-
علاء سكر و طلع سالم من الحمام ..
سالم وهو متمسك فيه : شوي .. شوي وبيروح الألم خلني هنا ..
علاء بحدة : وش أخليك هنا شايف شكلك .. سالم أنت فيك شي ؟
سالم بعد عن علاء : العرض .. لازم ألحق علييه ..
علاء : بستين داهية العرض لا تجنني أهم شي أنت ..
وصل الدكتور مع اثنين بكرسي متحرك ..
علاء مسك سالم : أجلس ..
سالم بعصبيه و هو يلهث من التعب : قلت لك ما فيني شي كذا
يجي ويروح ..
دخل بعد ثواني الحمام وشاف اشكالهم ..
مشاري وهو يقرب من سالم : قال لي سعيد انهم حطوه قبلك ،
ليش تأخرت فيك شي ؟
سالم قرب من مشاري : القرحة و أنت أعلم وش تسوي جاتني نوبه
كذا و الحين أخف .. قل لهم ..
مشاري دق قلبه اكيد صار له شي ، طالع في علاء وهو يمسك
بسالم ..
مشاري : ايه هو معدته لاعب فيها القولون لذا لما يتوتر يهيج فيه ..
الدكتور : بس لا تتعب نفسك تعال العيادة نشيك عليك ..
سالم هز راسه بالنفي : مو الحين لما أخلص عرض بروح المستشفى ..
الدكتور استسلم و طلع ..
علاء : متأكد انه قولون ؟ سالم ..
سالم نزل راسه : ايه ..
-
في القاعة بعد ما خلص سعيد عرضه ، ضلوا ينتظرون سالم ،
وقف رعد قدامهم وبدا يلهيهم و يشرح و يدخل أشياء ببعضها ع شان
يعطي سالم فرصة يجي ، سلطان اتصل على مشاري ..
سلطان : تدري وين سالم ؟
مشاري في مكتب علاء مع سالم اللي قاعد يضبط شكله و قدامه
كأس بابونج عطاه اياه علاء ع شان يريح ..
مشاري : شويات ويجي ، تقدر تأخرهم شوي ؟
سلطان : رعد قاعد يلهيهم ..
مشاري ابتسم : ثواني و بيجي مشكورين ..
سكر مشاري وراح لسالم اللي هدت نوبته ، مسك يده ..
مشاري : لا تتوتر كل شي بيصير تمام ..
سالم ابتسم له : الله كريم ..
دخل علاء من جديد وبيده بدله جديدة من أزياء الشركة ..
علاء : خذ البس هذي بدلتك للحين مبلله من الماي القاعه كلها
مكيفات راح تمرض اكثر ..
سالم انحرج و اخذها و طلع يبدل دقيقه و راح للقاعه ..
دخل و ابتسموا له رعد و سلطان و بدا يشرح عرضه ، كل ما وقف
من التوتر كمل عنه سلطان بشكل عادي و إذا سألوه شي ما يعرفه
جاوب رعد عفوياً ع شان ما يشكون ، ارتاح سالم لأن فيه احد
قاعد يدعمه و خلص للنهاية ، لاقى اطراء كبير و خاصة من الأخوين
اللي رفعوه فوق ..
رعد أخذ سالم على جنب : اسمعني ..
سالم : نعم ..
رعد : خلاص مكانك محجوز لين نهاية فترة التدريب لذا أخذ لك فترة راحة
شهرين او ثلاثة شهور لقدام و راتبك لك ..
سالم انصدم : جد !
رعد وهو يحرك شعر سالم : ايه كنت فوق الرائع اليوم .
مشى سالم من رعد وطلع بعدها ركض لقسمهم اللي كان مشاري
ينتظره ع الباب وضمه بقوة ..
مشاري و هو يضحك : هههههه واضحة النتيجة من شكلك ..
سالم بعد شوي : ايه تصدق لقيت مدح سنة لقدام ..
مشاري فرح : حلو وش قالوا لك ..
سالم قال له وش قال له رعد و فرح لأخوه اللي التعب اكل جسمه و ذبل
بوجهه ..
مشى مشاري للكفتيريا يشتري اكل لسالم ما يصلح يضل على جوع ..
وسحبه من يده ..
مشاري : سلطان ..
