قمر: كعدت الصبح ناسيه الموضوع مال البارحة رحت كبل لغرفتي فتحت الباب وتذكرت الحمدلله مموجود شعجب اكيد ناوي على شي مايروحها هيج غسلت ونزلت جوا كعدت اكل وناسيه كل الموضوع فجاه ندك الباب حتى مامنتبها ع الساعه فات رامان حضني واني ابتسمت وبحلكي اللگمه كمت ادور علي شفته بالزاويه يدخن مركز ويا سراج ع الاخر مادري بشنو جانو يحجون
رامان: يلا حبيبي بدلي خلي نروح بسرعه
قمر: انداريت علي مدري ليش اريد اشوف رده فعله هالمره منتبه رافع حاجبه ويدخن ويهز رأسه يسمع لسراج وعينه على رامان يارب شنو من نيه رحت بدلت ونزلت ماعترضت ابد جان عندي حماس اعرف هل مكان نزلت لزم ايدي وجان يحجي ويا جدو جا يمي اسر وهمس
ذيب: عوفي ايده لااكسر ايده وايدج
قمر: كالها بسرعه بحيث محد لاحظ ومشه ولاكاني سمعت صوته مشيت وياه كل الطريق يحجي وياي ومتجاوبه ويا سوالفه حلوه
رامان: تدرين ريام جانت كاتبه أو بالاصح شاعره كتاباتها تجنن
قمر: هالموضوع قررت اسده ماكو داعي كل ماتجي سيره امي ابجي لانو بس أاذيها البجي ماراح يرجعها .... ياااا تدري اني هم اكتب
رامان: جا ماشوفتيني
قمر: يلا عادي بعدين اشوفك ... ضلينا كل الطريق تاخذنا السوالف ويحجي عن طفولته الي تموت ضحك
رامان: لااا ونوب مره حبيت بنت جيرانه الي بذاك الفرع
قمر: هاي صارت سابع وحده شنو من كلب عندك
رامان: لا لا هاي صدك حبيتها حيل جنا نشتري سوا ونلعب سوا بس اخخ قهر تحولو ضليت ادور قسم برب العزه تزوجت ريام واني ادور
قمر: ههههههههه عزااا شهل صبر لو لاكي غيرها احسن
رامان: دمشي ولج غير تشك شك مرسومه ومحمد
قمر: زين شنو اسمها
رامان: سِبال
قمر: يااا تدري بنت خالتي نفس اسمها ضبط
رامان: ايي اسم هوه بس حتى اسمها جنت اكوللها سُبال تزعل تكلي هاي شبيك موتخلللف سِباللل سِبالل
قمر: حجاها وهو يسوي صوته نفس صوتها واخر كلمه سواها حرف حرف فقدت ضحك موتخلللف اخخخخ هاي شنو
رامان: هاي شبيج تستهزءين بحُبي مثلاً
قمر: اخخخخ ياربي شلون حُب
رامان: تدرين اذا الكيها هسه اتزوجها
قمر: باع نفسك صرت شايب اكيد هيه تزوجت
رامان: وين الشايب يااابشرررر عمري 38 ياموووتخلفييين
قمر: رجع سوه اخر كلمه بصوت ناعم أي وهيجي مو شايب
رامان: جاا خطيبج هم شايب
قمر: ادريي
رامان: ليش مجبوره
قمر: شوف هو فعلياً ايي بس هسه لا يعني هو حباب ولطيف
رامان: اي ادري بي اسر خوش رجال هو من دره كبل خلاني اشوفكم لو ضال على عمج سنين جان
قمر: ابتسمت اخخ مدري شبيها مشاعري متلخبطه صفنت بالجام شغل رامان اغنيه خربطت احوالي جان صوت المغني يطرب ومليان احساس تكول:
انسى كل الناس خليني أحضن
غمض عيونك وانسى بحضني نفسك
انسى عمرك وأنسى عمري
امتزج بيّا وصير عطري
انسى عمرك وأنسى عمري
امتزج بيّا وصير عطري
ليش وانا وياك أحس بالوقت يجري
انسى كل النااااس
كل الناس خليني أحضنك
هذي أول مرة أحس كلّي عشق
انطيني فرصة اتنفسك خاف أختنق
هذي أول مرة أحس كلّي عشق
كلّي عشق...
انطيني فرصة أتنفسك خاف أختنق.......
