قمر: رحت لغرفتي ولكيت شخص متمدد بتختي تقدمت واني متوقعه نور أو هيج شلت الغطا ... اااا شجاي تسوي هنا
ذيب: اششش روحي ولي
قمر: شنو ولي ترى غرفتي للمعلومه
ذيب: ندري غرفتج
قمر: شتسوي هنا
ذيب: بكيفي
قمر: شنو هو الي بكيفك واني شلون انام
ذيب: تعاي يمي
قمر: ماا روح على غرفتك
ذيب: سبلتها عطلان ارتاحيتي
قمر: مشكلتك
ذيب: خليني انام لاابتلي بيج
قمر: لعد راح اروح اني بغرفتك
ذيب: روحي
قمر: مصدومه هذا شبي ميفوت احد على غرفته منين جا الكرم... راح اروح ترى
ذيب: روحي المفتاح فوك الطبله بس خليني انام
قمر: طلعت فتحت الغرفه صدك السبلت عطلان عبالي يتحجج بس مرتبه الغرفه ولاكانو غرفه ولد بس اكو قسم من الغرفة مبعثر كله ملفات ملونه وفوكاهن اللاسلكيات هواي المرايا كلها عطورات تقدمت على عطر لونه يجنن حسيت الغرفه مال استكشاف لانو جبيره هي أكبر غرفه اصلا شميت العطر ... ايع ريحته مطيبه تركته ورحت على قسم بي اشياء غريبه مدري شنو هي بس غالبا متعلقه بشغله كلبچات وهواية امور مافتحت الچكامچ كلت يمكن اشياء خاصه بقيت اشم العطورات كلهن قويات ومطيبات لعد هو شلون ريحته طيبه ... اوفف شلون ابتلاء مااحب انام بتخت احد طلعت من الغرفة قفلتها ورجعت المفتاح شفته غاط بسابع نومه شكله يصير لطيف من ينام شعره نازل تحسو مو نفس الشخص كعدت ع القنفه ومعاركه الهوى وارجع احجي علي وهو نايم تافافت ورحت لنور لكيتها نايمه هذوله شبيهم رحت يمها ضليت اكعدها لحد ماكعدت
نور: شكو شكو
قمر: كومي وياي
نور: وين
قمر: هنا مو وين بس هيج كعدي وياي
نور: استغفر الله شتريدين
قمر: مااريد شي
نور: جا ليش كعدتيني
قمر: هيج ماعندي احد احجي ويا
نور: روحي ولي جوا
قمر: انجبي مااريد
نور: روحي على ذيب روحي على اي واحد وولي مني
قمر: عابتلج مو صوجج صوجي أني أجي يمج
نور: زين اكول باجر العقد اشو مامحظره كلشي
قمر: لاتحجيني ع العقد وابو العقد
نور: اهوو لازم نروح للصالون العصر نلعب بخلقتج
قمر: مااريد ماحب الصالونات كلهن وصخات
نور: دنجبي مو كل اصابعج سوا عندي صالون يجنن
قمر: ادري مو كلهن بس وين تلكين وحده زينه
نور: هسه شعليج خليها علي
قمر: اهوو تضوجين خل اكوم احسلي كمت منها ورحت لغرفتي اخذت كلاص مي تقربت من يمه بعده نايم صار ساعتين وشوي شبسررعه اول شي خليت اصبعي على خشمه وبديت احركه تحرك بانزعاج وعكد حاجبه ابتسمت ورجعت عدتها لحد مااندار رشيت علي مي شوي وماحس رجعت جبت كلنسه ولفيتها ومشيتها على وجها شعورها مزعج حيل تحرك منزعج واندار هذا شبي مايكوم شلت كلاص المي ووكفت وطشيته علي فتح عيونه وكانو شئ طبيعي
قمر: رديتلك ياها.. دحك علي من فوك لي جوا ورجع لف رأسه ونام حرك دميي بهل حركه رجعت مليت الكلاص ردت اطشه فتح عيونه تبعدت مفزوعه من حركته
ذيب: كبي اذا بيج خير
قمر: ترى أكبي
ذيب: كبي اذا بيج خير
قمر: طشيته من بعيد وصرخت مادري ليش مراقبه حركته لايكوم تنكع كل التخت وهو بس يبعد المي عن وجها واني مراقبه كل حركته وقريبه من الباب فجاه بحركه سريعه مثل الضو حرفيا مثل افلام كارتون بس العجه مالته بعدني من الباب وقفله ركعني علي وحاوطني بحيث منع كل حركتي ايدي انعصرت
قمر: اييي ايديي وخررر اييي
ذيب: ليش تتحرشين
قمر: ايديي اذتنيي رخه ايدي شوي
ذيب: ليش تتحرشين
قمر: مامتحارشه اريد تختي
