بنات هذاك البارت متت تعليقاتكم دوختكم 😭😭 خل اشرحلچن اغلبجن داخن لان ليث يكول لقيس عمي اني متعوده اكول للكل عمي فكتبتها يعني اني حتى لاخوي اكله عمي شبيك فعادي ترى وتعليقاتجنن متت صدك ضحكتني بالانستا وبالنسبة لسراج هاي شبيجن مو عرفكم على نفسه بأول بارت اخو أسر واسر لحد الان ماشايف قمر انتبهن البارت الجاي متاكده راح تحبنه وراح يكون أول لقاء بين أسر وقمر وراح تبدي الأحداث تولعع اموت عليجن💗💗💗💗💗💗💗💗💗💗💗
ومعلومات بسيطه ليث وهيثم عمام قمر سراج أبن عمها واسر هم أبن عمها واسر بعده مملتقي بقمر 💙
ليث:متمدد اريد انام فجاه سمعت صوت بس هلصوت مو غريب اي هو صوت أبوي كمزت من مكاني وفعلا جان أبوي وويا سراج أبوي واكف كدام اخوي وجان نقاش بينهم الأصوات مو عاليه والعيون تبين انو ماكو ذره حقد بينهم والكلوب بس تريد تتحاضن بس العقل جان رافض هدينا الموضوع وفعلا بعد سنين طويله تصالحو أبوي وقيس لمن جان قيس بالجامعة اجا وحجى لاابوي عن بنيه يريدها ابوي مارفض وفعلا سال على مكانهم بس تغير راي أبوي لمن عرف اهله عدهم مع ام البنيه مشاكل قديمه وابدى رايه بالرفض قيس انجن وصار يكول اذا مااخذتها ماخذ غيرها استمرت مشاكل وصلت للضرب لحد ما بيوم قيس لم غراضه وطلع كون نفسه وتزوج هلبنيه وظلم عيله كامله معا قيس يجدح نار من جنت صغير أتذكر جانو يخوفون بي الجهال اذا صيحو أو غيرها بعدها ابوي عرف غلطه بقى جثير يدور على قيس لحد ماسلم الشغلة لاخوي وانتقلت الشغله الي ووصلنا لهل مواصيل تصالحو وفعلا ابوي طلب يشوف حفيدته الي جان مصر عليها من دون باقي حفيداته طلع قيس علمود يجيبها بس نزل حسين وهو يصيح ويسب وشايل بنيه كثرت الاسئله لمن عمي فات ع الغرفة وجوابه جان الي يريد يشوفها يلحكها للمستشفى انطبعت ملامح الصدمه على كل الكعده هيثم(أخو قيس وليث) مشى وجر سراج وطلب مني اضل هين كبت النيران مره ثانيه بين ايوي وابنه لحد ماحجه ابوي كلمه مجانت موجهة ليه واذتني كال
( اذا تكره بنتك لان تشبه عمتك فلمفروض اني هسه مااطيق أبوي لان زوجني وخلاني أجيبك)
انقلبت ملامح قيس تماما امتلت عيونه دموع وحجه بصوت مخنوك لهل درجه كارهني بويه
شيخ قصي:اني اغليك يا قيس اغليك اشوف بيك كلشي جان بعمي الي فاگده بس كلي انت شلون تنام وانت ظالم نفس فوك ما البنيه مريضه انت مزودها عليها كلي ضميرك مرتاااح لاتسكت
كعد عمي وبقه يفرك رأسه وكام وحجه
قيس: مو بايدي صوتها يشبها ماخليها تحجي هدوءها يشبها نظراتها طولها عيونها يابه عيونها مايشبهن عمتي بس اني ابوها واصفن بعيونها واتخيل اشياء ادري بيها ماتسويها وماكدر الزم نفسي مو بيدي يالله احد يفهم حالي
ليث:كل الي سوا ابوي تقدم تقدم على قيس جان الصمت سيد لموقف لدقايق معدوده لحد ماكسر الصمت صوت دموع قيس بعد ماحضنه ابوي الموقف اعجز عن وصفه عجزت انطي الحق لمنو
شيخ قصي:كوم تعوذ من ابليس واكسر الشر جيب مرتك وبنتك وابنك وكوم وياي
قيس:يابه
شيخ قصي:لاتردني ياقيس ماضل بيه حيل عنادك
ليث:ماحجي شي راح شوي ورجع كعدو لحد ماجهزو باقي الغراض صعدو الغراض طلعنا نزلت بنيه وهم مالمحت غير ظهرها دايره ظهرها وكانها متعمده ابوي بس يريد يشوفها عرفتها قمر صعد كل واحد بسيارته وابوي اصر انو تصعد ويانا قمر فعلا جت ويانا كاعده بالكرسي الوراي شغلت اغنيه لاصاله احب هلغنيه حيل لحد ماسمعت صوت كحه قويه وكفت السياره على صفحه فعلا مثل ماتوقعت الربو مال قمر وجنا هسه داخلين البصره حتى الجهاز ماكدرت تأخذ بي نفس لحد ماراح لونها وغمضت عيونها ابوي راح ويا سراج اني وياها بس سويه لان ابوي بنص الطريق تحول ويا سراج على كولته سيارته اريح سقت بكل سرعتي وطرت للمستشفى أول ماوصلنا فوتوها كعدت انتظر واني الدقيقه تمر سنه ماشفتها غير مره ليش خايف عليها بنيه تنحب وتدخل الكلب تشوفها مره بس تدخل كلبك مظلومه حيل ومن ابوها المفروض سندها وهي طفله بعدها ضليت انتظر لحد ماطلعت الدكتورة وحجت كلمه حسيت سوت قلبي أربع أقسام
_اني اعتذر بس المريضه حالتها سيئه الربو ماثر عليها حيل لازم تبقى بالعنايه حاليا
ليث:نزاع وتناقض افكاري بهل لحظه ماكدر اوصفه لا يارب لا عيونها انطبعن براسي واني بس لامحها جنها بحر تكدر تغرك بي شعرها الي بسواد الليل بياضها الي يخلي الواحد يصفن على خلفتها قطع تفكيري اتصال قيس حرت شجاوب جاوبته وكتله كلشي شوي واجو كلتلهم الكالته الدكتورة صار الوضع اسوء بعد شوي رجعت طلعت الدكتورة
_نحتاج دم بسرعه
ليث:فعلا تبرع اخوها لأنهم نفس زمره الدم ورجعت الاخبار انقطعت والجميع كاعد على اعصابه
