صورة مأخوذة من فيلم Immoral Tales 1973
نتمنى كرونيك جديدة تعجبكم اول مرة بطلة و بطل زوز اسوء من بعض يعنى نار راح تكون جنب بنزين 🤪 و كى عادة ليحب يقرأها بمخو مرحبا خاطر باش تكون فيها عبار و إللى يحب يقرأها بنصو لوطانى مرحبا ، مرحبا بالجميع و شكرا...
-علاش انتى بوك وينو ! -مات جات بنت كنزة من غديكا -خالى خالى هزها الفوق عنقها قعد يخزر لطفلة كيفاش شادة فى سروالو و تخزرلو.... -مش قتلك خالى ماهوش بوك خزرت ليليان لعينين فهد كينى تقلو اعمل حاجة كذبها قول لإنتى بابا ، لكن لأسف ممكن اول مرة ما يتصرفش بإنسانية و يكسر قلب طفل صغير أيست منو عرفت مش باش ينقذها هبطت يديها و راسها عينيها كلهم خيبة امل ... مشا حل مان كرهبة و جبد عروسة عطاها لبنت اختو قعد يبوس فيها و ليليان تخزرلو عينيها مزغلين بدموع هزت فرح عروسة و قفت قدام ليليان ... -شوف خالى شنوا جابلى و papa زادة جابلى كدس لعب و انتى ما يجيبلك حد ... قعدت طفلة تخزر لفهد ما يطلعش حاجة من المان يعطيهالها ما طلع شي قعد ينظف في مان بلنجات صكرو و دخل للفيلا ... قعدت ليليان ضامة ركايبها صغار لصدرها و تبكى تحت شجرة نفس موقف لصار معا امها نفس ظلم نفس قهرة الطفلة كانت نسخة مصغرة على بوها فى شكل لكن طبيعتها لكل كى امها على نيتها و حساسة ياسر .... -اختى ربي بنتك شويا -شبيها -شدت طفلة البرا ذلتها انا عندى بو انتى لا انا عندى لعب انتى لا -انا طفلة !!! -بنت أختك -بنت اختى ؟ لهدرجة مش حابب حتى تنطق اسمها ! شفتها فهد شفت قداش تشبهنا ما حسيت بشي كى ريتها امان شوفها جنب مرام مش تبعتها جملا و الله بنتك أنا حاسة هكا -يعنى انا جاى نبرد فى وجهى تحكيلى فى موضوع سكرتو عندى سنين -باهى تتغشش نقوم نعملك كاس وقف وراء porte fentre يشوف فى طفلة تبكى حاطا يديها على راسها و تبكى .... مفهمش شبيها تبكى و الا جيست قاعدة قعد يعشش فى عينيه يثبت فيها حتى دخلت مرام ، مرام مرام العادة باقى فى كامل راشقتها رغم إللى باين عليها تعب سنين من هيئتها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شافها هبطت تمسح فى دموع بنتها دار من باب ثانى تخبا باش يسمعهم فاش يحكيو -شبى صغرونتى ؟ قعدت مقابلتها على ڨازون -ضربك حد -لا -مالا شبيك -فما راجل جاء عطا كادوات لأولاد خالتى و انا لا -راجل شكون ؟! كيفاش كادوات -عطاء عروسة كبيرة شعرها احمر و عندها كوجينة (وهى من رأسها حكاية كوجينة هو جاب عروسة كهو 😝) -باهى وريهالى توا نجيبلك كيفها شدت بنتها و دخلو لداخل توقعت مرام يكون واحد من اعمام صغار و ما عندو حتى نية غير بنتها تزيد فيه هوما دخلو و طفلة هزت صبعها صغرون نحيت فهد لكان قاعد فى صالون ساق على ساق عامل روحو ما فيبالوش -هذا هو راجل لجاب كادوات لناس لكل و انا لا ... تلفتت مرام تلقاه قاعد ساق على ساق ، خزرت لبنتها و رجعت طلعت ما عملت حتى حركة و لا قالت كلمة ... -و عروسة ماناش باش روها و نشريو كيفها (رجعت طفلة تبكى بصوت عالى و مرام شدتلها ايديها بقوى و تمشي فيها بزربة ) ... مشات مرام و طفلة فى يديها تبكى ... شادة روحها باش متنفعلش حتى طلعت من باب فيلا قعدت على عتبة البرا طرشقت ببكاء تضرب فى روحها لحد ما طفلة سكتت قعدت تخزرلها باهتا مش فاهمة شي😳 كى شافت امها تبكى قامت عنقتها حطت راسها على حضنها صغير -نكذب عليك عروسة ما كانتش عندها كوجينة و خايبة ما نحبش نشريها هيا روحو لدارنا و اشريلى كاكى و شيبس كيما كل نهار سبت ... مدتلها ايديها و قامو ركبو فى لواج رجعو لسوسة .... ____________________________________________
