معا الي الجنه يا رفيقي 💛🤭
الفصل السابع عشر
عماد : اللي سمعتيه ومفيش نقاش في الموضوع ده كفايه انك جبتي لينا العار
حور بدموع : والله يابابا انا مظلومه انت مصدق اللي هو قاله انا اها صحيت لقيت نفسي غرقانه دم وهدومي متبهدله بس معرفش اي اللي حصل قبل كده انا كنت متخدره
عماد : الكلام ده مفيش منه فايده الوقتي أنا قولت اللي عندي هتتجوزي مالك يعني هتتجوزيه انا واقف معاكي لاخر لحظه عشان مش عايز ارميكي للحيوان اللي اسمه كريم ده
حور بدموع : بس انا مش عايزه اتجوز مالك ولا كريم يابابا مالك عايز يلم الموضوع ويعمل هو الضحيه عشان اخوه السبب في كل ده
عماد : وانا مش هتناقش تاني في الموضوع ده وانا هرد علي مالك بأنك موافقه واياكي تقولي ليه غير كده
يخرج عماد وتقوم سعاد وراه
سعاد : قومي صلي ركعتين لله يابنتي عشان يقف معاكي في الوقت ده مفيش احن منه عليكي
حور بضعف : حاضر يا ماما بس بالله عليكي اتكلمي مع بابا خليه يرفض
سعاد بخضوع : هحاول يا حور
عند كريم
كريمه : ها يا كريم عماد كلمك
كريم : بصي يا ست انتي انتي هنا لغرض مش اكتر وياريت متتعديش حدودك معايا وملكش دعوه بحياتي الشخصيه عشان انتي السبب في اللي انا فيه ده
كريمه بخوف : كريم انا مامتك بتكلمني كده ليه
كريم بعصبية: انتي عمرك ما كنتي الام اللي بتراعي اولادها أهم حاجه عندك نفسك وبس وتخرجي مع اصحابك اللي شبهك وانا اي أولع انتي أم بالاسم بس وانا باقي عليكي عشان ابويا إنما ملكيش حق تتدخلي في خصوصياتي فاهمه ولا لا
كريمه بتمثيل الدموع : مكنتش اعرف انك شايل مني كده يا كريم بس انا هعوضك عن اللي فات
كريم : بلا تعوضيني بلا نيله انا مش عايز اسمع صوتك ولا اشوفك قدامي فأتقي شري بقا
وسابها وخرج
عند علا
علا قاعده سرحانه جه مالك يكلمها مردتش عليه
مالك بصوت عالي شويه : انتي يابنتي
علا بفزع : اي يا مالك في اي
مالك : انا بكلمك وانتي مش هنا خالص
علا : لا ابدا انا بس سرحانه شويه
مالك : اللي واخد عقلك
علا : مفيش بفكر في حور وأنها هتوافق ولا لا
مالك : انا خايف يا علا بس عايزك تروحي ليها تتكلمي معاها وكده وليكي اللي انتي عايزه وتتطلبيه
علا بتفكير : امم عايزه اي يا علا نفسك في اي
مالك : اي يابنتي انتي بتفكري من الوقتي مش لما تروحي ليها الاول وتخليها توافق
علا : اولا اسمي من هنا ورايح الاستاذه علا ثانيا تحترمني اكتر من كده
مالك في سره : عشان انا محتاجك بس اما تخلصي المهمه دي هوريكي
علا. : بتقول حاجه يا لوكه
مالك : امشي يابت من هنا
تليفون مالك يرن
مالك : اي ده ده ابو حور
علا : بجد طيب رد بسرعه أما نشوف ردها
مالك : السلام عليكم
عماد : وعليكم السلام ورحمه الله وبركاته ازيك يا مالك
مالك : الحمدلله ياعمي
عماد : شوف المعاد اللي يناسبك وتعالي يابني نقرأ الفاتحه ونتفق علي الخطوبه والفرح
مالك بفرحه: بكره بعد العشا ينفع
عماد : ينفع طبعا
مالك : ماشي ياعمي إن شاء الله اكون عند حضرتك بكره في المعاد
علا بصدمه: اللي سمعته ده بجد
مالك : مش عايز منك حاجه يابت يا علا
علا : لا بجد يا مالك حور وافقت
مالك : انتي يا بنتي مصدومه ليه كده هو انا أي حد ولا اي
علا : مش عارفه ليه الموضوع ده في أنه
مالك : بس يا فقر اسكتي المهم أن فرحان أن هيا وافقت
تاني يوم في الجامعه
علا خارجه لقت حد بينادي عليها بتلف لقيته كريم
علا : استغفر الله العظيم مشت ومردتش عليه
كريم سرع خطوته ليها
كريم : مش بنادي عليكي وبعدين من الاحترام أن الاخت تقف تسمع لأخوها ولا اي يا ست الشيخه
علا : اولا انا مش شيخه ثانيا انا ميشرفنيش أن أقف مع واحد زيك
كريم ببرود: امم اومال لما اتجوز صحبتك هتيجي ليها ازاي
علا : هه ومين قالك انك هتتجوز صحبتي
كريم بأستفزاز : انا واثق من كلامي ده ماشي سلام يا ست الشيخه
علا : استغفر الله العظيم بني ادم مستفز
روحت علا وبتنادي علي مالك
علا : مالك يا مااااالك ياعريس
مالك : اي يابنتي في اي
علا : شوفت اللي حصل معايا انهارده
وحكت علا لمالك كلام كريم
مالك : مكنتيش تسمعي ليه اصلا هو بيحاول يضايقك
علا : ما هو اللي استفزني والصراحه مقدرتش مردش
مالك : سيبك بقا من السيره اللي تسد النفس دي وتعالي عشان انا طالب اكل من برا
علا : يعيش مالك يعيش
مالك بضحكه : يلا يا طفسه
عند حور
سعاد تدخل ليها
سعاد : حور اصحي يا حبيبتي
حور : اي يا ماما في اي
سعاد : بصي انا حاولت اتكلم مع ابوكي لكن مفيش فايده وقال لازم تتجوزي مالك
حور : يعني اي ياماما انا مش عايزه اتجوزه
سعاد : علي الاقل احسن من كريم يا حور ومالك انسان محترم وهيحافظ عليكي
حور : بس هو اكيد عايز يتجوزني شفقه يا ماما
سعاد : مين قال كده يابنتي بكره الايام تثبت ليكي
يلا قومي جهزي نفسك عشان هوا جاي علي العشا كده
حور : اي بالسرعه دي
سعاد : عشان تعرفي أن الواد شاريكي
حور في نفسها : اتمني كده
جهزت سعاد البيت عشان الضيوف
جرس الباب رن
راح سامي يفتح : اهلا وسهلا ازيك يا بشمهندس اتفضل
يدخل الصالون ويجي عماد يرحب بيه
وتدخل سعاد لحور
سعاد: يلا يا حور عشان هما وصلوا
تخرج حور مع سعاد
ووشها في الأرض
حور : السلام عليكم
كلهم : وعليكم السلام ورحمه الله وبركاته
عماد : طيب يا جماعه نسيب العرسان لوحدهم شويه
حور بإرتباك لعلا : خليكي معايا
علا : كان نفسي بس مالك يدبحني
مالك : ازيك يا انسه حور
حور بصوت واطي : الحمدلله
مالك : مفيش اي اساله عايزه تسأليها
حور : هو سؤال واحد انت عايز تخطبني ليه
مالك : ....
يتبع ...
بقلمي : تسنيم محمد 💛🤭
رأيكم يهمني ..💛🌻
