الرجل المجهول

#13

رجعت لمقبرتها و عزلتها لكن المرة هذى باختيرها هذا أنسب حل احساس لحستو اتجاه فهد لازم يطلع منها قبل ما يكبر اكثر لأنو حاجة مش متاعها و عمرو لا باش يكون تمدت فى فرشها تلفتت للحيط ...
-تمنيت ندخل معاك العام الجديد تمنيتك ما تكونش كيفهم و تحبنى و تشوفنى من داخل خاطرنى مانيش خايبة و الله لانى خايبة ... (شهقت بالبكاء)
هذا لكل و هو قاعد قدام الباب ما تحركش مش عارف شنيا يعمل يخلع الباب و يدخل يجبدها من شعرها يكركرها يطلعها الفوق و الا يبدل ساعة بساعة اخرى ....
طلع الفوق هبل كيفاش رفضتو و إللى هبلو طريقة تهديدها و كيفاش رجعت تحكى بصحة رأس  كيما اول نهار دخلت فيه لفيلا ... قعد ماشي جاى فى بيتو يطرشق فى صوابعو حركتو معتادة كى يبدأ متوتر دقائق إللى عاشهم معاها شعللو نارو
-ياليتنى ما دخلتو فيها بلاش كوندوم و حسيت بسخانة هذيكا سخطة هبلتنى بدنها تعابير وجها ااااااااوووووف...
مسح بإيدو على رأسو ترما على فرش رقد بحوايجو اخر حاجة بين عينيه تصويرتها و هى بين يديه ، قام صباح يلقاها قدامو كينها فتنة ماشية على زوز ساقين و عاملة بلعانى ما تلبس كان فى روز fuchia  و كملت حزقت ترمتها فى ليڨيڨنج navy مفصلة تفصيل هبلتو يتبع فيها بعينيه وين ما مشات قعد حطتلو Turkish coffee ليحبها على صباح قعدت دور قدامو متعمدة خاطر عرفتو راجل كى رجال لكل غريزتو باش تتحرك عملت روحها تمسح فى كرسي لقدامو باش ركبتو تدخل فى ترمتها...
قابلتو على طاولة عملت tartine  قعدت تلحس فى صبعها بnutella محبش يخزرلها ياسر مايحبش قلبو يتحرق اكثر و ترجع بيه ذكرى لايام لفاتو لرضعتها و لحسها لمشافش كيفهم
-شنوا باش تقرأ ؟؟
تصدمت من سؤال توقعت باش يصيح عليها على ليلة البارح و يعنفها لكن بالعكس اعصابو هادئة ....
- باش نعمل فورمسيون فى حاجة نحبها
- شنوا ؟؟؟
-auxiliaire de puériculture
-اممممم ، تحب صغار
-نموت عليهم ناس واحدين لنحسهم يحبونى بلحق تعرف وقت كنت صغيرة بنات خالتى و عمامى و جيران  لأصغر منى  نحس روحى امهم رغم إللى كان عمرى ١٠ سنين نقعد نمشطلهم شعرهم و نختارلهم حوايجهم و نلعب معاهم ......
قد ماهى تحكى يخزرلها و يتبسم حس انو الموضوع بلحق يفرحها عينيها يلمعو و هى تحكى على صغار
-وانتى ؟؟
-شبينى انا !!!
-تحب صغار
-اى اكيد كى ناس لكل
-اممممم ساعا مايبانش عليك
-كيفاش؟
-يعنى نعرش اما مكش حنين و معندكش وسع البال شخصيتك مش شخصية انسان يحب صغار و لا فيك حتى شويا برأة منهم باش تنجم تتأقلم معاهم...
قام هز فنجانو و دخل laboratoire ما غير ما قال حتى كلمة حست كينى تغشش او كلامها ما عجبوش اما هذيكا حقيقة هى شيفتو هككا .... 
_____________________________________________

-شنوا بروڨرام الليلة نتعادلك ؟
-وين !!!
-امان تقليش كيما كل عام باش تقعد وحدك فى دار
-سندة تعرفنى اكثر مناسبة نكرها réveillon
-ساعا مهدى و جماعة لكل جايين
-مش قتلك معادش تجبدلى عليه
-تقليش انتى شبيك ماللى عرست وليت كبى
-مش كبى اما ... اما ما نعرش
-اممم تى قول بركا لإنتى تحبو
-شنيا الفايدة كان نحبو و هو même pas يخزرلى ....
مرام تخلت على فكرة حب فهد بعد ما عرفت انو عمرو لا باش يكون ليها و الحب من طرف واحد مش جوها جملا حمدة ربي انو ما تعمقتش فى حبو اكثر ممكن حتى لتحس بيه اتجاهو مجرد اعجاب مش حب جنونى خاطر عمرو ما عطاها الفرصة باش تحبو او سمعت منو كلمة طيبة و لا هى من نوع ليحب فيسع و لا ردود الباردة تاعو يستهوها و لا المحادثات السطحية تغريها  لكن رغم الفترة زمنية القصيرة 4 أشهر فقط قاعدة تحس اتجاهو فى حاجة غريبة هى اختزلتها في الحب او اعجاب لكن كانت حاجة ما اقوى حاسة بانجذاب لشخصيتو الغامضة  تحسو يتصنع فى قسوة معاها اما هو مش هككا اما علاش؟  علاش معاملة قاسية رغم إللى مش مغصوب على شي معاها ... برشا اسألة  فى رأسها معندهمش جواب و قد ما حاولت تعرف ترجع على طول بدون تفسير لكن لمتأكدة منو انو راجل عرس بيها و هو عندو هدف حابب يوصلو معاها....
______________________________________________