سلطان ابتسم له : وينك عن جوالك اتصل ما ترد ..
مشاري انحرج من مسكت سلطان له حاىل يبعد يده بس سلطان تمسك فيه ..
مشاري : يمكن نسيته في المكتب صامت ما حسيت فيه ..
سلطان : أخوك قدم شي جميل لذا استحق المدح ..
مشاري : جد مشكور اسعدتني لما دعمته ..
سلطان : طيب ما استاهل شي على كذا ؟
مشاري ميل شوي راسه : وش تبي ؟ اييه تستاهل ..
سلطان دق قلبه وشد على يد مشاري : شرايك اعزمك ع العشاء ..
مشاري انحرج : أن.. أنا المفروض اعزمك مو انت ..
سلطان : هذي مكافأتي منك و انا احددها ..
مشاري حس بسخونة يده بين يد سلطان : ط..طيب ..
سلطان ضل ماسك يد مشاري اللي كان يشتت عينه عن تلتقي
في عين سلطان .. قلبه بدى يدق و من يدق كذا يبتدي يوجعه بقوة
لذا بعد يده بشكل عنيف شوي عن سلطان ..
سلطان : شفيك ؟
مشاري وقلبه يزداد ألم : و لا شي ، بروح لسالم تأخرت عليه ..
مشى مشاري و هو حاط يده على قلبه وحس بكتمه تملي صدره ،
هذي حالته كل ما قام قلبه يدق تجيه غشاوة و ألم فضيع .
رجع المكتب وحط الأكل لسالم اللي شكره بإبتسامه ..
أخذ مشاري جواله بس شاف مكالمات من سلطان من دون رعد
جاته خيبة أمل .. تداركها بسرعه انه يفتح الواتساب بعد ما كلمه !
-
في البيت لما قال لهم ابو سالم عن ولده باركوا له جميع ..
أم سالم : ايه شتان بينهم شف ولدي وشحلاته شي يفرح والله عكس
غيره الحمدلله بس اقول ..
أم مشاري سفهتها و كلمت سالم : راح اطبخ لك الحلا اللي تبيه
قل لي .. واعتبره هديتي المتواضعه لك ..
فدوى : لا تتملقين اخوي ع شان ولدك بعدين عندنا يدين مو مكسرين
نطبخ له الناس تعطي شي عدل ..
سالم بحدة : انتي شكو تتلقفين ؟ خالتي أنا أبي كيكة جوز الهند ..
حل الصمت عليهم ... خااالتي !!
أم سالم : من وين طلعت خالتي هذي ؟ اقول سلوم حالك مو عاجبني هاليومين ..
سالم : أناديها باللي ابيه يمه هي بمثابة خالتي ..
أم سالم : لا هالأشكال مو كفو اقول بس ..
أم مشاري ماتبي تتعب سالم بالكلام لذا قامت من جنبهم ودخلت
المطبخ اللي كان فيه مشاري متربع ع الأرض ..
جلست جنبه : بتروح بكرة معاه المستشفى ؟
مشاري : صدق تذكرت .. يمه شرايك تروحين معانا ..
أم مشاري : شسوي أروح ؟
مشاري : قال لي سالم انهم ييون شخص كبير معاه ، أنا ما أنفع
و تدرين هو ما قال لأحد و ما أبي ادخل احد غريب بالسالفه ..
أم مشاري ابتسمت و قرصت خد مشاري : ما تدري قد ايش انا فرحانه
فيك انك ما طلعت حقود ..
مشاري مسك يد أمه : حتى لو بحقد عليه يمه لو شايفه حالته كيف
كان وهو يصيح في حضني او لما تجيه نوبته ، للحين أنا كاره نفسي
اني كنت اتمنى العذاب له ، شي يقهر ..
أم مشاري وهي تطبطب على يد ولدها : ربك الشافي أحنّا علينا الدعاء ..
-
سحب جواله و كلمه واتساب ..
سيد نقطة : آسف أنشغلت كثير اليوم ..
مشاري وهو توه منسدح سحب جواله ورد : مو مشكلة ..
رعد : وصي سالم على نفسه ..
مشاري : ايه بوصيه ، و جداً مشكور على اللي سويته له اليوم ..
رعد : سويت كل هذا ع شانك ..
