صورة مأخوذة من فيلم Immoral Tales 1973
نتمنى كرونيك جديدة تعجبكم اول مرة بطلة و بطل زوز اسوء من بعض يعنى نار راح تكون جنب بنزين 🤪 و كى عادة ليحب يقرأها بمخو مرحبا خاطر باش تكون فيها عبار و إللى يحب يقرأها بنصو لوطانى مرحبا ، مرحبا بالجميع و شكرا...
-كنزة شفت لعملو فيا فهد طلعنى بحوايج لفوقى حتى حق تاكسي ما عنديش قعدت كنزة تخزرلها و هى تبكى و تحكى بشهاقة .... -شبيك تخزرلى هك ! لا ... لا مستحيل تكون حتى انتى مكش مصدقتنى -مرام ...مرام ما نعرش شنيا نقلك -ما تقلى شي ما تقلى شي .... عيش اختى رجعت طلعت فى ليلة ما يطلع فيها حد كان اليتيم و الحزين و إللى دمعو على خدين و هى لكل فيها ليلة ما تسمع فيها كان صوت رعد و ريح و شتاء قوية و برد يصرفق فيها من كل شيرة قعدت تبكى تحت حيط متخبية من شتاء ايديها على كرشها مش مستوعبة إللى صار معاها و كيفاش صار فيسع كأنو كابوس مزعج غمضت عينيها متمنية تحلها تلقى روحها فى فرشها بين احضان راجلها ...حلت عينيها خزرت ليديها لترعش فوق كرشها و عرفت انو مش كابوس حقيقة .... فهد كذبها و نكر فى إللى كرشها و إللى يوجع اكثر اتهامو ليها بالخيانة وقفت المطر شويا رجعت لدارها .... ما عندها و ين تمشي لازم تمشي تحكى معاه تواجهو تعرف شنيا سبب تصاروفاتو .... قعدت تمشي على ساقيها نص ساعة ما عندهاش حق تاكسي فى المشي أختها خلصت و قت طلعت من دارها ما هزت حتى فرنك ... حلت الباب شربت كاس ماء رجعت النفس الحس بايت طلعت الفوق ماهوش فى بيت هبطت لبيرو تاعو لوطا تلقاه وين خلتو حاطط ايدو على خدو و قاعد فى ظلمة .... -فهد لازمنا نحكيو -ولد شكون لفى كرشك ... -و الله و لدك و الله ولدك -شكون إللى المرة هذى تعدالى على شرفى شكون ... قام يصيح لصقت حيط ترعش خايفة يضربها -قلك ما نستعرفش بيه اكتبو باسم راجلك ، راجلك لعطيك اسمو و حاطك فى عينيه و عطاك حب إللى فى قلبو لكل هاذا باش كفيتنى فى اخر !!! شدها من مرفقها - وقتاش خنتنى ؟ نهار عيد ميلادك لهديتلك فيه فيلا قيمتها فوق 5 مليارات اه ؟ اكيد ليلتها كلمتو و قعدتو تضحكو عليا قتلو قداشنى دغف و الا وقت نسافر مع ولدى اه شنوا كنت تقلو و انتى معاه فى فرش ؟ راجلى ما يجيبش صغار شنيا رأيك تحبلنى و نكسرولو وجهو و كان حبلت توا يسكت ... تكلم تكلم قول كيفاش خطتو .... قعد خانقها بيديه قريب تقطع نفس زراقت تحتو قريب تموت بعد عليها تلفت لشباك -شبينى مستغرب انا لكلكم خاينين امى خانت بابا حنين لكانت تعبدنى خانتنى علاش باش نستغرب من وحدة حياتها لكل فى شارع من راجل لراجل انا إللى سترتها و فسختلها الماضى لكل و حبيتها حبيتها حتى فى اخر (شدتو غصة ما نجمش يكمل يحكى)..... شوف مانيش باش نكسر راسي معاك ياسر الله يوجهك خير خليفتى على ربي .... -و الله اللى فى كرشي ولدك كى انتى شاكك خلينى نوصل لشهر سادس و اعمل تحليل DNA -مرام مرام اخر مرة باش تسمعنى ننطق فيها اسمك انا وقت عرفت روحى ما نجيبش صغار قلبت دنيا لا خليت داكاترة و لا علاجات و كل شي جربت و عملت تحاليل فى اقوى laboratoires فى عالم و فى اخر ديما نفس نتيجة مستحيل نجيب صغير جايتنى انتى بعد 