"LAVENDER DIARY"[complete]

Lavender...

1990ခုနှစ်.....

"BELINDER"

ရွှေရောင်ဖောင်းကြွစာလုံးများဖြင့် လက်ရာမြောက်စွာထွင်းထုထားသော အမည်နာမ....။

Belinderရဲ့ အဓိပ္ပါယ်က အမေရိကန်လို"လှပတင့်တယ်ခြင်း"တဲ့...။

နှုတ်ခမ်းထောင့်စွန်းတစ်ဖက်ကို ခပ်ရေးရေးပြုံးမိလိုက်သည်။

Belinder...ဆိုသည့်အမည်နာမဖြင့် လိုက်ဖက်စွာတည်ရှိနေပါသော အိမ်တော်ကြီးဟာ ခမ်းနားထည်ဝါစွာ...။

ဧကပေါင်းများစွာ ကျယ်ဝန်းသည့် ခြံဝန်းကြီးထဲ၌ တည်ဆောက်ထားပါသော Belinder...

မိမိနှင့်အတူပါလာသည့်  ညီမငယ် Rubyက Belinder၏ အလှကြောင့် တဝိုးဝိုးတဝါးဝါး အသံတွေထွက်လို့..။

ခြံတံခါးမကြီးကနေ အိမ်တော်အထိရောက်သည်အထိလမ်းလျှောက်သွားမည်ဆိုပါက အတော်ပင်လှမ်းတာကြောင့် ခန့်မှန်းခြေ ဆယ်မိနစ်လောက်တော့ လျှောက်ရလိမ့်မည်ဖြစ်သည်။

အငှားယာဥ်ကို အိမ်ရှေ့ဆင်ဝင်အောက်အထိသာမောင်းလာခိုင်းခဲ့လိုက်တော့သည်။

မိမိတို့ရောက်ရှိမည်ကို ကြိုတင်ကာ ကြေးနန်းပို့ထားပြီး​ြဖစ်တာကြောင့် အိမ်ကြီးသခင်တို့မှာ ထွက်ကာ ခရီးဦးကြိုပြုကြသည်။

Belinder၏ အုပ်ချုပ်သူ...အဖိုးKIMနှင့် မြေးဦးဖြစ်သူ..Roselle Kim...

ဘေးနား၌ အိမ်တော်ထိန်းကြီးနှင့် အစေခံများစွာ နေရာယူထားကြသည်။

မိမိအဖိုးဆီမှ ကြားရသလောက်တော့ အဖိုးKim၌ မြေးနှစ်ယောက်ရှိသည်ဟူ၍....

ယခုမူ မြေးအကြီးဖြစ်ဟန်ရှိတဲ့ Roselleကို သာတွေ့ရလေသည်။

Roselleက မိမိထက် သုံးနှစ်ခန့်အသက်ကြီးပြီး မြေးအငယ်မှာမူ မိမိနှင့်အသက်အတူတူဟူ၍ ကြားသိရသည်။