قمر: شفتهم كاعدين يضحكون بكل اريحيه ولاكانو هم الي تركوني اتعذب واعيش صراعات ويا نفسي واني طفله جنت طفله وجربت أنواع ضرب تطلع الروح اي نعم الي كدامي جانو خوالي بمجرد ماشفتهم امتلا قلبي حقد عليهم يضحكون وعايشين حياتهم واني الي تعذبت وهم عاشو حياه حلوه جان واحد منهم كاعد بالزاويه وعيونه مليانه دموع واني عيوني مليانه دموع وبس تريد احد ينطيها اشاره حتى تبدء تنزل تقدمت وحركتي ثقيله بس اريد اسالهم ليش عافوني هذا الشي الوحيد الي خلاني اريد اقابلهم بمجرد مافتت هدء الوضع سكت الكل والانظار كلها علي دموعي لحد الان مانزلت واحاول ماانزلها كلبي ينزف من جهة جديده وجهة أخبره ماضل لقلبي مكان حتى ينزف اكثر كعدت بكل هدوء حتى مادري يم منو ووين كعدت
الجد: وهاي بنيتنا قمر
قمر: هدوء تام بس عيونهم تتفحصني الا هل شخص الي كلت كاعد بالزاويه وكعت دمعته ومسحها بسرعه منو هذا وليش الوحيد المتعاطف عيوني تتفحص كل شخص بيهم تقدم هالشخص لزم ايدي ومركز بكل ملامحي واني بس ادحك علي ابتسم ودمعته نزلت بس هل مره ماخفاها حضني أو بالاصح كسر عضامي وهو يهمس ريام ريام هاي منو ريام وشنو جاي يكول
_ يالله شكد تشبهيها نسخه ريام بالضبط
قمر: مستغربه منو ريام كلتها بصوت بدوب يطلع حجى بصوت مخنوك ومكسور
_ اختي توأمي ... امج قمر امج
قمر: بهل لحظه ماكو شي يعبر عن المي الي حسيته احساس وشعور مااتمنى لااحد بعد كل هل سنين يلا عرفت اسم امي اني جنت محرومه من اسم امي انتو شايفين انسان مايعرف اسم أمه ولهنا ودموعي اطلقت سراحها مادري شلون لحد الان عندي دموع جان حاضني بقوه ويحاول يهديني احس برجفه ايده وكل الي اسمعه صوت دموع ابتعدت عن حضنه مسحت دموعي وهو مسح دموعه مشاعر تكسرني وتقطع قلبي أجزاء أجزاء صغيره وترجع تدوسها وتحرقها وتعيد بهل حركه لحد ماصار كلبي رماد بهل لحظه اني عاجزه حتى عن الكلام غريب الموضوع كل الاحرف ماتعبر عن الي بداخلي تمنيت بس اكدر احجي حتى اسالهم ليش عفتوني اصارع الحياة وحدي ليش حتى ماسالتو علي ليش ماحن كلبكم على بنت اختكم ماكلتو هي تعذبت ويا رجلها اكيد بنتها هم تعذبت
_ ادري عندج كوم اساله واسالتي اكثر ياقمر اخخخ صار سنين سنين طويله واني ادور ماخليت مكان ماخليت مدرسه ماخليت جامعه طلعت روحي واني ادور وبكل مره يكلولي ماموجوده اتحطم اكثر ريام ماعافتني كل أحلامي تجيني جانت بس تكلي بنتي بنتي وتروح مرات تكلي ياذوها تكرر هالكلمه وتمشي صرت ماانام بس حتى مااشوفها مالي وجه اقابلها واكللها مالكيت بنتج ريام توأمي اني وياها جينا بنفس اليوم وبنفس اللحظة بس هي عافنتي وراحت راحت قمر واخذت روحي وياها بعدها اختفى اثرج بيوم وليله لكينا ابوج ناقل حتى حسين انمحى عن وجه الأرض كل هالسنين اني طلعت روحي ادور انشل أملي انفطرت روحي واني بس اريد الكيج اريد اسال ريام وينها بنتج مااكدر كل الي اشوفها عباره عن ملاك ريامي جانت ملاك وجها الأبيض عيونها الزركه الي تطيح أكبر واحد راحت ماتت ماضل بحياتي ريام هي ماتت واني بقيت اني توامها المفروض اموت وياها بس بقيت بقيت وياريت لو ماباقي تعذبت كل أحلامي بيها تعالجت اني من ماتت تعالجت لهل درجه تاذيت جان أملي بس الكيج الكي اثر من ريام سنين واني ادور خسرت شغلي في سبيل الكيكم بس ماكو ماالكم اثر ابوج غلق اجهزته مرته ماكو اخوانج كلهم ماكو وانه ضليت مثل المجنون ادور عليج وممصدك خبر موتها كل مره اكول راح الكيها وياج هي .... بس اخخ مالكيتها ماكو راحت ريامي واختي وحيلي راحت واخذت روحي وياها بعدها عرفت ابوج مغير اسمائكم بس مع ذلك مالكم اثر ورى سنين ورى ماخسرت شغلي كدرت اوصل لعمج توسلت ضربت كسرت بس في سبيل ينطيني اثر للكم واكتشفت انو ابوج مقاطع اهله ومن هاليوم بديت ادور ويا عمج لكه عمج ابوج ومنعني اشوفكم نهائيا لحد مايصير الوقت المناسب واني احاول لحد مابيوم ماشي اروح على قبر ريام الي ازوره كل يوم رحت وبالطريق اخذني التفكير اتخيل شكلج شلون تشبهيها اصطدمت بسياره وقبل مااغمض عيوني شفتها كدامي تكلي لاتجي وياي وانت مامطمن بنتي والله ازعل عليك يا رامان غمضت ومع الأسف فتحتها جان كل أملي الحكها بس فتحت عيني هذا كله بعد غيبوبه انه صحيت قبل يومين واليوم انه يمج قمر كلي امل بيج سامحيني تاخرت قمر تاخرت بس والله واني احلف بالله مو بيدي دورت دورت لحد ما تعبت وماوكفت كملت ادورلج تعبت من كل النواحي لاتزوجت ولا عشت حياتي زين اني حتى النوم ماشايفه كل يوم من محافظه لي محافظه بي في سبيل الكيج سامحيني والنبي ماضل بيه أتحمل
