معا الي الجنه يارفيقي 💛🤭
الفصل السابع والعشرون
كريم اول ما طلع بالعربيه حس بحاجه غريبه في الفرامل بس من فرحته تجاهل اللي بيحصل وجري بالعربيه والعربيه بدأت تتقلب بيه ومكنش عارف يوقفها وفجاه اتقلبت بيه علي الطريق والناس اتلمت ونقلوه المستشفي
عند مالك
علا : انتي ليه مستعجل يا مالك علي كتب الكتاب يعني احنا هنكون طالعين من الامتحانات مطحونين
مالك : يعني انتي مش شايفه اللي احنا فيه وكمان انا مضمنش كريم وكريمه هانم وانتي عارفه كميه الشر اللي جواها
علا : كريم كان عايز حور بأي شكل عشان هيا الوحيده اللي موافقتش تتكلم معاه زي باقي البنات وزي ما انت عارف البنات حواليه عشان شكله وفلوسه بس مالك : مش عارف انا في بنات بالطريقه دي طيب وأخلاقه وبيصلي ولا لا وهما اكيد عارفين أخلاقه وكل يوم في بار شكل
علا : اغلبيه البنات كده الوقتي يا مالك قليل جدا الا من رحم ربي اللي بتبقا عايزه واحد عارف ربنا ومش بتبص بقا معاه فلوس ولا لا بس انت اختارت صح يا مالك والله مش عشان صاحبتي لا عشان هيا فعلا ادب واخلاق واحترام وجمال بس انا مكنتش أتوقع انك تبقي عايز تتجوزها في يوم من الايام مخطرش علي بالي
مالك : طبعا يابنتي هو انا اي حد ما انتي يا حبيبتي مش بيخطر علي بالك غير الاكل بس
علا : بقي كده يا مالك ماشي انا هخلي حور تغير رأيها فيك
قطع كلامهم فون مالك كان يوسف صاحبه
مالك : اي لحقت اوحشك
يوسف : الحق بسرعه يامالك تعالي مستشفي *** لان اخوك كريم عامل حادثه جامده ومحدش معاه
مالك : بجد امته طيب انا جاي حالا
علا : في اي يامالك الشركه حصل ليها حاجه
مالك بإختصار : لا ده كريم عمل حادثه
علا بصدمه : اي ده بجد
مالك : انا همشي الوقتي
خرج مالك وراح المستشفي
عند حور
كانت قاعده علي الفيس لقت رساله من منار
حور : حمدالله علي السلامه يا منار
منار : الله يسلمك يا حور
حور : ها فاضيه نتكلم ولا عندك حاجه
منار : لا فاضيه
حور : تمام نتكلم بكل صراحه والكلام ده مفيش حد هيعرفه غيرنا اتفقنا
منار : اتفقنا
حور : تعرفي سامح بقالك قد اي
منار : احم سنتين من اول ما دخلت الثانوي ودي التالته اهي
حور بصدمه : ياااااااااه بقالكم سنتين بتعصوا ربنا طيب يا منار انتي مش عارفه أن ده حرام
منار : لا يا حور انا دايما لوحدي ومليش أصحاب وسامح جه وملي حياتي
حور : طيب ماما وبابا عارفين
منار : لا يا حور كل واحد في مشاغله وحاله مفيش حد فيهم بيسألني عملت اي في يومك غير سامح وانا مقدرش ابعد عنه ياحور
حور : طيب اي رأيك انا وانتي نكون اصحاب ونبعد سامح لانه حرام وتدخلي النار مش اكيد مفيش حد فينا عايز يروح النار
منار : ايوه طبعا
حور : يبقا تبعدي خالص عن سامح وتمسحي كل حاجه يا نونو عشان حرام ووتتوبي لي ربنا وتدعي أن يغفر ليكي الذنب ده
منار : صعب عليا اوي يا حور والله
حور : بس الجنه تستاهل يا منار هيا صعبه وانا هكون معاكي مش هسيبك وهجيب ليكي كتب وفيديوهات تسمعيها
فجاه رن فون حور
حور : السلام عليكم اي يا لولو
علا : بسرعه يا حور بالله عليكي البسي وهعدي عليكي ونروح مستشفي *** لان مالك عايزنا هناك ضروري
حور بخضه : في اي مالك حصل ليه حاجه
علا : لا ده كريم ومالك قال اعدي عليكي ونروح ليهم المستشفي ضروري
حور : حاضر
قامت حور ولبست بسرعه دخل عليها سامي
سامي : اي ياحور راحه فين كده
حور : راحه مستشفي علا رنت عليا وهتعدي عليا عشان تاخدني لان مالك عايزنا
سامي :ليه خير في حاجه
حور : لسه مش عارفه حاجه
سامي : طيب يلا وأنا هاجي معاكي
حور : ماشي
نزلت هيا وسامي
لقت علا تحت
واتفاجات بوجود سامي
علا : اي يابنتي جايبه اخوكي ليه
حور : هو اللي جه اكيد عشان مش نروح لوحدنا في الوقت ده
ركبوا تاكسي ووصلوا المستشفي اول ما مالك شافهم
راح عليهم
مالك : تعالي يا حور عشان كريم عايزنا انا وانتي ضروري
حور : عايزني انا
مالك : اها يلا مفيش وقت
دخلو لقو كريم متبهدل ومفيش حته فيه سليمه ومنظره صعب جدا
كريم : م ا ل ك
مالك : ايوه يا كريم انا اهوه وجبت حور زي ما انت قولت ارتاح بقا
كريم : ح و ر ب ن ت و ال ص ور مت فبر كه وكل دي خ طه والس بب كري مه وملك س ا م ح ون ي
مالك : كريم يا كريم
وفارق كريم الحياه
انا لله وان اليه راجعون
مهما كانت قوتك وجبروتك في الاقوي منك مهما عشت واذيت الناس هيجي يوم وهتنتهي وهتموت وهيبقي عملك بس اللي نفعك نرجع لربنا ونقوي علاقتنا بيه ونتوب اليه لان كلنا إليه راجعون
مالك بصدمه : كريم مات بص لحور لقي وشها كله دموع ودموعها مش بتقف
خرج هو وحور من الأوضه
جري عليهم يوسف وسامي وعلا من منظرهم
كلهم : في اي اللي حصل
مالك بدموع : كريم مات
الكل بصدمه : اي
يتبع ...
بقلمي : تسنيم محمد ..💛🤭
رأيكم يهمني ..💛🌻
