الرجل المجهول

#33

-نعم شنيا لا مستحيل!
-كنزة كنزة اسكت 
قعدت كنزة تخزر لفهد و ابتسامة الباردة لعطاها لمرام قبل ما يطلعو من محكمة ...، ركبو فى الكرهبة رجعو لتونس طريق كامل و فهد عامل جو يسمع فى Freddie Mercury و هى حاطا ايديها على خدها و تخزرلو ....وصلو قريب دار ....
-يعنى انتى شنيا كنت متوقعة باش تطلع نتيجة من وقت ما شدت هى صحيح انو نتيجة ما تطلع كان فى سوسة عرفت شنيا قاعد يدور في راسها الصغير و شنيا باش يصير Laboratoire لعملنا فيه نتيجة يخدمو فيه 3 من عائلات مهدى ، عائلة مهدى فى سوسة معروفين لكل عندهم نفوذ و اى حاجة باش يطلبها تصير اما لنساتو أختك كان مهدى قوى انا اقوى كلفت شكون عطانى تحاليل أصلية و حط تحاليل مزورة و تبعثو بالوقت لوس انجلس سويسرا موناكو و هذى نتيجة (جبد تليفون) طفلة بنتى بنسبة ١٠٠%  أختك فى حالة هذى مش نبصيها كهو ندخلها للحبس ندفنلها شبابها و نحرمها من بنتها ...
-فهد امان ما تعمللها شي إللى تعدا عليها مش شويا مشيت و شفت كل شي على عينيك ....
-اهبط عيش اختى اهبط
روح فهد لدار غاب يومين ورجع لسوسة فى الليل ....اول ما حلت مرام الباب طول حط نتيجة أصلية فى عينيها ...
-مش صحيح
-هههه باهى مش صحيح نعمل طعن و نسافرو 3 و نعملو تحليل فى امريكا شنيا رأيك ؟؟؟
هبطت راسها ...
-قيمها من النوم باش نهزها معايا ما غير لا عرك و لا صياح فى صالحك
-انتى مستحيل تكون انسان عادى مستحيل عندك قلب يعنى حابب كل شي على جاهز يعنى انا تعذبت 6 سنين باش فى اخر انتى تهزلى بنتى من بين يديا و نقعد ساكتا ....
-مرام انا مانيش ولد حرام مانيش باش نبعد طفلة على امها تحب تجى معانا مرحبا ...
-هه وين نجى معاكم وين لدار لطردت و تخونت فيها ! قداش امور عندك ساهلة ...
-مرام... (قعد على كانبى) كان .. كان باش تقعد تلوم و تحكيلى على إللى تعدا عليك لازمنى  6 سنين لقدام 6 سنين تحكيلى فيهم كل يوم شنيا صار عليك نتمنى تعديهم فى دارى 6 سنين جايين و تحكيلى كل شي و تأكد قبل كل شي لانا مستعرف بغلطى و عارف روحى ظلمتك و مش باش نسامح روحى حتى كان جاء نهار و انتى سامحتنى انا باش نقعد كاره روحى على إللى عملتو فيك .... مرام  تخيل روحك فى بلاصتى   تخيل روحك راجل عمرو 41 سنة عقيم تقارير لكل تقول مستحيل نجيب صغير مستحيل نفرح بكلمة بابا فجأة جاتنى مرتى لكنت كل يوم نشوف وجيعة فى عينيها كل ما تشد بيبيى كل ما تعنق بنت أختها بنت صاحبتها و تقلى حبلة الله غالب عميت جاؤ بين عينيا برشا حاجات خايبة ما تنساش لتعدا عليا من نساء مش شويا ظلمتك ظلمت بنتى ظلمت روحى تحرمت من ولادتها على ايدى من سمعان صوت بكاءها من اول سنة طلعتلها من اعياد ميلادها من شوفتها و هى راقدة من اول نهار ليها فى حضانة... مكش شايفة  إللى ربي عاقبنى بما فيه كفاية انا عندى نهارين كنت فى سويسرا تعرف طبيب برفيسار شنيا قلى انا ما نجيبش صغار ليوم ما نجيبش على   300 millions de spermatozoïdes طلعت هى عايشا يعنى إللى صار معجزة انو تطلع هى منى و تكون انتى امها المرأة الوحيدة لحبيتها و مازالت نحبها  ربي رحمنى ممكن خاطر ربيت يتيم و عطيتو اسمى ربي بعثلى صغير من صلبى ... مرام بنتى تحرمت ياسر بنتى تخزرلى و تقلى نحب عيد ميلاد كبير بنتى تقلى نحب بو يجيبلى كل يوم حاجات و انا عايش مكش عارفة فى لحظة هذيكا و هى تحكيلى على امنياتها شنيا حسيت (شدتو غصة نبرة صوتو تغيرت)  بنتى مازالت صغيرة نجم نعوضها و صغار فيسع ينساو اما انتى كان ندفع عمرى لكل ما نرجعلكش لحظة من صغرك و شبابك لانا كليتهم حاسس بيك عارف شنيا معناها مرأة عمرها ٢٤ تعيش بلاش راجل و انا كيفك ... عارف كلام اللى باش نقولهولك مكش باش تصدقو اما هذاكا إللى صار بعدك ما حطيتش ايدى على مرأة بعدك حرمت نساء و لا خزرت لوحدة رغم إللى كنت حاطط فى بالى لإنتى  خنتنى صدقنى مفماش نهار ما حطيتش راسي على مخدة و تخيلتك جنبى ...
