-
أشتقت لك وأنت قريب أقرب من حتى النفس ...
-
قلبه ما أوجعه و ما قاومه شي في داخله فاض وأنفجر ، تمسك
بوشاح رعد هذا اللي قدر يتشبث فيه ورعد يحاوط راسه بيدينه
الكبار ، مو عارف حتى يفتح عيونه لأن رعد كان يطالع فيه
يحس برجفته بين يدينه و مر الزمن بينهم ببطء الدقيقة كانت بالنسبة
لهم عشر ..
بعد رعد فمه عن مشاري إللي أحمرت أذنه وأنفه وللحين ما تفصل
بينهم مسافة ظفر ..
رعد بعد ما نزل يده من أذن مشاري وجهها ليد مشاري ومسكها بقوة ..
رعد : تبين لي غيرتك كذا .. تبي توقف قلبي ..
مشاري انحرج من تصرفه ، بس مع ذلك كان يبيه له اهتمامه ما يصير إلا
له ..
مشاري : ل...ليش لما طالعت فيك ما ابتسمت لي ؟
رعد بجواب سريع : لأن سلطان كان واقف وراك ..
مشاري عقد حواجبه : وإذا ؟
رعد : حلال عليك تفطر مع غيري و حرام عليّ اتغدا مع غيرك ؟؟
مشاري : سلطان غير ..
رعد وقف بنفس درجة مشاري بس قباله شوي ويطيح مشاري لو فلت يده
رعد ..
رعد بحدة : وش اللي غير ؟
مشاري : س..سلطان ما راح احبه ...
رعد : يعني ميثاء اللي بحبها ؟؟
مشاري كان ماسك بقوة يد رعد خايف يطيح لورى : بس قالوا علاقتكم
غير ..
رعد : ايه غير واعاملها غير لأنها قالت لي من البدايه عندي حبيب لا تفكر
انك تحبني او تتملقني ع شان اتزوجك ..
مشاري رفع راسه : قالت لك كذااا !!
رعد : ايه انا عندي حبيب وهي عندها حبيب لذا ما يهمني وش يقولون
الناس ..
مشاري دق قلبه من طاري عندي حبيب و ما تكلم ..
رعد ابتسم وفلت يد مشاري اللي تمسك بقميص رعد ..
مشاري بعصبية عفوية : بطيح ..
رعد : هههههه حد قالك اسكت ، ليش سكت ؟؟
مشاري وهو متمسك بقوة برعد : انزل ..
رعد : ماني نازل ، عاجبني تعلقك فيني ..
مشاري انحرج اكثر وغمض عيونه : رعد ..
رعد نزل درجه : آمرررني ..
مشاري وهو يطالع في رعد : مدري شفيني ..
رعد ابتسم وهو ماسك يدين مشاري : شفيك ؟
مشاري : صرت ...ما أبيك إلا...
رعد وقلبه بدق بقوة : إلا ...
مشاري نزل راسه : لي ...
رعد : شنو ؟
مشاري : إللي سمعته ..
رعد : يعني .. شنو افهم من هالكلام ؟
مشاري : أقول لك مدري ..
رعد رفع يده ولمس وجه مشاري : تحبني ؟
مشاري أرتفعت حرارة جسمه وقلبه يدق : ش..شنو ..
رعد : اسألك أنا تحبني ؟
مشاري : م..مدري ..
رعد : شنو مدري هذي ، قلبك يدق الحين أو لا ؟؟
مشاري : يدق ..
رعد : أحبك ..
مشاري أنتفض وضل يتأمل في رعد معقولة ....أحبه !
قطع صمتهم أصوات ناس صاعده ع الدرج تحرك رعد وفتح الباب
وسحب مشاري معاه ..
ضل ماسكه بيده لين دخله مكتبه ..
مشاري غطى يده بوجهه : أنا مدري ... بس ..
رعد وهو يطالع في مشاري : أرتاح لما اسمعك واغار لما توقف
أحد جنبك غيري إذا ما صرت أن جل اهتماك راح أختنق مشاعر
بداخلي تقول لي قلبك ما يدق إلا له صح ؟
مشاري بعد يده عن عيونه : كذا تفكيري ..
رعد : وللحين ما تعرف ؟
مشاري جاه ألم فظيع براسه خلاه يمسكه ويهوي ع الأرض ..