4 سنين تقلى رانى حبلة ! منين ! منين ! منين ! لصقها الحيط قعد يعطى فيها فى كفوف وراء بعضهم .... لحد ما هبطت فى قاعة داخت .... اخر كلمة سمعتها نروح ما نلقاكش هونى و لا نلقى اى حاجة ليها علاقة بيك .... لأسف استسلمت لكلامو و طلعت لكن خلات كل شي متعلق بيها ما هزت شي يا دوبك مصروفها من فلوسها خاصة خلات كل شي ذهب اللى جابهولها اللبسة بطاقات البنكية إللى بإسمو و اهم خلات اسامة ... لأسف اسامة مش من حقها كان تهزو معاها نفسيتو تتعب تعود على سيستام حياة معين مستحيل تنجم توفره لو و ترجعو لنقطة صفر .... خاصة بعد ما اقرب ناس رفضواها أختها ، امها طردتها و لا حد صدقها .... اليوم هى وحدها بدون عائلة و لا مورد رزق البيبان لكل مسكرة فى وجها فى استديو فى سوسة بعدت عن ناس لكل خاطر ما صدقها حد دنيا لكل تقلبت عليها حياتها لكل تقلبت و اهم و إللى يوجع اكثر موقف فهد هذى اخرتها تطلع بفضيحتها من علاقة عطات فيها جهدها لكل كانتلو ام و اخت و زوجة و حبيبة و ابنة كانتلو داوء ليضحكو و ينسيه همو و غمو و حزنو فى اخر تكون نهايتها هكا يتهمها بخيانة !!!! حتى اسامة بحكم مش ولدهم و لا حد عندو حق فيه وقت سألتو مرشدة اجتماعية مع شكون تحب تعيش اختار فهد ... خزرت لشباك حديد هزت عينيها لسماء و ما طلبت غير انو اللى فى كرشها يوصل على خير ما عاد همهها فى حد ... -فهد انا حاسة اللى احنا ظلمنا مرام -كنزة كنزة عيشك موضوع هذا ما نحبش نحكى فيه -لا لازمنا نحكيو هى اختى قبل ما تكون انتى خويا ، فهد مرام ماهيش مسخة تى زح طفلة طلعت بحوايج لفوقها ما خذات منك شي و لا استغلتك فى شي -استغلت حبى قلبى لعبت بيه كيما حبت و هذا يكفى ما يجى شي قدام فلوس الحب لحبيتهولها ما يجى شي لكن هى ما عرفتش قيمتو عفست عليه و تعدت .... -مستحيل تكون خانتك ماهيش من نوع البنات ليحبو يحلو ساقيهم كهو مع راجل بلاش حب وقتاش حبتو جديد اذا كان هى ما تحلف كان برأسك انتى حب حياتها مفماش احتمال يكون صغير ولدك هى بما انو قتلك نعملو DNA -تمنيت تمنيت كلامك يكون صحيح وصلت حتى شكيت فى روحى و قبل اخر جلسة من طلاق سافرت و عملت تحاليل و شي مستحيل نجيب صغار لفى كرشها مستحيل يكون ولدى مستحيل .... قعد يخزر لكنزة من تحت لتحت يقدم و يوخر حابب يسألها و كبرياؤ مانعو ...لكن لازم يسأل ...!!! -ياخى هى ، هى وين توا -نعرش تقول ارض انشقت و بلعتها أكثرشي من سندة لتقول اختى و ما نخبى عليها شي مش عارفتلها طريق و ما تعرف عليها شي ممكن حتى حكاية حبالتها ما سمعتش بيها و امى بعد ما طردتها ندمت مشينا لمركز قالونا روحو طفلة فى كامل مادركها عقلية و فاتت 18 ما عنا ما نعمللوكم ... معقول فهد لصار معاكم بعد الحب هذاكا لكل حالكم يصير هكا -هذيكا حياتى من اول دنيا ما إللى حليت عينيا عمرها فرحتى ما كملت لآخر ... كنزة انا باش نهز اسامة و نرجع لفرنسا ما عندى ما نعمل هونى على اقل امى و بابا يعاونونى فى تربيتو .... كملت مرام طريقها وحدها فى استديو مندى حيوطو مشققة فى حى شعبى ما تتعاطى مع حد مسكرة على روحها و على حياتها تخدم فى الصباح فى روضة و فى الليل تمسح توالاتات و ردان قحاب و سوكارجية فى نايت كلوب ...