الرجل المجهول

#24

سافر فهد اخر كلمة سمعتها منو توا يجى نهار و نرجع نطل عليك .... ان شاء الله نلقاك احسن و لقيت ثنيتك ، لكن إللى مفهموش من كلامها انو مستحيل مهما كانت اسباب دخل حد لحياتها و باش تكمل ثنيتها وحدها ....
__________________بعد عام (فرنسا) ________

-فهد شنيا حكايتك شنيا لقاعد تعمل فيه مع حنين
-امى امى يعيشك ما تدخلش من اول نهار قتلك حياتى مع مرتى خليك بعيدة عليها
-يعنى عادى هكا كل واحد فيكم في بيت ماو اقعدو كى ناس و تفاهمو شوفو شنيا يزيدكم شنيا ينقصكم سافرو اعملو اى حاجة كى ربي ماحبش تجيبو صغير اخر تاقف دنيا هاو انا و بوك حياتنا لكل ما فرحناش بصغير من صلبنا و عشنا احلى عيشة بالعكس حاجة هذيكا قوات حبنا كملت جيت انتى نورتنا حياتنا ممكن لو جبنا طفل من صلبنا ما كناش حبيناه قدك ، زيد مازالتو صغار وقت قدامكم و اكيد pilules لكانت تأخذ فيهم هوما لأثرو على حبالتها للوقت هذا ...
-امى مشكلتى مش فى صغار حاجة ربي هذيكا اما هى ولات لا تطاق ياسر تصيح تعارك تهز فى يديها
- خاطر عندها الحق فهد هانى عايشا معاكم انتى عبارة موجود بإسم لتعديه بايت البره اكثر من دارك منين باش تجيبو هى الصغير و انتى على طول البره
-على طول البره خاطر فادد منها
-فهد انا ما ربيتكش هكا ولدى ما يخليش مرتو و يعمل ريسرفسيون فى Ritz جمعة كاملة مع ذكرى و نهار نهارين يطلع مع prostitute و مرتو مش شابعة بيه انا وقت عرستلكم كنت متخيلة انك بالعرس باش تعمل عقل و تروح لدارك و مرتك تجرى كيما بوك عمرو ما خانى و لا وجعنى بكلمة اما يظهرلى كنت غالطة
-امى ... امى معادش نجم نخبى ما عندى حتى احساس اتجاه حنين حتى مشاعر ...
-لا لا ما تقولش هكا شيطان و حضر بينكم عيش ولدى على خاطرى ارجع لفرشك
-امى قتلك معادش نحبها افهمنى يعيشك معادش نستطعم حتى شي معاها
_____________________________________________

-قول لأمك تروح
-امى ؟؟؟؟؟ خالتك يعنى
قعدت حنين تعلق فى حوايجها و تقحرلو
-ايجا ايجا (شدها من ايديها هبطبها لصالة)
-واه شبيكم
- قلها انتى خلى تعرف حقيقتك ....
-فهد سيبنى شبيك
-تكلم مدام تكلم قلى شنيا قتلى الفوق ، امى للة بنت أختك قتلى قول لأمك تروح
-ما كان قصدى شي خالتى عليك انتى أنا ما نحبش نحيرك
-ههه تمسكن تمسكن مرام وقت كنت معرس بيها رغم عذاب لعذبتهولها و امى تاقف تسمعها كلام و تذلها عمرها لا نهار قالت كلمة فى امى
مش عارف اصلا علاش حكا على مرام عام كامل اسمها ما جاش على فمو ... نطرت حنين يديها من يديه و بدات تصيح ....
-قول من اول هكا علاش تسبب اه ؟ عمرك ما نسيتها المسخة متاعك كنت نرى فيها في عينيك كل دقيقة هى إللى بدلتك عليا اه تكلم زايد انتى مهبول حياتك لكل عايش على دوايات اعصاب و هى كيفك تناسبو بعضكم زوز مهبلا
عطاها كف جابها فى القاعة مرمية كان ما دخلش بوه و امو كان باش يعطيها طريحة
طلع فهد الفوق جبد فاليز تاعو بدا يلمد فى دبشو
-عيش ولدى يزى يكون منك عقل
-بابا ابعدنى يعيشك
-وين ماشي فى هالليل
-راجع لتونس
-يعنى عندها حق حنين تحب طليقتك ؟
ضرب رأسو على ڨاردروب
-نحبها ، نحبها ، نحبها لوقتاش باش نقعد مخبى ما يتعادش نهار ما نخممش فيها ما تتعداش دقيقة ما نتخيلهاش جنبى هذيكا حب حياتى حنين حياتى لكل معاها خاطر امى ربطتنا ببعضنا مااللى احنا صغار اما انا عمرى ما فكرت فيها زرعت روحها في حياتى بالسيف و انا قبلت عام و اثنين و تلاثة و عشرة و سطاش كل ما امى تقولنا عرسو نرفض حتى من قبل ما مرام تظهر فى حياتى نرفض خاطر حاسس فما حاجة غالطة مناش لبعضنا
-انتى بكلامك هذا قاعد تقضي على إنسانة عاشت حياتها لكل تحب فيك ....
-و انا نحبها نحبها حنين اما ... اما نحبها كيما اى حد غالى على قلبى ما نتوحشهاش ما نروحلهاش نجرى ما نفكرش فيها ما نشتهاهش ... ووقت علاقة توصل بين راجل و المرأة هكا يعنى يتفارقو احسن...بابا انا و حنين كلام وفا بينتنا هاك ترا قدامك عايرتنى بمرضي حاسب رأيك هذى نكمل نخزر فى وجها مانيش راجل كان نقعد معاها وصللها إللى انا حابب نطلق
______________________________________________