قمر: بين الكاعده والنايمه انفتح الباب غمضت بسرعه تفاجات من فات كعد كدامي ويدخن بس صافن علي ويدخن بين فتره وفتره يذب حسره واني امثل اني نايمه بعد شوي حجى
ذيب: ادري بيج اليوم ضايجه صوتج وعيونج فاضحاتج ادري لان مااخذو رايج يمكن لان اني مادري ماكدرت افسر اذا ضايجه لان اني راح اكون شريك حياتج لو لان جبروج مو كادر افسر ابد بس تدرين اليوم طالعه تطيرين العقل الازرك يموت عليج ايدج الي مثل الثلج وعيونج الي بارزات ويه اللون كلج تاخذين العقل خدودج بس مال بوس كلشي بيج يجذب تدرين اسال نفسي شلون حبيتج مادري وبهل سرعه شي غريب غريب حيل اخر شي جا على بالي احب بس انتِ اخذتي عقلي مادري شلون احس راح انجن شلون حبيتج وليش مادري مو كادر الكي جواب لهل سؤال الي لعب بيه لعب بس اخخخخ عقلي وجعني من التفكير بهل موضوع بس تدرين شنو الي يوجع اني وياج مو نفس المشاعر هذا شي موتني اكثر اخخخ
قمر: يحجي وبين كل مقطع يأخذ نفس من الجكاره ويزفره واني عقلي واكف شصاير واني مادري مادري شنو احساسي وشنو الحسيت بي اني ذات نفسي مادري شي غريب قشعر بدني مدري شلون ماتحركت ضليت نفسي تقدم علي بعد شعري عن وجهي باصبعه السبابه طبع بوسه خفيفه على خدي حسيت بشعر لحيته بس طلع من الغرفة فتحت عيوني حتى النوم طار من عيني ضليت متمدده وافكر شكو وشصاير الي سمعته جنت اتخيله لو حقيقي شنو الي جاي يصير مادري احس نفسي جنت اهلوس هذا مو ذيب مستحيل جان عاجز نبره كلامه تعبانه معقول اني السبب مستحيل ذيب هيج يصير بي علمودي مستحيل ولا اصدك لو مادري منو يكلي ابد ولا اصدك لو احد يحجيلي اجذبه التفكير موتني طارت النومه زفرت نفس واني تعبانه لعبت نفسي من التفكير والتعب الي جاي احس بي الدنيا ضاغطه علي من كل الجهات يارب ابتلائك صعب مادري شنو سويت بحياتي منو اذيت حتى هيج يصير بيه بس الحمدلله على كل حال مرت ساعه تقريباً واني راسي راح ينفجر من التفكير رجع الباب انفتح رجعت غمضت بس اشوفه رجع فات مبدل لابس الزي مالته تقدم علي دنگ على مستواي وهمس بصوت خافت
ذيب: اني طالع رايح على واجب شوي خطر اذا صارلي شي لاتاخذين بخاطرج علي ولاتزعلين مني ابد انتِ كلشي بحياتي ماحب اشوفج زعلانه وبالذات بسببي ديربالج على نفسج واذا اي حد زعلج كليلي
قمر: رجع ختم كلامه ببوسه على خذي وبعدها وحده على شفتي وطلع متصنمه من الموقف دمعتي نزلت ومو كادره اعرف ليش نزلت اذا هيج يحبني ليش مايكول اني غبيه اكيد ضاج مني لان جنت ضايجه والله ماجنت ضايجه لان هو راح يكون زوجي جنت ضايجه لان حسيت نفسي دميه اوفف ياغبائي بعد مافجر راسي التفكير نمت ومادري شلون نمت كعدت الصبح واشوف الساعه 12:30 حييل شكد نايمه رجعت تذكرت الموقف خليت ايدي على وجهي واكتم صرختي واهمس غبيه غبييه ضوجتي رجعت صفنت ليش خايفه يضوج عادي يمكن لان عندي ضمير اي اكيد لان عندي ضمير ضحكت مستهزءه مامعقوله حبيتي بيوم دروحي ياحب خل اكوم احسن ماانجن كمت غسلت ونزلت جوا
الجده: هلا مبروك يبعد عمري
قمر: حبيبتي الله يباركلج جانت السعادة مبينه بعيونها جانت دائما تريد تزوج ذيب وتشوف عرسه.. اخخ ميته من الجوع
الجده: يخسى الجوع كومي ولج نور سويلها اكل
نور: شنووو واني شعليه عيني ناقصه ايد رجل خل تكوم تسوي لنفسها
الجده: ولج يالعياره ام عشر السانات كومي هي لفه
نور: والله جده مع احترامي لشيباتج بس مااسويلها والله
الجده: ولج وين شيباتي
نور: ماكو ماكو ابد
الجده: كومي لا اكسر العصا على راسج
قمر: مايحتاج جده الله لايعوزنا على احد اني اسوي لنفسي
نور: لايمعوده والله اتشاقه غير جاي انتظرج ناكل سوا يلا امشي متت من الجوع البارحة شفتي شلون جان فستاني
