معا الي الجنه يا رفيقي 💛🤭
الفصل الثالث عشر
في باريس
ترجع كريمه الفيلا وتلم هدومها وتحجز علي أول طياره لمصر
ترن علي كريم ابنها
كريمه : ايوه يا كريم شوف ابوك الخاين الواطي عمل اي
كريم : عمل اي تاني
كريمه : اتجوز عليا يا كريم بقا انا كريمه هانم يتجوز عليا
كريم : طيب اهدي ونشوف حل ونخليه يطلقها
كريمه : لا انا مش هقعد مع الخاين ده تاني انا حجزت علي أول طياره وراجعه مصر
كريم بصدمه : هتنزلي ليه خليكي عندك متسبيش كل حاجه وتيجي
كريمه : انا خلاص قررت انا هركب كمان ساعه ابقي تعالي ليا المطار خدني
كريم بحيره : ماشي
في بيت علا
علا : يلا يا مالك
مالك : اي يابنتي مستعجله علي اي
علا : عايزه اشوف حور وحشتني اووي انت متعرفش انا بحبها قد اي بس نصيبها بقا اللي بيحصل ليها ده
مالك في نفسه ياريتني كنت سبقت كريم واتقدمت ليها يارب ما توافق عليه
علا : اي يابني روحت فين
مالك : اي معاك اهوه يلا انا خلصت
عند ملك
ملك : اي يا كريم نصيبي فين
كريم : نصيبك اومال عملت قدامهم في المستشفي انك بريئه ومش عايزه حاجه
ملك : بس انت خطتك ماشيه زي ما انت عايز يبقا حقي يجي ليا ومتنساش أن السبب لو مكنتش موجوده مكنتش عرفت توصل ليها الفضل كله ليا
كريم : لا متنسيش نفسك انتي بتكلمي كريم الآسيوطي عارفه يعني اي ولا اعرفك
ملك ببعض من الخوف : طيب انا عايزه حقي
كريم : ملكيش حاجه عندي
ملك : ازاي يعني واللي عملته معاك ومستقبلي ضاع بسببك انت واصحابك
كريم : لا متعمليش فيها الطاهره الشريفه كل عارف انتي اي وبتعملي اي
ملك : ماشي يا كريم يا انا يا انت وقامت قفله السكه
كريم : اشكال تسد النفس
اما أقوم اروح اشوف كريمه هانم اللي جايه في وقت مش وقتها خالص
يروح المطار
شويه ويشوف كريمه هانم جايه عليه
كريم : اي اتاخرتي ليه
كريمه : الحقني يا كريم ابوك اخد كل الفلوس اللي معايا وحوله بحساب مراته الجديده
كريم : انتي بتقولي اي
كريمه : انا مش عارفه اعمل اي مش مكفيه اللي عمله واتجوز لا واخد فلوسي كمان
كريم : طيب تعالي نروح الفيلا بتاعتي ونشوف الموضوع ده هناك
عند حور
يرن جرس الباب
تفتح حور الباب
حور : علا وحشتيني اوي يا كلبه
علا : انتي اكتر يا حور والله
مالك : ازيك يا انسه حور
حور بإحراج : الحمدلله
اتفضلوا
حور : مش تقولي أن اخوكي معاكي بدل الحرجه دي
علا : انتي اللي لسانك طويل
حور : انا برضه
طيب تعالي معايا الاوضه احكي ليكي اللي حصل
يأتي ابو حور لمالك
عماد : ازيك يا بشمهندس
مالك : الحمدلله يا عمي
عماد : نورتنا يابني
مالك : البيت منور بأصحابه
عند حور وعلا في الأوضه
علا : ها احكي ليا اللي الزفت كريم عمله
قصت حور علي علا كل شيء
علا بصدمه : بتهزري عايز يكتب الكتاب مع الخطوبه ده بجح اووي
حور : اها والله شوفتي مش مكفيه اللي عمله لا كمان جاي عامل فيها المحترم
علا : انا كان من رأي يا حور اهلك يعرفوا
حور : لا لا مش هيتحملوا الصدمه يابنتي وانا مليش غيرهم
علا : ما انتي شايله كل حاجه لوحدك وكمان كريم ده معندوش ذره دم الا صحيح ملك شريكته فين
حور : معرفش عنها حاجه من اخر مره شوفتيها معايا
علا : بس غريبه البت دي بتعمل كده ليه هيا اها ليها دماغ تانيه بس تأذي حد وكمان مدخلش عليا أنك تسامحيها وكده
حور : والله يا علا انا معتيش عارفه اي حاجه
علا : طيب انتي هتوافقي علي الخطوبه وكتب الكتاب ولا اي
