الرجل المجهول

#26

طلع فهد من عند دكتور دنيا دايرة بيه مش منجم حتى يمشي و مش منجم يصدق مستحيل يكون تحليل غالط هذى من اقوى كلينكات فى تونس مستحيل يكون فما خطأ طبى بدون ما يواجه حد سافر على طول لباريس و عمل تحاليل و نفس نتيجة ، لندن ، سويسرا كلهم نفس نتيجة عقم و السبب فيه دوايات اعصاب لخذاها و هو صغير سببتلو ضعف فى سائل المنوى عندو يعنى مستحيل يكون اب و طفلة ، طفلة إللى تولدت على يديه بنت شكون ؟ يعنى حنين ضحكت عليه ؟ حنين حنين اول حاجة باش نعملها نقتلها
رجع لتونس ....
رما تحاليل اربعة على وجها
-لا فهد لا يكذبو عليك
-يكذبو عليا اه (عطاها كف اول و ثانى)  الوحيدة إللى كذابة و ساقطة و واطية و قحبة انتى ! تكذب عليا !!! جيبتلى طفلة الله اعلم من شكون و كتبتها بإسمى و خليتنى نعشقها حتى فى اخر تطلع مش بنتى
-مش صحيح ليليان بنتك انتى بوها
-صكر صكر كلمة لا طفلة بنت شكون مع شكون خنتنى
-حد و الله حد
هز مفتاح و طلع قعد يدور يدور مشا للبار قعد يشرب قريب صباح .... هز روحو و طلع مش عارف وين يمشي ما لقا روحو الا واقف قدام دار مرام .... كلمها فى تليفون
-فهد !!!!
-امان حبى اهبطلى
-لباس !! باهى باهى هاو هبطتلك
هبطت تلقاه سكران ميت عمرها ما شافتو فى حالة هذى فى عادة ما يكثرش  حدو wine
-فهد شبيك لباس ؟
-مانيش لباس
-باهى اطلع معايا لبيتى احسن ما تشوفك كنزة و الا امى فى حالة هذى
شدتو من يديه طلعت بيه لبيتها ترمى على فرش كينى ما صدق ربي لقى بلاصة يتمد فيها كأنو ما عندوش بلاصة تأويه هبطت نحاتلو صباطو جات باش تحلو شوميز شد يديها ...
-اقعد جنبى اقعد
عنقها حطت رأسها على صدرو ، قعد يلز فيها يلز  ما حسش على روحو كيفاش غمض عينيه و رقد ....
قامت الصباح طلعت من بيتها ....
-صباح الخير
-كنزة كنزة فهد فى بيتى
-واه !!!
-مانيش عارفة شنيا نعمل خايفة امى تحس عليه و انا ماشية نخدم
-امى ما تنجمش تقوم من الفرش هو لباس شبيه
-حالتو ما تعجبش جانى شارب اول مرة نشوفو هكا
-ندخل نشوفو
-كنزة كنزة بالك ما يحبش خلى مرة اخرى خليه هو يحب يشوفك
-ابعد من قدامى اختو انا مش صاحبتو
حلت كنزة الباب تلقاه راقد على فرش بحوايجو قربت منو مسحت على شعرو باست رأسو و طلعت ....
-خليه راقد
-اوك  ميرسي على معلومة و أمك امان كان تفيق بيه هونى تقتلنى
-تى امى كان تلقى ترقدو فى فرشها باش يرجعلك هههههه ايا نخليك ريڨل أمورك ....
مشات مرام تخدم كتبتلو ورقة إللى هى فى خدمة و كان يستحق اى حاجة ينادى على شادلية , قام نص نهار دوش رجع لفرش رقد ....
-اه شادلية شنيا عملت
-شي هزيتلو فطور كيما حطيتو هزيتو
-باهى ....
رجعت عشية تلقاه راقد او بالأحرى كان يظاهر عينيه مغمضة دمعة هابطة منها تحشات فيه من تالى حطت راسها على رأسو ...
-فهد شبيك
-مخنوق تاعب و نحب نبعد على ناس لكل و معادش نحكى معا حد...
-حتى انا تحب تبعد عليا؟؟؟؟؟
-انتى مهما حاولت نهرب منك نلقى روحى هارب لك نلقى روحى هارب من ناس و منى و راجعلك ما نعرش علاش معاك تتبدل حساباتى و نحس روحى جنبك انا مش انا نولى انتى ممكن ما غير ما نحس يمكن خاطر وليت منى و فيا انتى روح سكنها فيا ربي انتى الروح متاع روحى و بعدك الروح ما عندها وين تروح كان ليك.....هذاكا علاش جيتك كان ليك خاطر وحيدة فى عالم هذا إللى ما ضرتنيش و ما وجعتنيش وحيدة إللى سكتت و سكتت و استحملت منى عذاب و إهانة و ضرب و ما فكرتش نهار تضرنى سامحنى مرام و كان نقعد عمرى لكل نطلب سماح ما نوفيكش حقك ياسر غلط معاك ياسر سامحنى يا روحى
حطت رأسها فى رقبتو
-مسمحتك و لا عمرى تغششت منك انتى لخليتنى انا اليوم انتى لصنعت منى طفلة عاقلة و نظيفة و مسؤولة  بعدتنى على كل شي و قويتنى من داخل و خليتنى فرحانة بروحى حتى لو كان فرحتى ناقصة على خاطرك مش فى حياتى انا راضية بأنو دخلتلها فقط و بدلتنى و عملت منى نسخة جديدة ....
-ما عملت شي انتى اصلا معدنك طيب اما دنيا ظلمتك ياسر و رغم ظلم عمرك ما ضريت حد كنت ديما ترجع على روحك  ....
هزت رأسها شويا  خزرت فى عينيه ما غير ما تشعر حطت شفايفها على شفايفو ذابو مع بعضهم ... دق الباب (محرم فؤاد🤭)
قام من على فرش ستوا قعدتو صكر شوميز تاعو
-كنزة !!!
قلبو بدأ يدق متوحشها ياسر ... قعدت تحت ساقيه
-شوف اعمل فيا لتحب اضربنى صيح عليا كان لازم شربنى من دواء لشربتو لمرام مهم ارجع نور حياتى
-ارجعلى انتى نورلى حياتى
قيمها عنقها قعدت مرام تخزرلهم فرحانة عينيها كلها دموع فرح ...
-اسمعنى الليلة سهرية لصباح و على حسابى مازالو كى عطاونى شهرية قول اختى خايبة
-هههه ... يعيشك اما الليلة حابب نقعد مع مرام وحدنا ... محتاجها جنبى
- يعنى انا العزول باهى يا سيدى هانى خارجة
سكرت عليهم الباب و طلعت ....
-كينى بدينا فى حاجة احنا و ما كملناهش 🤭
_____________________________________________