-انتى عارف كلام هذا مش باش يبدل شي و لا باش يرجعنى و لا يرجع بنتك ....
-تعرف صحيح انا مشتهى نسمع كلمة papa من فمها شاهى نعنقها نبوسها نرقدها عندى اما مش باش يحلالى شي كان ما تكونش انتى موجودة معاها نحبكم ترجعولى اثنين تنورولى حياتى و داركم اثنين....
قدم نحيتها شويا وقف قدامها حط عينيه فى عينيها ...
توحشتك ...توحشتك ياسر ....تقريبا سنين لفاتو ما كنت نعمل فى شي كان نتوحش فيك ما عندى علاش نخبى و علاش باش نكذب توحشت ريحتك البنينة تذبيلت عينيك و غزرتهم حنينة تعنيقك دافئة حضنك حكاياتك ضحكتك تبسيمتك تنهيدتك...  تذكر قداش كنت نقلك حضنك وحيد إللى  يرتحنى و ينسينى تعبى و همومى 6 سنين و انا تاعب و محسيتش براحة ابدا خاطرك مكش موجودة شنيا دنيا بلاش تعنيقتك إللى تنسينى همى و غمى و حزنى و عثراتى تذكر كى كنت نهربلك و نتخبى فيك تذكر  نهار لطعنتنى حنين و عرفت انو انا مستحيل نجيب صغار جيتك ليك انتى طول بكيت فى حضنك انتى و انا دموعى فى العادة ما نوريها لحد اما قدامك مشاعرى عريانة ما نحشمش نغطيهم ارجعلى مرام و نعيش خديم تحت ساقيك انا اللحم و انتى سكين ارجعلى نشبع منك قبل ما نموت العمر قداش فيه و انا مش صغير ممكن غدوة نكون مش موجود بينتكم ارجعلى نملا جواجيا بريحتك و نعمر راسي بدوزة من حديثك و صوتك و ضحكتك ...نحب نملا عينيا بيك  تذكر كى تقلى سنين شيحتلى عينيا من دموع اما انتى سقيتهم بضحكتك انا توا عطشان لضحكتك و تبسيمتك و رضاك عليا ....تعبت من كلام سرقتلك برشا سنين من حياتك حكيت فيهم ياسر ياسر و ما عملت شي حتى الحب لوعدتك بيه طلع مش قوى قد حبك هذاكا علاش نتمنى ترجعلى تدخل فرشي نلصق بدنك نوشوشك و نقلك حقيقة لانا عشقتك و حبيتك  و قعدت 6 سنين نحب فيك و مازالت نحبك و باش نزيد نحبك و انا ملكك بكلى اعمل فيا لتحب ... قاعدة تسمع فى صوت قلبى ينبض بإسمك قاعدة تسمع القلب إللى ما حب غيرك عارف جرحك منى عميق شايف حقدك غشك نقمك كرهك... غزرة اللى عارف انها باش تقتلنى و عادى كان قتلتنى حتى و انا نشهد على روحى مش باش ننطق غير اسمك ... تعرف مرات نكره قلبى على حبو ليك سنين لفاتت كان نلقى نجبدو بإيديا و نقلو طلعها منك راو ماهيش ملكك ماتحبكش يجاوبنى انو هو راضي و محظوظ بس انو شاف عينيك .... و انا ليا شرف انو ننطق اسمك كهو رجعنى لحياتك مرام و خلينى ناديك كل يوم حتى ينشف ريقى ....
