صورة مأخوذة من فيلم Immoral Tales 1973
نتمنى كرونيك جديدة تعجبكم اول مرة بطلة و بطل زوز اسوء من بعض يعنى نار راح تكون جنب بنزين 🤪 و كى عادة ليحب يقرأها بمخو مرحبا خاطر باش تكون فيها عبار و إللى يحب يقرأها بنصو لوطانى مرحبا ، مرحبا بالجميع و شكرا...
كل حاجة فى بدنو وقفت رغم إللى مايحبش نوع بنات إللى تكون جرئية فى تصرفاتها او مشاعرها انثى عندو لازم تكون قمة فى حياء و حشمة إللى حاجات هذوما متأكد منعدمين فى مرام .. لكن قلبو بدأ يدق بالقوى فمو تحل شويا ريقتو قريب تسيل مش بدنها فقط او حركاتها إللى سخنوه خزرت عينيها لأول مرة يتعمق فيهم كلهم حنان يذوبو قلب فيهم ذبلة تع تزعبين ووجيعة و حب و دفء... فيق فهد فيق طفلة لقدامك هى عدوتك اللدودة فاش قاعد تعمل وقف مهزلة إللى باش تصير ... نطر يديها بالقوى هز مفتاح كرهبتو و طلع قعد فى كرهبة ضرب فولون بالقوى -ياربى لا ما تخلنيش نضعف نحب حنين انا ، حنين روحى و عقلى و اول و اخر حب فى حياتى طفلة اللى الفوق لازم تموت مش لازم نضعف قدامها و لا نحبها ... نحبها... قعد يخزر لروحو فى مراية و يعاود في كلمة نحبها نحبها.. بصوت خافت ... لحد ما عينو غفات ورقد فى كرهبة طلع صباح يلقاها راقدة لبس دبشو و طلع لخدمتو .... _____________________________________________
روح لدار دخل طول لمختبر تاعو ... -قوم حط عشاء راجلك -اوك قامت عباتلو plateau دقت الباب تلقاه قاعد قدام microscope مهزش حتى عينو بخلاف كلمة ادخل ما قال حتى كلمة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-نجم نحكى معاك -مكش ترا فيا قاعد نخدم -اوك -احكى فيسع شنوا حابة تحكى و امشي -سامحنى على حركة لعملتهالك ليلة البارح كنت شاربة و ك.... قاطع كلامها -اوك تفضل اطلع اعتذارك مرفوض حركة لعملتها البارح تتعاود مرة اخرى تصير حاجة مش باش تعجبك هى واقفة هككا و امو دخلت -مرام كلم عائلتك باش غدوة يجيونا لقصر المزرعة -نعم -اى لازم رجعلهم ضيافة وخلينا نشوفو ضيافتى و الا ضيافة وفاء خير امو طلعت و هى قربت منو -و انتى ماشي معانا و الا لا ؟؟ -ما نعرش ... مهزش عينيه من ميكروسكوب لحد ما طلعت وقتها ارتاح و تنفس صعداء .... قامت صباح حضرت فاليز تاعها خاطر باش يقعدو ويكند كاملة تلفتت تلقاه راقد قربت منو ... -فهد ... فهد -نعم -امك تستنا فينا لوطا -علاش ما كثر ربى كان شوفرا شنيا حابين منى -نعرش هزت فاليز تاعها و هبطتت -صباح خير امى -صباح خير -ياخى لتوا لا حضرت روحك -مانيش ماشي معاكم -واه قدام انسابك شنيا باش يقولو -اااه توا ولاو يهموك ياسر خلاتهم مرام يحكيو و طلعت البرا -كلمتين امشي بدل دبشك ما تصغرناش قدام ناس -ديما هكا امى طريق كامل ما تكلم حتى كلمة عينيه منفوخين بنوم ظاهر مجبرا اخك لا بطل ... وصلو تاعبين من طريق دار مزرعة بعيدة على عاصمة ساعتين ... الا امو من وقت ما وصلو بدات تحكم و تتحكم و حكمت على مرام تاقف معاها على خدام رغم إللى كانت تاعبة على اخر و حابة ترقد مرام جيب مرام هات مرام نظف... وفهد فوق راقد و لا حد قلقو ... لحد ماجاء وقت فطور نص نهار جاءو عائلة مرام .... -فهد هز كنزة وريها مزرعة بلڨدا -اوك ، هيا معانا مرام كان عارف تصرفات و حركات امو و كان جاء ليديها دخلو الليلة عروس على كنزة ... مهم تقزم مرام و توريها انو هى حتى شي قدام أختها ... مرام هذا لكل كانت فهمتو و عرفت انو فهد شاركها طلعة مش حب فيها اما خاطر فاهم حركات امو و زيد يحب يوري عائلتها انو مهتم بيها و اهم يحب يراها و يشوف ردة فعلها فى شي إللى باش يعملو ... طريق كامل و هو يحكى و يفذلك مع كنزة ، قداش مكملين بعضهم زوز يحبو pink Floyd و يحبو كتب و يحكيو فى نفس مواضيع قعدت مرام تمشي وراهم كينى ماهيش مرتو كنزة هذا لكل كان مفرحها وزاد من غرورها وولات تحس بأريحية كبيرة فى كلام مع فهد حتى من أختها باهتا فيها اول مرة تشوف أختها تحكى مع حد و تضحك قدامو و مأخذة راحتها فى عادة كنزة متكبرة و ما يعجبها حد .... فهد طريق كامل يمشي على نفس مستوى تع كنزة و يقعد شويا و يتلفت لمرام على جنب سارحة راسها في قاعة مش معاهم جملا تمشي وراهم تبع تتبيع لا تاخذ كلمة و لا تعطى كلمة.... -بعد.الفطور نمشيو نركبو على حصان -لا اعفينى سقيا تقطعو من المشي -هههههههه عملت بيك دورة صغيرة مالا كان هزيتك لمزرعة عنب جنبنا نقعدو نهار كامل نمشيو و ما توفاش ...