حارمة روحها من ماكلة و لبسة قطعتين تبدل بيهم كل يوم شهريتها تخبى فيها باش تشرى دبش للبيبى بدات كرشها تكبر و هى تغطى فيها على ناس و خايفة من عروفاتها لا يوقفوها على خدمة ... دخلت شهر خامس كى عادة مشات وحدها وقفت فى صف طويل و عريض فى مستشفى عمومى مستنية تقيد قعدت واقفة مستنية دورها حتى عيطتلها دكتورة .... -مدام وينو راجلك -مسافر -ربي يرد غربتو اما على اقل كنت جبت معاك حد يونسك هبطت مرام رأسها ... -ما عندى حد ... -و بنوته إللى فى كرشك ما هيش حد 🙂 -طفلة !!! عندى طفلة -اى مدام مبروك قعدت تخزرلها فى شاشة قدامها تتحرك مش مصدقة طفلة حلم فهد يجيب طفلة و اليوم كى جات هو مش موجود...عينيها غارقين فى دموع صوت دقات قلب بيبى مسحو عليها تعب لكل و مازالت مكملة باش تتعب اكثر و اكثر حتى توفرلها كل شي و ما تخليها مستحقة شي .... رجعت تخدم صباح و الليل عملت علاقة باهية مع أولياء صغار إللى فى حضانة كل مرة وحدة تعطيها فلوس باش تتلهى بصغيرها اكثر من اول كانت تستغرب و مش قابلة تاخذ فلوس لكن بعد كانت مضطرة ... كل شهر تشرى حوايج شامبوانات اى حاجة يستحقها مولود جديد ... حتى من فرش بدات فى تجهيزو عند نجار .... -مدام فما احتمال تولد فى شهر سابع -علاش دكتورة علاش !! بنتى بيها حاجة امان قلى -لا اما انتى بصراحة داهكة على روحك ياسر لأسف ممكن بيبى يجى ناقص فى ميزان -كيفاش ناقص يعنى باش تموت (طرشقت ببكاء) -مدام هدى روحك انا قتلك بيبى لباس اما مشكلة فيك باش ما تولدش قبل وقتك ننصحك براحة و حاول انتى و راجلك كثرو من علاقة جنسية باش لولادة تكون ساهلة ... -راجلى ! -مرام حابة تحكيلى حاجة ... -لا لازمنى نروح -باهى ستنا هذوما فيتامينات خوذهم -بقداش هذوما ؟؟؟ -بلاش فلوس و هذا رقمى شخصى تصير اى حاجة كلمنى فى كل وقت .... لأسف مرام ما سمعتش كلام دكتورة و رجعت لخدمة فى نهار تحمل صغار على قلبها و فى الليل تمسح حمامات فى نايت كلوب مهم ما تخليش الاميرة اللى راح تشرف ناقصها شي ... رجعت لدار مهدودة من تعب اخر جمعة فى شهر سابع تدعى وقتاش تخلط و تحط راسها و ترقد 5 سوايع وصلت لباب دار دورت المفتاح و شدها طلق منجمتش تقدم خطوة .... تقاوت على روحها هزت تليفون كلمت طبيبة وقفت قدام باب عضت على روبتها باش ما يسمع صوت صياحها حد جات دكتورة رغدة لقات حالة مستعصية مش متع هزان لمستشفى و فى نفس و قت ولادة ما تنجم تكون الا قيصرية .... -مرام ، مرام شد روحك -معادش نجم دكتورة -لازم نمشيو لكلينك توا... كرهبتى قدام دار عيش اختى عاونى شد روحك مش عارفة منين جابت قوة باش نجمت وقفت على ساقيها طلعت فى كرهبة تتوجع -مرام اقعد احكى معايا مرام اقعد يعيشك انا شكون مرام مرام .... اخر حاجة قبل ما تسكر عينيها قالتها فهد ... و دخلت فى غيبوبة -دكتورة لازمنا نضحيو بالبيبى و الا الام تموت -لا لا ربي معانا باش نعمل مستحيل باش هوما زوز يعيشو ... قعدت مرام و طفلة تحت العملية 3 ساعات بصعوبة نجمت دكتورة رغدة تمنعهم زوز اصعب حالة مرت عليها بدن مرام كان ضعيف ياسر و تاعب على قد ما كانت فى عملية مابين