الرجل المجهول

#30

هز عينيه شويا و رجع هبطهم ...
-مرام لباس
-لباس لباس ادخل
مدت يديها باش تسلم عليه خزرلها و هبط عينيه عرفت لهو ما يصافحش مهدى لقدامها اليوم لا علاقة بمهدى قديم راجل متدين عينيه من قاعة ميهزهمش لابس كندورة لحيتو طويلة شيخ على حالو  ...
دخل طول و لا تكلم كلمة لقاعة لفيها اولاد صغار و قعد يحفظ فيهم و هى البره معنقة بنتها تبنن بيها و تخزرلو من شق الباب مش مصدقة لقدامها مهدى إللى من دبوزة و مابين افخاذ بنات ما يطلعش فعلا ان الله يهدى من يشاء و يضل من يشاء اما كيفاش ووقتاش اخر حاجة تذكر سمعتها عليه من 5 سنين من اول ما حبت فهد ما سألتش على اخبارو ...
-باهى اختى انا طالع توا
-اختى !!! مهدى نجم نحكى معاك
-اوك
حطتت بنتها عند صاحبتها و طلعت معاه ... قعدو البره ساكتين ... لحد ما تكلم هو ...
-اكيد انتى تتسأل انا شنيا بدلنى من نقيض الى النقيض و انا نتسأل شنيا  ليخلى مرت فهد بن ضياف  تخدم فى روضة فى حى شعبى ...
-معادش مرتو طلقنا من ٣ سنين ...
-بسهولة هذى و الحب لكان بينتكم ؟
-مشا مع ريح و ما بقا منو كان ذكريات ...  و انتى معقول مهدى سهار رقم 1 فى تونس اليوم  شيخ
- قصة طويلة كان عندك وقت نطلعو نحكيو ...
طلعو البره ..
-صحيح كنت سهار رقم ١ و عملت برشا حاجات خايبة حاشم بيها و قاعد توا نصلح فى روحى ان شاء الله ربي يقبل توبتى ....  تعرف مرام ممكن إللى جمعنى بيك قبل ما كانش حب اما كانت بينتنا عشرة و علاقة قوية ما عرفت قيمتك الا ما طلعت من حياتى بعدك دنيا فرغت عليا انتى عرست و بعدت سندة  عرست و سافرت مع راجلها لكندا قعدت وحدى ... بنات لكلهم كيف كيف كلهم يحبو يسهرو ياخذو فلوس يصورو ماكلة و يهبطو على انستغرام حتى جيت نهار لدار امى هونى فى سوسة و قابلتها.... احلى و ازين مرأة فى عالم ممكن فى عينين ناس عادية اما عندى كانت حاجة سبسيال ما صارش كيفها و مش باش يصير طفلة غير بنات لكل أدب و اخلاق و تربية و حجاب شرعى كانت تخدم فى معمل تع امى ... تعلقت بيها كانت حاجة جديدة على عالمى بدلتنى خلاتنى انسان صالح راسي من ساجدة ما نهزوش عرسنا و كانو احلى عامين فى حياتى
-كانو !!!!
-لأسف ماتت وهى تولد فى ولدنا .... و من وقتها مشا كل شي باهى معاها اما حمد لله حمد لله خلاتلى قطعة منها ....وانتى ؟
-حتى شي ما تفهمناش كيما اى كوبل اما كيما قلت انتى كيما قلت حمد لله خلالى قطعة منو ...
-كى تحبو علاش قبلت بطلاق علاش ما شديتش صحيح فيه علاش ما حربتش دنيا فرصة لعندكم مش نفس لعندى انتوما مازالتو حيين
-هو رمانى معادش حشتو بيا
-كيفاش استغنى على بنتو ؟ انتى اوك ممكن ما حبكش قد ما انتى حبيتو و الا فد من علاقتكم كيما أغلبية رجال اما بنتو نجم ينساها ...
حس مهدى إللى مرام تقلقت من إللى قالو بدل موضوع و قعد يسأل فيها على احوالها
____________________________________________

-مرام يصير فيك هذا لكل و انا ما نسمعش يعنى كان ما كلمنيش مهدى نقعد حياتى لكل ما نسمع عليك شي ؟؟
-سندة انتى اول شخص دارنا باش يسألو عليا عندو هذاكا علاش ما كلمتكش ابدا !!!
-يا ناري على اختى كلب و ساقط وواطى  هو عايش فى قصورات و مربي طفل مش من لحمو و دمو و بنتو ساكنة فى استديو
-يزى سندة اسامة قدام ربي ولدو
-حتى هو طفل نهار كامل لاصقو تقابلنا صيف لفات فى اوتال تاعو  فى cannes سلم عليا من بعيد ، اما كنزة ما حكاتلى شي قتلى طلقتو و انتى نفسيتك تعبت بعدت على ناس لكل يعنى خبيتو عليا هكا مرام يصير فيك هذا لكل و تخبى عليا قوم على اقل نشوفو دار نظيفة
-ما نحبش ما نحب حد يعاونى حمد لله انا و بنتى مستورين
-انا حد ؟؟؟
-لا اما سندة خدمة الوحيدة إللى باش تقدمهالى رد بالك تقول لحد انا وين و كيفاش ساكنة عيش اختى
-باهى باهى
وكى عادة سندة ما تتبلش فى فمها فولة فى ليلتها حكات لكنزة كل شي و طلعت كنزة هى و امها لأختها فى سوسة ... 
-باش تخلينا واقفين برشا قدام باب
-ادخلو ....
قعدت كنزة تخزر لأستديو فرش بو بلاصة جنبو فرش بيبى باين مطلع تطليع  كانبى قدامها طاولة صغيرة و فريجيدار صغير ، ڨاز صغير و توالات حكة هذى دار مرام هذا حالها وصل هكا بعد قصورات و فيلات ووتلا تعيش فى عش حمام.... قعدو ساكتين لحد ما تكلمت امها
-الطفلة وينى
-علاش !!!
-مرام شوف إللى صار صار دار بوك محلولة
-انهى دار بابا لطردتنى منها و قتلى قحبة جيبتلى ولد حرام اخرج عليا قدام خدام 
-مرام يزى امى مريضة
-حتى انا مريضة و تعبت و دمرت و ترميت فى شارع و جعت اى امى جعت باش لبس بنتى و نوكلها و بوها (شدتها غصة) ... بوها (طرشقت ببكاء) علاش جيتو انا نسيت كل شي يذكرنى بالماضي حياتى لكل عطيتها لبنتى و مركزة كان على تربيتها مش حابة شي منكم ...
-مرام عيش اختى ....
قاطعتها مرام
-مانيش أختك مانيش أختك هو خوك لوقفت معاه و صدقتو و فى محكمة نهار طلاقى ايدك فى ايدو  و انا وحدى مفما حد فى ظهرى مانيش اخت حد و لا بنت حد
دق الباب
-أمنتكم رجعت 😚
كانت دكتورة رغدة كل جمعة طلع ليليان مع بنتها لpark ...حست دكتورة إللى مرام باكية و فما حاجة فى دار عطاتها ليليان و مشات .... دخلت مرام محملة بنتها فى حضنها اول ما دخلت طفلة