هذا لكل و مرام تخزرلهم من تالى ثانى مرة تشوف فهد يحكى بطلاقة و أريحية و فرحان نفس سهرية لكانت مع اصحابو علاش هى لا كلامو معاها يتحسب على صوابع علاش اختراها هى باش يعرس بيها رغم الا هو و أختها وجهان لعملة واحدة ياسر ما بينهم انسجام ... ذكرت كلامو كى قلها انا نحب نعرس بوحدة باش نذلها عندو حق مستحيل يذل دكتورة كلمتها تمشي على كل حتى فى دار إللى تقولو هى كهو امها و بوها ياخذو رأيها في كل شي .... اما هى عندو علاش يمرمدها شادد عليها فيديو يودى وراء شمس ... فيه كل شي زنا و استهلاك مخدرات ما يفكهاش من 20 سنة حبس ... قعدو على طاولة كيف كيف كينى كنزة هى مرتو عبالها صحنها و يفذلك معاها و عملو سلفيات و لا حد انتبه او ركز بالعكس امو فرحانة حلم حياتها قاعد يتحقق ، بوها غاطس فى مشوى و امها تالمون بريئة و قلبها نظيف ما حستش اللى فما برشا دك و حركات خبث قاعدة تصير بعد فطور طلعو لكلهم يقيلو الا فهد مشا ركب على حصان ... قعدت مرام كيما قتلها حماتها تلم فى طاولة مع خدام ...هى هككا هزت رأسها تسمع فى عمال حضيرة يصيحو محملين فهد ما بينهم... - ابعدو ابعدو سي فهد طاح طلعت امو تصيح هذا لكل على ترضريص فى ركايبو ....وقفت مرام حاطا يديها وراء ظهرها تبكى كى أولاد صغار رغم شوشرة لدايرة بيه لكل قعد عينيه عليها كيفاش تبكى ... طلعو بيه فوق حطوه على فرش طلعت كنزة من بيتها فى يديها antiseptique و wound patch -امان ابعدو عليه دزت امو مرام طلعتها و طلعت خدام قعدت كان هى و ياه و كنزة -حمد لله معانا طبيبة -امى هذا لكل على جرح بسيط دنيا قيمتها و قعدتها -ياروحى ان شاء الله فيا و لا فيك شوفو كنزة لباس -لباس تاتا ، عظم مش قاعد يوجع فيك -لا جيست من برة -امممم عادى تاتا توا بعد ما تنظاف نحطلك عليها فاصمة ... لاحظ اللى كنزة داوى فيه و تمس فى افخاذو و تعطى فيه في bedroom eyes من تحت لتحت مش ببرأة او تعامل طبيبة و مريض.... -امى عيطلى لمرتى !!! -نعم -اللى سمعتو طلعت امو البره تلقى مرام لاصقا حيط تبكى ... -امممم يزى بركا بلا تبهنيس نساء اول ما شافها ابتسم اول مرة يبتسم فى وجها -ايجا اقعد جنبى ما غير ما عاندتو ديجا من وقت ما دخلت حابة تترمى فى حضنو .... هى قعدت و هو جبدها ليه عنقها حط رأسها على صدرو قدام عائلتها إللى خلطو على صياح و أختها لداوى في ركايبو و امو واقفة تصفر فى وجها 😒 لحد ما تكلم بوها -ايا خليه يرتاح شويا نستأذنو احنا يا جماعة هيا كنزة قحرت كنزة لأختها فى حضن فهد و طلعت -عين يا كبدى جاتك عينين وفاء هذوكا هبطت مرام رأسها ... رغم إللى سبتلها امها ما تكلمتش .. -امى امان اطلع سلم على ضياف ... امو طلعت يا دوبك سكرت الباب و هو يدز مرام بيديه قريب يخلعلها كتفها ... -اى وجعتنى -سي بون وفات تمثيلية ....
