صورة مأخوذة من فيلم Immoral Tales 1973
نتمنى كرونيك جديدة تعجبكم اول مرة بطلة و بطل زوز اسوء من بعض يعنى نار راح تكون جنب بنزين 🤪 و كى عادة ليحب يقرأها بمخو مرحبا خاطر باش تكون فيها عبار و إللى يحب يقرأها بنصو لوطانى مرحبا ، مرحبا بالجميع و شكرا...
-فهد عيش ولدى استنانى حاجتى بيك -نعم دادة لباس؟ -مانيش عارفة شنيا باش نقلك -احكى دادة لباس -اليوم 11 في شهر و انتوما و خرتو عليا فى شهرية و انتى عارف لأنا كافلة بنت اختى -شنوا وخرنا عليك !!! انا عاطى الفلوس لمرام من اول شهر كى العادة ... -مانعرش وليدى ممكن نسات -باهى نكتبلك شاك توا و كى تروح من سنتر توا نفهم منها حكاية شنيا ... دخلت مرام تغنى عاملة جو ... باست فهد من رأسو ... -مرام ياخى شهرية دادة وينى لعطيتهالك قبل 11 يوم -انتى عطيتنى ؟؟؟؟ -اى مرام ركز روحك وين حطيت الفلوس - نعرش اصلا مش مذكرة حتى انك عطيتنى شدها من يديها زوز ... - حبى انا مانيش نحاسب فيك اما نحب مرتى راكزة ذكر وين حطيتهم؟! - فى بيتنا الفوق زعما! طلعت الفوق قلبت دنيا مش حابة تطلع فى عينيه سارقة او مستهترة بتعب المرأة ... لحد ما لقاتهم فى دريسنڨ روم هونيا رجعتلها ذاكرة و ذكرة إللى هو عطاهملها و هى حطتهم على اساس تعطيها صباح تلفتت تلقاه وراها -سامحنى فهد سامحنى نعرش كيفاش نسيت هاو فلوس كيما عطيتهملى هذى ثالث مرة فى جمعتين ننسى حاجة -عادى ياروحى ... -لا مش عادى خالتى عزيزة تحبنى و باهية معايا كيفاش ننسا ما نعطيهاش حقها.... -نرمال يا حبى يصيرو حاجات هذوما _____________________________________________
كمل فهد خدمتو ورجع لدار فرحان باش يلقى مرام مطيبتلو كيما سنستو كل نهار جمعة رافيولى ليحبها ... -وينو فطورى -ايا روحى دقائق و نحطتلك قعد على طاولة مستنيها ... هبطت مكيجا لابسة -هيا حبى حاضرة هيا نخرجو قعد يهز فيها و يحط مش عارف شنيا يقول .. -ياخى انتى حابة نخرجو؟ -مش انتى قتلى باش تخرجنى نفطرو البرا شد تليفونو خزر فى répertoire مش مكلمها جملا اليوم -مرام حبى انا اليوم كنت فى خدمة صباح كامل عندى اجتماعات مطلعتش مكلمتكش جملا حلت تليفونها بلحق مكلمهاش -سامحنى دخلت بعضي اليوم جمعة المفروض نطيبلك حاجة لتحبها نسيت ما نعرش سامحنى فهد عقلى مش معايا -باهى يا روح قلبى مش مشكل توا نخرجو نفطرو البرا .... __________________________________________
تعدا شهر حال مرام كان يسوء نهار على نهار لدرجة تنسا روحها وين مشات و ين جات شنيا كلات تنسا روحها بنهار و نهارين بلاش دوش ... فى الأثناء كان فهد قاعد يسايس فيها و معتبر حالتها عادية خاصة بعد ظروف لصارتلها فى فترة أخيرة من وقت ما بوها تجلط و عائلتها خسرو كل شي و قاطعوها و هى حالها قاعد يدهور.... -سي فهد لباس -اهلا سي نور الدين شنحاولك -حمد لله كل شي لباس ، سي فهد ما نعرش شنيا نقلك اما .. -شنوا -مدام مرام فى حالة حرجة شويا فى كلاس تنجم تجى تهزها -شنوا حالة حرجة كلم urgence هانى جاى -لاقصدى لا حول و لا قوة الا بالله سي فهد ايجا و جيبلها معاك لبسة نظيفة كهو امر مش محتاج urgence ... عمل كيما قلو مدير سنتر شراء لبسة و مشا دخل يلقاها وحدها فى كلاس عاملة pipi تحتها و مفما حد فى كلاس كان أستاذة ... -عسلامة سي فهد -عسلامة مدام شنوا صار ؟ -حتى شي كنا فى كلاس عادى زميلتها وراها انتبهت عليها اضطريت نسكر حصة حبيت نهزها لتوالات نبدللها دبشها شي يبست على كرسي ما حبتش تقوم وقتها قلت لمدير يكلمك -اوك يعيشك مدام -تحب نعاونك تلبسها -لا لا تنجم تتفضل خلينا وحدنا ... سكر الباب بلڨدا قعد قدامها على طاولة قعد يخزر لوجها عينيها منفوخين من بكاء فى اتجاه واحد واقفين و جها اصفر شعرها مطعتش ملموم الفوق ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-مرام شبيك قعدت ساكتا كينى مش موجود ... نحا capuche تاعو ربطها بيها شدها من يديها و طلع .... طريق كامل يسوق و يخزرلها عينيها فى شباك دموعها هابطا ....روح بيها لدار نحالها دبشها دخلها تحت دوش دخل معاها قعد ينظف فيها و هى واقفة مربعة يديها تخزرلو كينى اول مرة تراه ... هز عينيه جات عينيها فى عينيه وقفت تتبسملو ابتسامتها لتذوب قلب كلها برأة ملامحها بسرعة تغيرو اول ما شافت دمعة فى عينيه ... -علاش تبكى -خاطر نحبك ، نحبك نحبك نحبك ... لزها لصدرو نزل عليها -انتى تبكى على خاطر انا مريضة -لا يا روحى مكش مريضة انتى احلى مرأة فى عالم انتى شطر روحى ...اى حاجة باش توجعك باش توجعنى ما نجمش اكثر من هكا ما نجمش.... -شنوا لمتنجمش ؟ -ما نجمش نحبك اكثر من هكا مش عارف كلمة شطر روحى كيفاش طلعت معاه و شطر لآخر ملك شكون !؟ جبد منشفة ما غير ما يطول فى حديث خايف لايضعف قدامها ... قعد ينشف فيها هبط على ركايبو يمسح فى صوابع ساقيها دخل ما بين افخاذها قعد يلحس يلحس و يترشف فيها لحد ما رقدت ... قامت الصباح ترا فى خيالات كحل دخان حريق فى كل بيت بدات تصيح تنادى بإسمو مش جنبها قامت بصعوبة من فوق الفرش قعدت فى تركينة فى قاعة تبكى ترعش مش عارفة كيفاش تتحرك خيالات عمال يكثرو حاسة بخنقة دخان رغم اللى مفماش ريحة حرق ... -خالتى ... خالتى امان اجريلى دار قاعدة تتحرق طلعت عزيزة تلقى مرام فى تركينة ترعش تبكى نڨزت عليها تعنق فيها و تبوس -بنيتى لباس شبيكى؟؟؟؟؟ -امان كلم pompiers دار قاعدة تتحرق -يا بنيتى مفما حتى حرق -شنيا معناها انا هبلت هبلت هبلت!!!؟؟؟؟ بدات تضرب فى روحها بالكفوف دخلت فى حالة إنهيار عصبى كسرت برفانات و مراية تع كوافيز و فازات رمات حوايج لكل اللى يجى قدامها ترميه تضرب فى رأسها على حيط حاولت عزيزة تهديها و تسيطر عليها ما نجمتهاش -فهد عيش ولدى امان جيب طبيب و ايجا فيسع مرام مريضة ياسر ! جاء طبيب قبل ما يوصل فهد ضربلها زريقة تهدئة اعصاب قعدت تخزر لشباك دنيا نهار ووقت 1تع صباح اخر حاجة تذكرها انو البارح نص نهار كانت في سنتر و بعد مش مذكرة شي كيفاش اليوم 10 تع صباح يعنى رقدت فوق 20 ساعة !!! ما غير ما تشعر عينيها تغمضو ...دخلت فى سبات عميق ... حلت عينيها فى الليل تلقى فهد جنبها شاد ايديها و قاعد يخزرلها .... -روحى سامحنى سامحنى -ما عندك علاش تطلب فى سماح نعرف إللى فترة خرانية بعدك على عائلتك و موقفهم منك جوجموك شويا أما أنا معاك مرام و جنبك -ديما ؟ -شنوا معناها ! -باش تقعد ديما جنبى حتى توفا دنيا -حتى توفا دنيا (دور وجهو حب يبدل موضوع ) كان حاسة روحك سافا نخرجو نتعاشو -لا اما ميسالش ترقدنى عندك -حاضر يا روحى... قامت مع آذان الفجر تتلمس جنبها شهقت بدات تصيح تصيح مسكرة على عينيها -شنوا فما -شكون ببيات لفى في بيت طلعهم -نعم !!!!! -مانجمش نمشي بيت لكلها ببيات نخاف نعفس واحد -مرام شبيك يا حبى !!! مفماش حتى ببيات -امان سكتهم شبيهم يبكبو مع بعضهم سكتهم فهد اعمل حاجة بدات تخبش فى روحها تقطع فى حوايجها ،شد تليفون كلم طبيب ... -مسيو هذى بسرعة لأقرب مستشفى امراض عقلية تهزوها فيسع ....
