الرجل المجهول

#27

-الف مبروك طلاق ههههه
-وليت كاريير توا فى طلاق
-يزى يا راجل متأكدة انو ثالثة جاية على قريب
-لا كهو نفرحو بيك انتى توا ...
-لطف عليا كان نعرس
-امممم ما تقولش خويا مش فايق بيا عينيك هكا 👀 على ايمن
-هو يخزرلى مش انا
-اى حتى انا هذاكا شنيا قلت 😝 ....على عموم كنزة كان بينك حاجة انتى و ايمن خليها اوفيسيال العمر يجرى مكمش صغار و لا ظروفكم المادية خايبة ايمن نعرفو عندى سنين طفل نظيف و عندو بعد نظر يعرف يختار ياما كان ينصح فيا باش ما نسلمش فى مرام ...
-و يحترمك ياسر لدرجة خايف يجبد موضوع ارتباطنا
-نعرف نعرف قلو يكلمنى و ان شاء الله ما يصير كان الخير ....
-و انتى فهد شنيا ناوى تعمل مع مرام
-ما نعرش ما نحبش نظلمها معايا ما نحبش نحرمها من كلمة امى خاصة انو هى تحب صغار ياسر و حلمها لكل تجيب بيبى ...
-حاسب رأيك كان تقلها حقيقة باش ترفضك(حطت يديها على يديه) شوف شوف اسمعنى هى صحيح تحب صغار ياسر اما تحبك انتى اكثر انتى عندها بدنيا شوف انتى كسبت فيها ثواب وقت صلحتها و بعدتها على شرب و دروڨ كمل جميلك لاخر و عرسو
-صدقنى لا نجم نظلمها معايا مش باش نستحمل وجيعتها و هى باش تشوفك انتى و صاحباتها عندكم صغار و هى لا ...
-فهد انتى خويا و هى اختى و انا نحب مصلحتكم و عارفة إللى زوز تحبو بعضكم و عمرى ما شفت زوز يعشقو بعضهم كيفكم علاش تعذب فى روحك و تعذب فيها شنوا رأيك كان ... كان تكمل تخبى على مرام موضوع و تعرسو ...
-لا لا مستحيل كان تعرف بعد شنوا باش يصير فيها!!! تكرهنى لأبد باش تشوفنى انو انا حبيت روحى و حرمتها من احساس الأمومة
-فهد فكر فى كلامى فكر .....
_____________________________________________

تعدا على طلاق فهد شهرين يكلم مرام مرة فى جمعة يطلعو يتعاشو اغلب لقائتهم تكون جماعية مع كنزة و ايمن أحاديثهم عادية و لا يجبدلها على علاقتهم و لا رجوع و لا شي ، كل ما تحاول تسأل كنزة على سبب تصاروفاتو جافة تقلها أي كلام متعارك مع دارهم على خاطر طلق عندو خدمة سافر اى حاجة طمنها ... رغم إللى كانت حاسة فما حاجة غالطة ....
-كنزة علاش ما تلبسش روب هذى فى خطبتك
-لا هذيك تجيبلى شؤوم لبستها وقت ماشي فى بالى فهد جاء باش يخطبنى ههههههههههههههههه
تلفتت كنزة لفهد عطاتو 🙏 هاى فايف
تذكر حب من اول نظرة
-بلحق كيفاش حبيتنى عمرنا ما حكينا فيه موضوع
-احسن خاطر يقزز امان حبيت خويا 🤢 اما هو بصراحة خويا يتحب زين و ثقافة و فلوس و بدن و طول (خزرت لمرام لمش مركزة معاهم جملا قاعدة تحدد فى لبسة) هكا و الا لا مرام خويا يتحب و الا لا ....
طلعت مرام من بيت ما غير ما جاوب
-واه شبيها ؟؟؟؟
-متغششة عليا
-بلحق ! تعاركتو
-لا اما عندها حق أنا مقصر معاها برشا لا نكلمها لا نسأل عليها لا نخرجها حتى لو حكينا احاديثنا باردة ...
-و الله يا فهد تصعب فيها على روحك على شنيا ناوى باش تكمل حياتك وحدك و الا مستنى حتى يجى واحد يأخذها منك تعرف سلف صاحبتها سندة لبنانى باش يموت عليها عينو فيها و لاهى بيها و هى مطفيتو على خاطرك اما فى اخر اكيد باش تفد و توافق تطلع معاه
-سندة عرست ؟
-عرست و عندها بيبى
-اى فولا و انا نأخذ مرام نقصفلها عمرها فى جرت الحب و نحرمها من امومة قدام اصحابها ....
_____________________le jour de mariage______