معا الي الجنه يا رفيقي
الفصل الثالث والعشرون
كريم : اهلا بالعريس
مالك : مش انا قولت ليك قبل كده ملكش دعوه باللي يخصني ولا انت مبتفهمش بسرعه ولا اي نظامك
كريم بإستهزاء :هه يخصك انت ناسي أن علا اختي زيي زيك وان مدام حور اقصد حور هتبقي مراتك ولا انت مش واثق في نفسك دي بقا حاجه ترجعلك
مالك ببعض من العصبيه : كريم ملكش دعوه بيهم وده اخر تحذير عشان المره الجايه هعمل محضر تعدي وهأذيك تمام ولقد أعذر من انذر يلا يا علا يلا يا حور
علا بصوت واطي : استر يارب
حور :احم هو جه امته
علا :مش عارفه انا فجاه لقيته قدامي
حور : والعمل دلوقتي
علا : اركبي يلا عشان هو شويه وهيطلع دخان من ودانه
مالك ساق بسرعه رهيبه
علا : مالك انا وحور بنخاف من السرعه
مالك بعصبيه : علا اسكتي أنا مش عايز اسمع صوت حد خالص
علا :حصل اي لكل ده
مالك : اي اللي موقفكم مع الزفت كريم
حور : احنا ملناش ذنب هو جه اتكلم معايا انا واظن حضرتك عارف ان هو اتكلم في اي
مالك : وليه تدي ليه فرصه يتكلم معاكي اصلا
علا : هو في حاجه انا معرفهاش
مالك :مش وقتك يا علا
حور : انتي متعرفيش انا مفكره انك عارفه
مالك : خلاص يا حور اقفلي الموضوع ده
واتمني تاخدي بالك من تصرفاتك شويه انتي الوقتي مخطوبه
حور :هه والله حضرتك مش محتاج تفكرني وانا الحمدلله باخد بالي من تصرفاتي من غير ما حد يقولي
علا : احم ما تصلوا علي النبي يا جماعه مش كده
حور ومالك : عليه افضل الصلاه والسلام
مالك : وانا هاجي لوالدك وليا كلام معاه
حور بخوف حاولت تبان طبيعيه : تشرف
وصل حور
وطلع علي بيتهم
عند كريم
كريم بزعيق : عاجبك كده يا كريمه هانم ابنك ده مش هيجبها لبره
كريمه :حصل اي يا كريم بتزعق ليه
كريم :مفضش الخطوبة ولو عايزه تقعدي هنا تروحي لابنك تخليه يسيب حور
كريمه :هه وانت. مفكر أن هيوافق انت عارف ان مش بيطيقني
كريم :ما مش انا اللي هقولك تعملي اي اتصرفي لكده لا مش هتفضلي هنا
كريمه : ماشي ياكريم اوامر تانيه
كريم :لا وامشي من قدامي لحد ما تروحي لابنك
عند حور
طلعت صلت اللي عليها وخرجت تساعد مامتها في تجهيز الاكل وحكت لأمها علي اللي حصل
سعاد :بس انتي غلطانه يا حور
حور : أنا يا ماما لي ده انا معملتش حاجه غلط
سعاد : يابنتي اللي زي مالك ده باين عليه أن بيغير جدا ويجي الجامعه فجأه ويلاقيكي واقفه مع اخوه واللي هو اصلا مش بيحبه وكمان بتتكلموا يعمل اي بقا يقف يتفرج
حور : بس يا ماما انا كان معايا علا
سعاد : طيب ما علا دي بنت زيك وكان كريم ممكن يأذيكم متعمليش كده تاني يا حور مالك شاريكي وعايزك مش تعملي تصرفات تخليه يسيبك
حور :والله ياماما هو حر انا مبقتش عارفه اعمل اي
سعاد :فكري في كلامي كويس وادخلي نادي سامح عشان ياكل
دخلت حور اوضه سامح لقيته قاعد علي الفون ومش حس بدخولها
حور :سامح سامح انت يابني
سامح :..
قامت اخدت منه الفون
حور: اي ده يا سامح بتكلم بنات
سامح : اي ده يا حور انتي اخدتي التليفون ليه
حور : رد عليا يا سامح اي اللي انت بتعمله ده انت متعرفش أنه ده حرام وكمان انت ثانويه عامه يعني مفروض تفرغ نفسك للمذاكره بس
سامح : يووه يا حور كل حاجه مذاكره مذاكره ما انا بذاكر وبرفهه عن نفسي
حور : ترفه عن نفسك انك تكلم بنات
سامح :دي بنت واحده بس وبحبها وهخطبها
حور : ولو يا سامح ده حرام وانا مينفعش اشوفك بتعمل حاجه حرام واسكت علي العموم قوم نتغدي ولينا كلام بعد الغدا
عند مالك
قاعدين بياكلوا
علا : مالك هتفضل ساكت كده انت من ساعه ما جينا وانت مش بتتكلم
مالك : هو كريم كان بيقول لحور اي
علا : احم هقولك بس مش تتعصب
مالك :قولي
علا : كان يعني بيقول ليها ان الدبله الدهب مش قيمتها ولو كنت وافقتي بيا كنت هجيب ليك الماظ
مالك بعصبية : انسان زباله صحيح
وحور كان ردها اي
علا : اهدي يابني حور زعقت ليه جامد وبعدين انت ظلمتها وزعقت فيها واحنا في العربيه جامد
مالك : عايزاني اعمل اي وانا جاي وأشوف منظر الزباله كريم معاكوا
علا :مش كده يا مالك يعني هيا زعلت علي فكره
مالك : عارف ودي حاجه مضايقاني وأن شاء الله هحاول أصلح اللي حصل
فجاه قطع كلامهم صوت الجرس راحه الداده اللي مربياهم تفتح وجت تبلغ مالك
مالك : مين يا داده
الداده بتوتر : كريمه مامتكم
مالك : ...