مشاري انحرج : أممم .. أطلب اللي تبيه مني ..
رعد استغرب : شنو ؟
مشاري : ايه لأنك ساعدته ابي اشكرك بشي مادي ..
رعد : يكفي أنك سعيد و ما ابي شي ثاني ..
مشاري غمض عيونه ، شي في داخله يكبر لرعد بنفس الحجم
قاعد يزيد لسلطان وهذا اللي مخلي قلبه يهتز بقوة ..
رعد ما شاف رد منه : نمت ؟
مشاري : لا ، بكرة بنروح المستشفى انا وهو وامي ..
رعد : اوصيك على مستشفى تعاملنا دايم معاه ..
مشاري : فيه المستشفى اللي يتعامل فيه ..
رعد : لا مستشفى ثاني ، رئيس قسم الأطباء و بروفيسور
و مستشار أمراض السرطان مشهور جداً فيه بوصيه على سالم ..
مشاري قرا الكلام و فرح : جد !! شلون تعرفه ؟
رعد : تعرف علاء صديق سلطان .. اللي هو مساعده و المدير حقكم ؟
مشاري : ايه اعرفه ..
رعد : يطلع هالدكتور ابوه ..
مشاري : ما شاء الله ، بس لا تقول لعلاء عن سالم كذبنا عليه
وقلنا قولون ..
رعد : ايه مانيب قايل له ، بس برسل لك اسم المستشفى و بكلمه لكم
الصباح روحوا له ..
مشاري : مدري شلون اشكرك..
رعد : قلت لك هالأمور ما تحتاج شكر ..
ضلوا ساكتين في داخل كل واحد فيهم كومة كلام بس ما تنكتب ..
مشاري : تصبح على خير ..
رعد بإحباط : بتنام ؟
مشاري : ايه ..
رعد : تلاقي الخير ، بكرة بكلمك ..
مشاري ابتسم و حط جواله يشحن ونام ..
طلعوا الصباح و الكل نايمين مالهم خلق تحقيقهم ..
دخلوا بوابة المستشفى و سألوا عن الرئيس ..
في طريقهم للغرفة ..
سالم : ما تدري وش اسمه ؟
مشاري : لا ، بس انصحوني فيه ..
الممرض : تعال سالم نحتاج فحوص قبل ما تدخل ، لو سمحت
تقدر تجي معاه ..
مشاري : ايوه ..
الممرض : و أنتي لو سمحتي تقدري تدخلي قبلهم عند الدكتور
يشرح لك بعض الأمور ..
مشاري لأمه : إذا ما تبين تروحين انتظري ..
أم مشاري : إلا بروح ..
راحوا عنها وهي دخلت عنده و من طاحت عيونهم على بعض عرفوا بعض ..
جلال : أماني ؟
أماني ( أم مشاري ) : دكتور جلال .. !
جلال وقف لها وابتسم : ما تغيرتي .. تفضلي ..
جلست ع الكرسي وجلس ع الكرسي قبالها ..
جلال : شخبارك ؟ وشخبار أمك ؟
أماني حز بخاطرها وابتسمت بألم : تمام ..
جلال وهو يطالع في الأوراق : وش يقرب لك سالم ؟
أماني : ولدي ..
جلال رجع يطالع في الورق : مو أمه أنتي ؟
أماني : بحسبة ولدي ، هو ولد زوجي ..
جلال : اهاا .. تزوجتي سعودي ؟
أماني : ايه ..
جلال شابك بأصابعه : ما تركتي اي وسيلة اتصال بعد
ما طلعتوا من المستشفى ، توقعتك رجعتي لبنان ..
أماني : ايه رجعنا ..
جلال حس بوجها انها ماتبي تتكلم عن شي لذا قام
يكلمها عن السرطان بشكل عام و المعدة بشكل خاص
لين دخلوا عليه ..
أماني : هذا ولدي مشاري ، أخو سالم ..
جلال ابتسم لهم : مستعدين للحرب ؟
مشاري : اييه ..
سالم بشوية حزن : ايه ..
جلال مسك يدين سالم : وش هالإجابه المحبطة ..
سالم استحى : ايييه ..
