Dear lavender

1.1K 134 6

by Rhythm-Jeon

by Rhythm-Jeon

ချစ်ရသူ အတွက် အသက်တမျှ မြတ်နိုးရသည့် Lavenderများအား စွန့်လွှတ်ခဲ့ပါသည်။

ဤလူသာအား ဘာနှင့်မျှနှိုင်းယှဥ်၍မရအောင် သိပ်ချစ်တာမို့။

မိုးစက်မိုးပြောက်တို့ကအပြင်မှာတဖွဲဖွဲ...

ခြံတံခါးဝနားရောက်တော့...

"ယောင်းငယ်!...."

အပြေးလိုက်လာပါသောမမက ဖိနပ်တောင်မပါပါချေ။

"တောင်းပန်ပါတယ် မမက ဘာမှမလုပ်ပေးနိုင်လို့!..."

"မဟုတ်တာပဲ မမရယ်...ကျွန်တော့်လမ်းကိုကျွန်တော်ကိုယ်တိုင်ရွေးချယ်ခဲ့တာပဲလေ..."

မျက်ရည်စများဝေ့သီနေသော မမက

"ရော့....ခုလောလောဆယ်အသုံးလိုမယ်ထင်လို့!..."

မမက လက်ထဲမှာ ကျစ်ကျစ်ဆုပ်ထားသည့် ပိုက်ဆံအချိူ့ကိုပေးလာသည်။

တကယ်က အဝတ်တထည် ကိုယ်တစ်ခုနဲ့ဆင်းလာတာကြောင့် ဘယ်သွားပြီး ဘာလုပ်ရမှန်းလည်းမသိပါချေ။

မမကို တင်းကျပ်စွာပွေ့ဖက်လိုက်ပြီး နှုတ်ဆက်မိသည်။

ငယ်စဥ်ကတည်းက မမက အမေလိုတစ်မျိုး အမလိုတစ်မျိုးစောင့်ရှောက်လာခဲ့တာ။

"မမ ကျန်းမာရေးဂရုစိုက်နော်!...ကျွန်တော်သွားတော့မယ်...."

"အင်း...ယောင်းငယ်လည်းဂရုစိုက်!...ပြီးတော့ Jungkook shii!...ကျွန်မတို့ယောင်းငယ်လေးကို ရှင့်လက်ထဲမှာ စိတ်ချပါရစေ..."

"စိတ်ချပါ...Roselle...ကျွန်တော်ရဲ့ Lavenderလေးကို မျက်နှာတစ်ချက်မညှိုးစေရပါဘူး...."

ထိုကတိကိုတော့ Lavenderလေး၏ လက်ဖဝါးလေးကို နူးညံ့စွာဆူပ်ကိုင်ရင်းမှ ကတိပေးမိသည်။

ကိုကို့အတွက် မင်းစွန်လွှတ်ခဲ့ရတာတွေထက် ကိုယ်က ပိုသာအောင်ထားပေးမှာပါ ကိုယ့်Lavenderငယ်....။

တရွေ့ရွေ့ဝေးကွာသွားပြီဖြစ်သော ကျောပြင်နှစ်ခု။

သူမြတ်န်ိုးတဲ့အရာတွေကို စွန့်လွှတ်ရတဲ့အထိ ဤကလေးငယ်က ချစ်တတ်နေခဲ့ပါပေါ့လား။

မိုးကတဖွဲဖွဲကျနေသည်။

နှစ်ယောက်သားထီးကလည်းမပါ။