معشوقي أنت

البارت الأول - حياتي

-

خلصوا صلاة الفجر في المسجد و طلع قبل الجميع فتح السيارة و طلع

كيس الخبزز الكبير اللي ضلت أمه ساهرة تعجن و تخبز فيه ..

جلس بعيد شوي عن بوابة المسجد و طلعوا الناس و بدوا يشترون منه

و كلن يعطيه كلمة أو نصيحة أترك بيع الخبز الصباح و توصيل طلبات

الأكل باقي اليوم و كمل دراستك أخوك مو زايد عليك بشي ، كان يعطيهم

ابتسامة و تليها كلمات الله كريم ..

وصل البيت ع الساعة ٥ ونص جلس بكسل عند الباب يستجمع شوي طاقة

ما فيه اي شي بحياته ماشي صح إلا أمه ..

لا أبوه لا أخوه و لا خواته و لا أمهم .. المصبر أمه تعيش مع أبوه لليوم

هو .. أبوه هدد أمه أنه يتبرأ منه إذا اتركته ، مو من زين ابوي ع شان أتمسك

فيه بس تضل بعايلة تلمك و لا تصير في بلدك مجرد مقيم ، أمي وش شافت في

ابوي في ماضيها ع شان تتمسك فيه و تتزوجه و تترك أهلها و بلدها و حياتها كلها

ع شانه ، و الأطين أنه متزوج و صارت ثانيه على زوجته السعودية ، بس أمي

أتخذت قرار ما تمس قرش واحد من فلوس ابوي اللي ما تدري من وين يجيبها

لذا بدت تطبخ بمبلغ معين للجيران لين توسعت شوي ، تآخذ من الفلوس اللي يسد

جوعها و جوعي و لبس لنا بس ، و الباقي يآخذه المحترم أبوي ..

يمكن من كلامي باين اني كئيب و ضعيف و مالي كلمة ، صراحة ايه لا أتهاوش

و لا أرد على أحد حتى الدراسة عفتها من سنة ، البلا الكبير أن اخوي من أبوي

كبري بالضبط أو بالأحرى بيننا فارق أسبوع ، هو أكبر .. معتبر هالأسبوع عشر سنين

لذا أنا خادمه المطيع و المتستر على مصايبه اللي ثلاثة أرباعها تطيح عليّ ..

عندي أختين أكبر مني و ٤ أصغر و كلهم من أبوي ، و الجميع بلا أستثناء يكرهونني

عادي الحياه مشت أصلا بالنسبة لي .. المفروض أخلص الثانوية هالسنة بس

خلاص الدراسه لا تدخل فلوس ووجع راس ع الفاضي ..

-

جا صوتها النشاز ع شان يكسر صمته : شفيه الكلب جالس ع الباب ؟

مشاري و هو يفتح عيونه لاعة كبده الكلب تعود ع هاللقب في هالبيت : شتبين ؟

خولة ( زوجة أبوه ) : أمك للحين نايمة ؟ اليوم يومها تسوي الفطور نجوع يعني ؟

مشاري وقف بكسل إذا هو منهد حيله أمه شلون : بسويه أنا ..

خولة بسخرية : أنت و إلا الهانم أمك ما يهمني بناتي وولدي أهم شي يآكلون