جلال بعد يده : ههههههه توك في البدايه صدق بس
هذا عدو قوي شوي ، راح تتعب و تزهق و تتألم و تصيبك
حالات كآبة ادري بس تذكر بعد هالحرب المنتصر الوحيد
هو أنت ..
سالم : الله كريم ..
ضل يناقشهم اكثر و عطاهم خطة علاجيه يمشون عليها
و طلعوا منه ..
-
دخل البيت وشم ريحة الأكل ماليه المكان ابتسم وراح المطبخ ..
جلال : احب ايام الويكند يطلع الشيف اللي داخلك هههههه
علاء وهو يطبخ : هذا يا جلولي مديح ؟
جلال وهو يجلس ع الطاولة سحب موزه يآكلها : جلولي ، جلالي ،
جلجل ، وين يبه أبوي اشوفك كنسلتها هههههه
علاء وهو يرفع الأكل من النار : هههههه تعودت خلاص ..
جلال : تصدق مين شفت اليوم ..
علاء وهو يجلس جنبه : مين ؟
جلال : مع ان قلبي تحطم بس هم اني شفتها ردة لي الروح ..
علاء بحماس : مين ؟
جلال : تذكر اللي قلت لك عنها ، اللبنانيه اللي حبيتها وبعدين
اكتشف انها طلعت من المستشفى هي وامها ورجعوا و ما عرفت اوصل لها ..
علاء : واااه هذي اللي قلت بعد سنة وانت تدور ويأست تزوجت امي ؟
جلال : ايه ، امك الله يرحمها اغنتني اني افكر فيها ، بس شفتها اليوم ..
علاء : ليش تحطم قلبك ؟
جلال : تزوجت و عندها ولد هذا إذا مو أكثر ..
علاء بإحباط : اهاا ، شتسوي هنا ؟
جلال : تزوجت سعودي وشكلها بعد الثانيه ..
علاء : الله يعين ، رفرف قلبك ع الفاضي ..
جلال سند راسه ع الطاولة : ايه بس شعور جميل ..
علاء وهو يحرك شعر ابوه : ايه ان قلبك يرفرف شعور جميل ..
جلال طالع فيه بنظرة : ليش قلبك يرفرف الحين ؟
علاء وقف : جوعاااان بجهز الأكل غير ملابسك ..
جلال : ضيع السالفه مصيرك بتعترف ..
علاء ابتسم وهو معطي ابوه ظهره ..
-
كان معاه في السيارة وصل لبوابة القصر و دخل ..
مشاري : وووين هذا ؟
سلطان : هنا بعشيك ..
مشاري : بيتك ؟
سلطان : أنزل يلا ..
مشاري لااا ما قلت لرعد ، لحظة ليش ما أبيه يدري اني
اني وشو ؟ علاقتي عاديه مع سلطان ، اف ان شاء الله ما
نتقابل ..
دخل مشاري للصالة اللي كانت على كبرها برودها يقتل ..
سلطان : ابوي مآخذ امي يومين ع اليخت لذا محد فيهم موجود..
مشاري وعيونه ع المكان مرررة كبير ووسيع و الأثاث لحاله يجيب السعادة ..
سلطان : تعال ارويك غرفتي ..
مشاري انحرج بس مابين عليه ومشى معاه وسلطان يهذر عليه ..
رن جوال سلطان ورد ..
سلطان لمشاري : ما فيه حد يطبخ امي معطيتهم إجازه دامها مو هنا
لذا المطعم وصل ، غرفتي الثانيه ع اليسار انتظرني هناك..
نزل سلطان بسرعه اما مشاري كان يتمشى ببطء في الممر
اللي فيه ابواب قبل ما يوصل لغرفة سلطان طاحت عينه
على باب الغرفة ،كانت كل ابواب الغرف بنيه إلا هي سوداء
اجتاحه فضول و فتح الباب كانت غرفة كبيره و الأنوار كلها
مشتغله ، غرفة رعد دخلها والفضول لاعب فيه عينه كانت
ع السرير اللي مليان علب حبوب ، عقد حواجبه بس سمع
فتحت باب الحمام ، كان بيطلع بس ثبت مكانه ، طلع
رعد من الحمام و الفوطة لافه خصره بس و طاحت عيونهم
على بعض ... مشاري أنتفض لما شاف صدر رعد .......
انتهى البارت 🙊♥️