-كملت كلامك إللى كلو تمثيل إللى سمعتنى من 6 سنين ما اقوى منو و فى اخر رميتنى في الشارع يعنى مانيش فاهمة شنيا متوقع نرجعلك و نصرف عادى ...
-حاول حاول على خاطر ملائكة مش على خاطرى مرام انتى عارفة بينك و بين روحك نجم نهز بنتى و نمشي و انتى ما تتكلم حتى كلمة خاطر تقارير لفى تليفونى دخلك للحبس اما انا مش حابب طفلة وحدها حابب بنتى و امها خاطر عارف قداش تحب امها و مبروك مرام نجحت فى انو خليت روح تحبك انتى كهو كيما كنت تتمنى حياتك لكل نهارت إللى طلعتها تأكل تقول ياريت امى كانت معانا تلبس تقول ياريت امى تشوفنى بعدت عليك 3 سوايع ما قعدت تحكى كان بيك صعيب باش ندخل لحياتها وحدى اما كان تكون انتى معايا و تعاونى ممكن ياسر تحبنى ...
-فهد اطلع من دارى و من حياتى
-اممم يعنى انتى معندة باهى باهى ... مالا و رأسك انا مانيش طالع من هونى باش نرقد هونى و إللى فى رأسك اعملو ....
نحا جاكيت تاعو و تمد على كانبى حط ايدو تحت رأسو اخر حاجة شافتها دمعتو هابطا قبل ما يغمض عينيه و يرقد ...
قام الصباح تلفت وراه يلقاهم راقدين معنقين بعضهم تمنا كان يتحشا فيهم و يعنقهم زوز اما حاليا مش منجم الا ما مرام ترضا عليه مشا لسوبر ماركت شراء ليلزم لكل لفطور صباح تعدا لpastry جاب كروسون خبز و رجع لدار مازال كى دخل جات عينيه فى عينين ليليان لحظة إللى عمرها لكل تحلم بيها يدخل عليهم حد فى ايدو برشا حاجات .... عينيها طلعت قلوب من فرحة😍 مشات طول تجريلو عنقتو ما صدقش انها بين يديه هزها لفوق قعد يبوس فيها و يعنق مستغل فرصة مرام راقدة مخلاش بلاصة ما بسهاش منها ...
-عمى ليا أنا حاجات هذوما ؟؟؟
-عمى ؟؟؟ اى اى ليك انتى حاجات هذوما لكل
مشات تتكعبر تجرى تجرى ....
-امى امى قوم عمى جابنا برشا ماكلة
حكت مرام عينيها ...
-شكون عمى !!!
هزت رأسها تلقاه يحط فى اصحنة و طفلة وراه تعاون فيه ...
قامت غسلت وجها عملت قهوة بالحاجات الموجودة عندها فى بيت و لا قربت على حاجات لجابهم قعد مع بنتو يفطرو و يحكيو ....
-ماما خوذ كروسونة بنينة
خزرتلها و رجعت دورت وجها
-ليليان قوم عيش بنتى معادش بكرى باش تمشي لروضة
حضرت بنتها قعد يخزر لطفلة وين ما مشات يتبع فيها بعينيه
-ميسالش نهزها انا
-لا مهدى باش يجى يهزها
جبد مرام من مرفقها
-شكون مهدى ! مهدى شكون لباش نأمن على بنتى معاه منين يقربنا...
-سيبلى ايدى سيب
نطرت يديها منو ...
-اخر مرة نسمحلك تحط ايدك عليا ...
-سامحنى.. سامحنى ...
جات طفلة طالعا ....
-عطيتها مصروف؟
-مصروف شنيا لطفلة عمرها 5 سنين
جبد من جيبو فلوس عطاهملها فرحت كى شافتهم 😍 خزرت لامها متغششة😡 رجعتلو فلوس😞 ... باست امها و قربت منو بدون ما طلب و لا قلها حد عملت روحها تبوس فيه و همست فى وذنيه ...
-خبيهملى فلوس كى روح اعطيهملى بسرقة على ماما...
-باهى باهى ههه
هى طلعت و هو وقف فى شباك يخزرلها ايديها فى ايدين مهدى يقراو فى أذكار الصباح دمعتو هبطت وحدها...
-هكا مرام هكا بنتى ايديها فى يدين راجل غريب و انا حى ...
قعدت تحضر فى روحها ماشية لخدمة و لا تلفتتلو و لا قالت حتى كلمة ....
__________________________________________