عينيها اخر جملة سمعتها من مرام "امان دكتورة عاونى عاونى بنتى لازم تعيش راو ما عندى حد فى دنيا غيرها " .... و شرفت البنوته ضعيفة ياسر وزنها كيلو و ٨٠٠ غرام حلت مرام عينيها بالسيف بعد يومين فاقت شافت دكتورة قدامها ... -دكتورة -على سلامتك و مبروك عارفة اول حاجة باش تسألنى على طفلة هذاكا علاش صورتهالك جات باش تقوم ما نجمتش جرحها مازال محلول ... -ارتاح ارتاح اهيا (حطتلها تليفون فى وجها ) طرشقت ببكاء طفلة نسخة من بوها كأنو عاطسها عطس روجا و شعرها اصفر و ياسر بدنها صغير لابسة كان كوش -شبيها عريانة عندى حوايج فى دار شبيها بنتى عريانة -هههههه تصاور هذوما قبل ما نركبولها اجهزة طبية -علاش علاش بيها حاجة -لا لباس طلعت قوية كيما امها اما بحكم ناقصة فى ميزان لازم تقعد تحت مراقبة فترة أولى -باهى جيبها نرضعها -مرام عيش اختى اسمعنى انا ما نجمت ننقذكم الا بالسيف و خاصة انتى ياسر تعبتنا بدنك مش تع حبالة ياسر ضعيف مرام شوف شنيا حكايتك وينو راجلك و ينى عائلتك .... هبطت راسها دمعت هبطت وحدها من عينيها ما لمستش حتى خدها طول هبطت على صدرها ... -راجلى ... راجلى (حكات لدكتورة كل شي ) -تعرف حستك مكش متغششة على عائلتك و لا مأخذة فى خاطرك منهم وجيعتك كبيرة من بو بنتك ... -دكتورة انتى عرفتنى البارح و قتلى بو بنتك يعنى صدقتنى و هوما لا و خاصة هو هو لوحنى على طول يديه .... -خاطر المرأة اللى تخون راجلها ما تسكنش فى مقطورة حيوطها نداء و مشققة و تخدم صباح و الليل باش توفر مستلزمات صغير ... عوضك على ربي فيه اما بنتك حطها فى عينيك و انا احسبنى اخت إللى يثقل عليك يخف عليا .... خلينا فى مهم طفلة شنيا باش تسميها ... بدون تفكير طول قالت اسم -ليليان ... -امممم اسم حلو باهى توا نمشي أنا نخلصلها اجراتها القانونية لكل و انتى اقعد ارتاح .... و جاءت الاميرة ليليان اول ما حضنتها روحها رجعت نسات خايب لتعدا عليها لكل تمنت ترضعها طبيعى لكن ما نجمتش مفماش حليب من قلة تغذية اضطرت تشربها حليب بودر و ما تشريلها كان من غالى و حفظات اجواد انواع و عاملة جهدها حتى ما تخليها ناقصة شي بعد بشهرين من ولادة على طول رجعت تخدم و بيبى معاها فى حضنها قدام عينيها و فى الليل تعدى ليل لكل تحكيلها على حاجات باهية فى دنيا و إللى باش تراهم كى تكبر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و من حاجات باهية كانت تحكيلها على بوها رغم المر لذقتو منو حبت توصللها تصويرة باهية عليه و تعداو عامين كملت حياتها بصيفة طبيعية وجود ليليان قواها و خلاها مستعدة تواجه عالم كل يوم تخزر لبنتها جنبها تحمد ربي إللى عندها قطعة من حب حياتها لعمرها ما نساتو و لا كرهتو دقيقة و من حسن حظها طفلة كلها بوها و قد ما تكبر ترجع لبوها فى شبيهة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
.... -مرام عيش بنتى باش يجى راجل محفظ قران عشية اكد على ايناس تكلمو -باهى مدام تهنا .... دق الباب قامت حلت .... راجل لحيتو طويلة لابس كندورة بيضاء فوقها leather jacket عينيه فى قاعة ... -سلام عليكم اختى انا محفظ قرآن لكلمتونى -مهدى !!!!!!!