حور : لا طبعا انا اربط نفسي بيه من الوقتي ليه
علا: ربنا ييسر ليكي امورك ويبعد عنك كريم يابنتي
حور : يارب
في باريس
حامد : ها يا سلوي كل الفلوس بقت بحسابك صح
سلوي بخبث : ايوه يا حبيبي عشان بس تعرف الفرق ما بيني وبين كريمه بتاعتك دي
حامد : عارف بس أنا باقي عليها عشان كريم
سلوي : ابنك مش صغير يا حامد وبقا راجل وعنده شركه كبيره ومش محتاج فلوس
حامد : اي هتحسدي الواد وانا قاعد
سلوي بتمثيل: لا طبعا مقدرش ده ابنك زي ابني
عند كريم
كريمه : اي يا كريم انت مش قولت هتخطب عملت اي مع البنت
كريم : كل حاجه ماشيه كويس بس لسه هيقولوا الموافقه
كريمه : طيب بقولك اي ما تكلم ابوها واتفق معاه علي انهارده أو بكره عشان اروح اتعرف عليهم
كريم بإستغراب : انتي عايزه تتعرفي عليهم غريبه مش ناس مش قد المقام ولا اي
كريمه : انت عارف يا كريم أن عملت كده عشان أحرم مالك منها واتنازلت
كريم : ماشي أما اقوم أكلمه
كلم كريم ابو حور واتفق أن يروح معاه يروح بكره عشان يتعرفوا علي والدته
عند حور
حور : هتمشي خلاص يا علا
علا : هنشوف بعض في الكليه بقا
حور : ماشي نتقابل بكره
يأتي ابو حور
عماد : تعالي يا حور عايزك
حور : ايوه يابابا
عماد : كريم كلمني
حور : عايز اي
عماد : بيقول أن والدته رجعت من بره وعايزه تتعرف علينا
حور بصدمه : بجد هتيجي امته
عماد : انا اتفقت معاهم علي بكره
حور : ليه الاستعجال ده
عماد : عشان الوقت والامتحانات يابنتي
حور بشرود : اللي تشوفه يابابا
تاني يوم في الجامعه
تقابل علا حور
علا : صباح الصباح يا قمر
حور بسرحان : صباح الخير
علا: مالك يا بنتي في اي
حور : ها
علا : ها اي انتي مش معايا خالص
حور : معلش يا علا مش مركزه
تعالي نروح نشوف اللي علينا واما نخلص هحكي ليكي
بعد المحاضرات
علا : ها ياستي في اي انتي كنتي كويسه امبارح
حور بإرتباك: بابا بعد ما انتي مشيتي
اتكلم معايا وقالي أن ام كريم جت
علا بصدمه : بجد هه الست كريمه هانم جت بعد اي اكيد جايه عشان سوسن ابنها
حور : مش عارفه يا علا بس هما جاين انهارده
يرن تليفون علا
علا : السلام عليكم
مالك : وعليكم السلام ورحمه الله وبركاته ها خلصتي يا علا أنا في الطريق
علا : ايوه يا مالك انا خارجه اهوه
مالك : ماشي يلا عشان انا علي وصول
علا :يلا نكمل كلام بره عشان مالك علي وصول
حور : طيب انتي زعلانه عشان يعني والدتك جايه
علا : بس بس متقوليش والدتي
حور : مهما كان هيا ام وليها احترام يا علا
علا بدموع : بس انا معرفش حتي شكلها اي يا حور
حور : خلاص انا اسفه مكنتش اعرف ان الموضوع ده هيضايقك
علا : انتي ملكيش ذنب يا بنتي
يأتي مالك ويوصل حور
تطلع حور الشقه
تدخل اوضتها
وتصلي وتدعي ربنا يخلصها من كريم وام كريم
تدخل عليها امها
سعاد : اي يابنتي جيتي علي الأوضه علي طول ليه
حور : معلش ياماما مخنوقه شويه
سعاد : من اي يا حور في حد ضايقك كريم كلمك في الكلية
حور : لا مشفتوش انهارده اصلا
سعاد : طيب يا بنتي ادخلي خدي دش يفوقك واجهزي عشان اما يجي تكوني جاهزه
حور بسرحان : ماشي يا ماما
يعدي الوقت ويجي كريم ووالدته
يفتح ليهم سامي
سامي : اهلا وسهلا اتفضلوا
تدخل كريمه بتعالي وتبص حواليها بقرف
يأتي ابو حور
عماد : اهلا وسهلا
كريم : ماما يا عمي
عماد : انتي
يتبع ...
بقلمي : تسنيم محمد 💛🌻
رايكم يهمني💛🤭
