معا الي الجنه يا رفيقي 💛🤭
في بيت حور يوم الخطوبه
سعاد دخلت اوضه حور تصحيها
سعاد : حور حبيبتي قومي يلا كفايه نوم كده عايزين نرتب البيت وتعملي اللي وراكي عشان تلحقي تخلصي قبل ما الناس يوصلوا
حور : سبييني شويه يا ماما
سعاد : لا مفيش شويه الضهر خلاص معتش عليه حاجه والبيت محتاج شغل ووقت
حور : حاضر يا ماما قومت اهوه
قامت حور راحت تتوضي وصلت الضحي وخرجت لمامتها
حور : اي يا ست الكل انا شايفه انك عملتي حاجات كتير اومال انا هعمل اي بقا
سعاد : اي يابنتي في اكل لازم يتعمل انتي ناسيه أن العريس لازم يتعشي
حور : اممممم تصدقي نسيت بس انتي هتعملي اي بقا علي العشا
سعاد : منبار ومحشي وبط وفراخ وكفته و
حور : اي اي كل ده انتي لسه هتعدي كتير ياماما ليه كده
سعاد : يابنتي هما اول مره يأكلو عندنا
حور : بس مش للدرجه دي
سعاد : بس يلا مش نضيع وقت في الكلام وادخلي رتبي الصاله وحطي بخور وبعدين ادخلي ظبطي نفسك بقا
حور : من عيوني يا ست الكل
عند مالك
علا راحه تصحي مالك
علا بصوت عالي : مااااااااالك
مالك قام مفزوع : اي اي في اي
علا ماسكه بطنها من الضحك علي شكله
مالك : بقا كده يا شبر ونص انتي ماشي وفضل يجري وراها لحد مسكها وفضل يضرب فيها
علا بضحك : احم خلاص خلاص دا انا حتي كنت جايه اصحيك عشان اقولك أن حور كانت معايا علي الفون وبتسال عليك
مالك : اي بتسال عليا بتتكلمي جد ولا بتهزري
علا : يعيني علي الحب
مالك : اتلمي يا اوزعه انا بس كنت عايزه اعرف بس عايزاني ليه
علا: انت هتبسبس ليه بس احم هيا مش كلمتني علي فكره وطلعت تجري
مالك : أها يا مجنونه ماشي اما امسكك
عند كريم
كريمه : ها يا كريم هتاخدني معاك بليل صح
كريم : لا طبعا انتي عايزه تضيعي اخر فرصه ليا ولا اي
كريمه : اخص عليك يا كريم انت بتفكر فيا كده
كريم : وأبو كده كمان دي حور يا كريمه هانم فوقي
كريمه : انا مش عارفه انت هتموت عليها كده عليه ده حتي البنت مش حلوه ولبسها بيئه ومش استايل
كريم : خليكي انتي في الاستايل والموضه ما انتي متعرفيش غيرهم إنما تربيه ولادك وانك تراعيهم مفيش انا مش عارفه ابويا بص ليكي علي اي
كريمه : مكنش دي كلمه يا سي كريم كل ده عشان السنيوره بتاعتك
كريم : ايوه عشانها واسكتي خالص بقا متنرفزنيش عليكي
عند حور
سامي : ما تزوقيني يا ماما ده عريسي هياخدني بالسلامه ياماما
حور : لا يا حلو مش هياخدني لسه قاعده علي قلبك يا سيمو
سامي : طيب ما تشوفي ليا عروسه انا كمان ينوبك ثواب فيا
حور : يا زين ما اخترت أن انا اللي اجيب ليك
سامي :يا خووووفي
حور : اي يابني استرجل كده
سامي : اوبس نستيني انا داخل اقول ليكي اي
حور : اللي واخد عقلك يا سيمو
سامي : يا شيخه اتنيله اها افتكرت ماما بتقول ليكي خلصتي
حور : هو البعيد مبيشوفش
سامي : تصدقي مأخدتش بالي بس اي الحلاوه دي يابت
حور : بت في عينك دي اقل حاجه عندي
سامي : بس بس دي نفخه كدابه
جرس الباب رن
حور بتوتر : اي ده هما
سامي : مين بقا شبه الفار المبلول ناو
حور : بطل رخامه يا سامي وروح يلا
راح سامي يفتح
سامي : اهلا وسهلا اتفضل يا عريس
دخلت علا وكان أول مره سامي يشوفها وسرح في جمالها بس فاق بسرعه وغض بصره واستغفر
سامي : اتفضلي يا انسه علا
علا اخدت بالها ووشها كان احمر دخلت لحور
علا : اي القمر ده يا بت يا بختك يا واد يا لوكه
حور : لوولو وحشتيني
علا بغمزه : انتي اكتر يا عروسه بس اي الحلاوه دي انتي عارفه انا مبسوطه اوي انك هتبقي خطيبه مالك وهنفضل سوا طول العمر
حور : بعض ما عندكم وانا كمان بس كل ما افتكر اللي حصل بزعل اوي أن يتخيل لي أن واخدني شفقه
علا : شفقه اي يا عبيطه انتي بس اسكتي انتي مش فاهمه يلا نخرج بس عشان مش نتاخر
حور بإحراج : لا سبينيي شويه
علا : اي يا بنتي متخافيش مالك مش بيعض ده طيوب وحنين اوي
حور : اشك
علا : لا متشكيش بس عشان ملتزم وكده فبيأخد باله من أفعاله وكده ويلا بقي عشان الواد خلل بره
حور : احم طيب اخرجي انتي الاول
علا : ماشي يا آخره صبري
خرجت علا وحور وراها بفستانها اللبني والخمار نفس الدرجه كانت شبه الملاك مالك أما شافها انبهر ببرائتها وجمالها ورقتها
علا : اي يا اخ نحن هنا
مالك : احم فصيله
حور : السلام عليكم
الكل : وعليكم السلام ورحمه الله وبركاته
وراحت قعدت في الكرسي اللي جنب مالك
وبدأت العيله كلها تتجمع
سعاد : مش يلا عشان تلبس الشبكه يا ولاد
حور اتوترت : لا
مالك : لا اي
حور بإحراج : احم قصدي يعني مينفعش
مالك : هو اي
حور : ان أن تلبسني الشبكه لان حرام وكده
مالك بضحكه : ما انا عارف
حور : طيب لي ما اعترضتش
مالك : عشان اشوف ردك
حور بصمت ....
مالك : اي
حور : انت مفكر أن ممكن كنت اوافق علي كده
مالك : لا بس كنت حابب اشوف الرد بس
مالك لعلا
مالك : علا يلا عشان تلبسي ليها الشبكه
علا : حاضر يا لوكه
لسه هتبدا تلبس الشبكه
دخل كريم
كريم : مبروك يا اخويا
مالك بضيق : خير
راح عنده وهمس ليه وقال جايب ليك هديه هتعجبك اوي ومبروك تاني
وطلع ظرف واده ليه وسابهلا ومشي
مالك كان عنده فضول يفتح الظرف اول ما فتحه أنصدم
مالك : مستحيل
يتبع ...
بقلمي : تسنيم محمد 💛🤭
رأيكم يهمني ..💛🌻
