ذيب:مااتذكر شي من طفولتي بالبداية بس اتذكر من صار عمري 10سنين بديت اشوف ظلم كل الأشخاص بحياتي بالذات لاختي خوالي ابد ميحبون البنات ويعتبروها عار ومالها حق تعيش وبادنى مشكله تصير ينطوهم فصليات أو هدايا يعني يشوفون المره مجرد شي للخدمه والعلاقه الزوجيه وللانجاب رغم انو المره مو نصف المجتمع إنما كله جثير امهات تعبت وربت وسهرت وضحت وجثير خوات سهرن لاجل اخوانهن وكامن من عز نومهن حتى يبدلن أو يطعمن اخوانهن وغير اعمال تسويها المره من تحسس الرجل بشعور الابوه أو شعور الحب شكو شعور حلو يعيشه الرجل غالبا ما يكون بسبب مره امي ماجانت تختلف هلكد عن خوالي بالتفكير من جت ريتال وأول وحده بنت كلبو الدنيا حتى رادو ينزلوها بس أبوي رفض وصارت مشكله جبيره هذا كله حجي امي طبعا أبوي ماخله امي تشوف اهلها كل فتره حملها بريتال ومن جت ريتال أبوي رباها وامي ماجانت تريدها لان كل تفكيرها من وراها تفرقت هي واخوانها اجيت اني وكبرت واشوف اختي هي المهتمه بيه وامي بس ملتهيه ترضي اخوانها المرضى وكل يوم اسمع صوت ريتال وهي نايمه وتبجي وإجا سراج وهم هيه ربته ورغم هذا امي ماغزر بيها وبقت تشوف ريتال عار وسبب تفرقتها مع اخوانها كبرت وصارت مشاكل امي وابوي تكثر بديت اقسى واحقد على خوالي اكثر جان خالي يجي علينا وتكبر المشاكل وتوصل للضرب ويجي خالي ياخذني من المدرسة ويضربني بقسوه ومن اتاخر أبوي يجي على خالي وخالي ينكر انو هو ياخذني واثار الضرب أيضا ينكر انو هو المسويها لحد مايوم عرف أبوي وضرب خالي ضرب وصارت مشكله جبيره بينهم لدرجه شكد ماابوي قسه بالضرب على خالي دخل عنايه مشدده وجانت امي تلومني كل يوم لحد مايوم امي جانت تعبانه جنت كاعد يمها واحاول اسوي إي شي لحد مايجي أبوي رغم اذاها الي وقبل لاتفقد جانت تكرر هالكلمه
^كله من وراك اسر كله من وراك اسر اكرهك أسر^
وفقدت علما وصل ابوي اني احوس بالبيت واصيح كل هذا وعمري 11 أجا أبوي واني فقدت من العصبيه ليش تكرهني اني شعليه من عرفت انو حتى امي تكرهني قسى كلبي وصرت مااحب كل احد غير اخواني حتى من جت ماسالت عليها ومنعت اي شخص يناديني باسمي حتى كامو يكلولي نسر بس خالي جان اسمه هيج وجنت اعصب اكثر لمن ينادوني بهل اسم لحد ماابوي تذكر صديقه الشهيد الي جان اسمه ذيب وبده يناديني بهل اسم ومن هليوم محد ناداني أسر بس ضليت عصبي وبارد ومايهمني ولاارحم احد لاامي اريدها بعد ولاخوالي حتى بيوم من الايام طبعا هنا جان عمري 18جنت هلفتره مخلص سادس اجا خالي وخطب ريتال وابوي طبعا رفض رفض تام ومن خالي عرف هجم الدنيا ويتوعد ويهدد وامي زاد كرها لريتال لان خالي بوكتها مد ايده على امي لان ماسوت شي ولمن مد ايده اني جنت موجود وكسرت ايده وحتى اضطرو يجبسوها بعد فتره شخص خطب ريتال شخص محترم لاخير علي أبوي وافق وريتال كذلك ماكلنا لخوالي وجان أبوي مهدد امي انو يطلكها اذا حجت شي وامي سكتت لان هم اذا البنيه تطلقت تعتبر عار ويقتلوها تحت مسمى غسل العار فسكتت خوفا من اهلها صار العرس على خير بعد اسبوع خالي عرفان بالسالفه وإجا هداد وحتى بوكتها ضربني طلقه واجت تحت قلبي وبقيت اسبوعين بغيبوبه سراج تاذه حييل لان كل الي صار وهو طفل من كمت وعدت نفسي أكون قوي واهتم بسراج ومااسمحلهم ياذو وفعلا صار كل حياتي سراج بدت تسجيلات الجامعات قدمت ت الكليه العسكرية بدون مااسال اي شخص اذا زينه أو لا قدمت لان جانت حلمي وفعلا انقبلت جانت أصعب فتره من صار لازم اروح دوره تدريب جنت خايف على سراج حيل وبهل فتره بده سراج يوعى ويعرف السالفه ردت اخذه يضل يم ريتال بس ماقبل ابد وكال انو اذا صار شي يكدر يدافع عن نفسه رحت للدوره وبالي يمه شفت انواع الضرب والاهانات الي خلتني اصير اقسى بعد اكثر ومااسمح لاي شخص ياخذ قلبي ويصير هو الي بي وماجنت اريد اتزوج ابد لان مااحب ينشغل تفكيري بشخص احس نفسي ضعيف فابتعد عنه حتى اثبت لنفسي اني اكدر بدونه واقسى علي واهينه حتى اثبت لقلبي اني اكدر اعبره واقسى علي مثل القبله هذي نقطه من بحر من العذاب الي اني شفته ومن وكتها واني معتبر نفسي بلا ام وبلا اب وبالذات بلا أم وايي (كالها بحسره)
