كعدت على صوت ماما مثل كل مره
_راح تكومين لو اصيح ابوج
_فزيت من مكاني لاماما الله يخليچ هيان كمت غسلت رفعت شعري ونزلت جوا صباح الخير
_صباح النور اكلي بسرعه
_اكو شي
_جم مره اكول لاتتسالين
_سكتت وكملت اكلي
_كومي سويلي جاي
_حاضر بابا سويت الجاي ووديته اله ردت اطلع ناداني
_ايمت تبدي جامعتج
_الاسبوع الجاي
_راح تداومين بس اياج احد يسمع احرمج حتى من النفس
_الفرحه الي نغمرت بداخلي مو طبيعية أي والله ماحجي الله يخليك الي
_راح اجيبلج غراض تروحين وترجعين ماتحجين ويا اي كائن ذكر افتهمتي
_حاضر طلعت الغرفتي بديت اكمز من الفرحه اووو عذروني نسيت اعرفكم على نفسي اني قمر عمري 18 تخرجت من السادس بمعدل 97.5 جنت فاقده امل انو اداوم جامعه ساكنه ببغداد أصول بابا من الانبار تعرف على ماما عن طريق الجامعه وتزوجو مادري شلون اوصف عائلتي هل ظلام لو قاسين لو حنان بس عائلتي تعيش بتناقض بابا انسان عصبي لدرجه يعني تعودت على ضربه الي حتى بدون سبب محرومه من أبسط الاشياء الي مو محرمه أو شي لا حتى ماما دائما تكلي انصدمت من ابوج ماجان هيج عندي ثلاث اخوان واني البنت الوحيده اخواني كلهم نفس بابا بس شوي اقل وحنيتهم اكثر من بابا بهواي اخوي الأكبر عمار عمره 26 متزوج وطالع ببيت وحده وحسام عمره24 أيضا متزوج وطالع بس حسام بالخارج مو هنا واخر اخ حسين عمره 22 مو متزوج اني ويا علاقتنه حلوه بس هم هو متناقض أوقات زين أوقات شرس ومكروه أما اني فاني الصغيره المفروض أكون مدلله بس ابدا اني مو هيج اني كلشي يصير ينحط براسي رغم اني ابد مااعلي صوتي عليهم أو اضوج منهم لا بس تعاملهم معاي سيء بحيث الطلعه بالتوسل أبوي (قيس) مدير شركة جبيره ومشهورة يعني الحمدلله حالتنا زينه وماما(رسل) ربه بيت رغم أنها خريجه بس بابا ميحب تشتغل اني انسانه بارده وكله بسبب اهلي تعودت على الحجي الي يقهر تعودت انو شكو شخص احبه يغدرني أو يتركني تعودت ع الخيانه حتى الضرب والعنف تعودت عليهم صرت بارده لدرجه مو طبيعية بس لحد يدوس لي على طرف هنا لا اكيد يتغير الموضوع مرحه بس الحياة جانت ضد مرحي وعدمته بداخلي مادري شلون اوصف شكلي بس اني اكره شكلي وكله أيضا بسبب اهلي اني شعري اسوددد كلش طويل هواي لان حتى اقص شعري محرومه منه عيوني ملونه على ماما وبابا يكول على جدتي الي ماشفتها ابدا ومادري ليش عندي غمازه بخدي الأيسر الاحظها لمن اعض شفتي من القهر مو من اضحك باقي ملامح وجهي عاديه
نرجع للواقع سمعت ماما تناديني نزلت
رسل:تعالي سوي زلطه وشبيج تتمضحكين
قمر:ماما بهل أثناء دخل حسين
حسين:السلام عليكم
قمر:وعليكم السلام ذب علاكه بيها طماطه وطلع لغرفته سويت الزلطه وماما جهزت الغده وكعدنا نتغدى
حسين:يابه تدري اليوم منو خبرني
قيس:منو
حسين:عمي ليث
قمر:بابا غص بالاكل كمت بسرعه جبتله مي وانطيته يا بقيت صافنه منو هذا ليث
قيس:شجابه عليك
حسين:مادري اني هم انصدمت جثير بس راد رقمك
قيس:انطيته؟
حسين:اي اصر حيل كال اصلا عندي يا بس اتاكد
قيس:خل انتظره يخبر اشوف شيريد
قمر:اني مثل الاطرش بالزفه منو هذا باوعت لماما هم مبين تعرف منو هذا ماردت اسال لان راح يخجلوني ومايكلولي منو كملنا غدا غسلت المواعين وطلعت لغرفتي تمددت وبقيت اشوف بالموبايل