قمر: اممم شفته مو كلش بس لمحته جان لونه يجنن .. بقينا نحجي وناكل احب سوالفها الوقت يمشي بسرعه خلصنا كمت غسلنا المواعين وصعدت فوك لغرفتي رجعت هل سالفه على بالي رجعت غطيت وجهي من الاحراج الآني بي مادري ليش فتت سبحت بلكي انسى بس ماكو اسبح وافكر طلعت وافكر اذا صارله شي لا أن شاء الله لا يرجع زين وبديت اوهوس ووووو خلصت ونزلت جوا ضوجه ماكو احد اتكاون ويا رجعت صعدت كل شوي انزل واصعد اجت ببالي ليش مااخبره اسال علي .. واني شعليه بي... يعني هيج بس سؤال... لا لا شعليه... ميخالف بس شويه بس اكله شلونك هم حتى مااضل اوهوس وبالاخير كلت راح اخابر بس شلون ماعندي رقمه .... اي اروح على سراج .... خاف عيب ... لا لا عادي شبيها مثل هيج بالضبط جانت افكاري المهم طلعت اخذت الرقم من سراج
سراج: شهل صخام مو شايف خطيبه ماعدها رقم خطيبها
قمر: هسه الا تحشش
سراج: هاج صفر سبعه مكعب حزن وجروح وسبع
قمر: صافنه بوجها يارب هذا شبي ينكت مو من عوايده واني مالي خلك بعدين انطاني يا وطلعت رحت خبرت واني خايفه كانو مسويه جريمه بعد دكتين فتح التلفون وطلعلي صوته
_ الو نعم
قمر: هلو
_ احم اهلا
: شلونك
: الحمدلله انتِ محتاجه شي
: لا بس حبيت اتطمن عليك
: اني زين
: تمام .. مع السلامة
: باي
قمر: سديته وكلبي يرجف شهل محادثه الناشفه يارب المهم تطمنت علي صح صوته تعبان بس جان زين لفيت راسي ونمت اخيرا بعد تفكير كعدت على نفس اللمسات الي كل مره اكعد عليها بس هالمره شعور غريب فوراً فتحت عيوني بس اريد اشوفه ابتسمت لاارادي ابتسم من فتحت همست بصوت نعسان شلونك
ذيب: ردلي الحيل من عاينت عيونج
قمر: كلبي يدك بسرعه احس ببطني شعور فراشات بس اكتفيت ب ابتسامه هاي شبيه وشجاي يصير بمشاعري كل عقلي الي جاي اسوي والله اني مو طبيعية يمكن انعديت منه معقول هذا الحُب مستحيل
ذيب: اخخخ ياعيونج
قمر: جسمي كزبر من نبره صوته
ذيب: تعبان وماغيرج يشفيني
قمر: شبي اليوم هذا غريب اني مكتفيه ابتسم ماعندي جواب مشاعري غريبه واحس الي جاي يصير اصلا غريب هو لاحظ صفنتي فهمس بصوت ناصي
ذيب: احبج وهايم بيج
قمر: طلع خلاني صافنه ومصدومه شكال شكال دقيقه يمكن سمعت غلط بقيت على نفس الحاله يمكن اكثر من ربع ساعه مصدومه هذا نفسه ذيب الي جان قبل شهرين قاطعة صفنتي
نور: هاا وينج
قمر: شكوو
نور: تعاي ضوجه
قمر: اهزلج
نور: هه هه هه
قمر: هسه شنو اني اتخيل لو صدك
نور: شنو
قمر: هيج على حلم احسه حقيقي بس مدري
نور: دكومي غسلي وتعاي معاي
قمر: ماشي جايه ... غسلت ونزلت جوا لكيتهم يتريكون وهو كاعد مثل كل مره الكل مجتمع ويحجي سوا الا هو وسراج وحدهم يحجون من فتت لاحظني شلت عيني عنه كبل كعدت رفعت عيني وتلاكت عيونه غمزلي يارب شكد سرسري بالله احد انتبه سويت نفسي ماشفت كملت اكل وكمت لغرفتي بديت اقره كتاب هالفتره جاي اقره كتاب يجنن بس ملتهيه بي جاي اقره والبطل الحيوان خان البطله تحمست وياهم وبديت افكر بصوت عالي يارب شكد حيوان ومايسحتي وبلا اخلاق وتربيه سز
ذيب: على كيفج ويا
قمر: فزيت فزه .... يارب انت ماتتعلم تدك الباب
ذيب: بكيفي
قمر: كعد مقابيلي ويدخن رجعت أكمل قرايه والغبي البطل ماعتذر عافها وراح كلت بصوت خافت زمال
ذيب: هسه عوفي الولد بحاله
قمر: استغفر الله شوف شلون حيوان فوك ماهو الغلطان ولايعتذر
ذيب: اشوف
قمر: جا كعد يمي خله رأسه على كتفي ويقره والكتاب بايدي واني اقره وياه من غبائي نسيت هو سرسري كرص خصري فزيت ودفعته
قمر: ياحقير واني غبيه ناسيه انت سرسري ضحك بصوت عالي باسني بالهوى وراح يارب اريد ادوس ببطنه على هل استفزاز كملت قرايه صارت مغرب صليت ونزلت جوا منظر رجف رجلي تمنيت لو مانازله أصلاً ......
هلووو شلونجن مشتاقتلجن بكدد الدنيا والله القصه جاي تطفر وكلبي يطفر وياها المهم شنو رايكم بهذا البارت وبالسرد والقصه عامهً وبس احبكم كلكم وديرو بالكم على نفسكم
حساب الانستا💙
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حساب التيك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
