضحك بصوت واطي : احم انا عملت اي
علا : اها منك يا سوسه انتي أن ما فتنت عليكي
حور :انتي تعرفي انك حبيبتي ولا لا
علا : لا لا متثبتنيش
مالك : يلا
حور : وده ماله
علا :. اضايق عشان ضحكت بصوت عالي مش قولت ليكي غيور البس ياعم
حور بفرحه من جوه أن هو بني ادم كويس وبيحافظ علي اهل بيته
طيب يلا عشان مش يزعق ليكي تاني
روكبوا ووصل حور ووالدته البيت
مالك : إن شاء الله علي ميعادنا الجمعه
سعاد : إن شاء الله يا بني ربنا يتمم ليكوا بخير يا حبايبي ماتيجي تتطلع شويه
مالك: لا مش ينفع عشان الوقت بس
حور : سلام يا لولو نتقابل في الجامعه إن شاء الله
علا : ما بلاش الجامعه يابنتي خدي اجازه بما انك عروسه وكده
حور اتكسفت : احم ماشي هشوف
عند كريم
كريم : كريمه هانم
كريمه : ايوه يا كريم
كريم: عملتي اللي اتفقنا عليه
كريمه : عيب عليك دا انا كريمه هانم
كريم : ماشي هاتي أما اشوف
كريمه أدت ليه الصور
كريم : ايوه بقا كده احلوت خالص اي الشغل العالي ده
كريمه : عشان انا عارفه مالك مش بيصدق اي حاجه من وهوا صغير كده فعملت شغل كويس
كريم : يبقا كده اطمن أن حور بقت ليا
كريمه : اطمن علي الاخر
يتبع: ...
بقلمي : تسنيم محمد 💛🤭
رأيكم يهمني ..💛🌻