ذيب: تعاي نامي يمي وانجبي
قمر: لا بالله باحلامك
ذيب: نشوف منو باحلامه شوفي شسويتي بيه
قمر: تستاهل
ذيب: شوفي قمر راح امشيها بس ها ديربالج تعيديها
قمر: اذا عدتها شتسوي
ذيب: انعل
قمر: خليت ايدي على حلكه .. اشش الله يخليك لاتكمل
ذيب: يلا وخري خل اطلع
قمر: بعدت عن الباب بعد مافلتني رجعت بسرعه مليت ربع كلاص وطشيته بظهره رحت للحمام قفلت الباب وكعدت اضحك واني اسمعه يسب
ذيب: انعل *** هسه شلون اطلع تعاي اطلعي روحي جيبيلي ملابس لاانعل ****
قمر: والله مشكلتك
ذيب: قمررر انعل **** يافاهيه يابنت ****
قمر: لاتسب على أبوي لااطيح حظك
ذيب: قمرررر بطلي تجفيص لااكسر الباب واكسر راسج وراه
قمر: ماشي بس روح ... سمعت طبكت الباب بقوه زفرت نفس الحمدلله ادري ضاج بس يستاهل فتحت الباب مال الحمام وطلعت انجريت ونركعت على ظهري بالباب احس ظهري تفلش ردت أصرخ خله ايده على حلكي
ذيب: مو شايف بغبائج والله
قمر: اباوعله واني مصدومه ياربي شكد غبيه اني طاح حظي بعد ايده عن حلكي ... بس خل افهمك الله عليك
ذيب: تريدين ابتلي بيج قبل عقدج بيوم
قمر: هاي شبيك غير اتشاقه وياك
ذيب: جاوبيني ابتلي بيج
قمر: لا مااريد
ذيب: لا ريدي
قمر: بس خل اشرحلك
ذيب: اشرحي
قمر: اني بالغلط طشيته اني شسمه جنت اريد اشرب فشنو انطش عليك بالغلط
ذيب: اممم يلا صدكت
قمر: والله
ذيب: وجع الله
قمر: هاي شبيك ترى يعني شنو هاي
ذيب: وجع احجي عدل
قمر: شحاجيه اني... يا أسمع والله صوت ماما تناديني يلا وخر
ذيب: بقدره قادر نجيتي
قمر: ركضت بسرعه ... ها ماما
_ بدلي
_ ليش
_ نروح للصالون
_ ليش
_ وشليش غير باجر عقدج
_ اهووو والله مابيه حيل
_ روحي بدلي ولج
_ اي اي رحت بس يعني هي كوه مااريد صعدت فوك ادردم واحجي يعني واحد ما يريد شنو هي كوه مااريد اتزوج يعني مو حاله هاي والله بدلت ورحت ويا ماما ونور وصلنا الصالون يجنن حرفيا اول مره اشوف صالون نظيف وأم الصالون عسل كعدت وماما تكول سوي ولاتسوين واني مو يمهن اصلا بالي شنو راح يصير بيه وشنو منتظرني بعد اصفن على ماما استوعب انو هاي مو امي هاي مجرد وحده ربتني عيوني تمتلي دموع ونور لازمه ايدي واني فجاه ضجت كلشي صار بدون أذني أو رأيي حتى لو بالجذب مااخذو عيوني مليانه دموع بدت تسوي وجهي وشعري اخيرا كملنا واني حتى ماادري شسوت باوعت بالمرايا ماكو شي متغير يعني شي بسيط بس شعري عدلته ورادت تصبغه بس مدري ليش ماصبغته يمكن ماما ماقبلت طلعنا واني لحد الان صافنه شجاي يصير أني باجر عقدي لواحد مابي ذره من مواصفات الشخص الي ردته يكون شريك حياتي وصلت البيت مثل كل مره رحت متوجها لغرفتي نزعت الشال والعبايه فتحت شعري واني اشوفه شلون مسويته يجنن بس مالي خلك هاي شبيه هيج فجاه رفعته ونمت كعدت ثاني يوم مادري ليش هلكد نمت وجنت مستعده انام بعد لو ما امي كعدتني اليوم العقد كمت وعيوني مليانه دموع اذا احد لمسني ابجي بوجها رحنا للصالون سوتلي مكياج بسيط برمت شعري شوي ورجعنا ع البيت بعد ساعات لبست فستاني الي حتى هو مو اني مختارته حسيت نفسي دميه وهم يحركوني ماالي اي سلطه عليهم يحركون بيه بكيفهم وشلون مايحبون جانت علاقتنا حلوه جنت اشوفه صديقي ليش مُصر يخرب هل علاقه نزلت دمعتي وهنا يسون الفستان مسحتها بسرعه استوعبت اظافري مصبغه هاي ايمت صار كل هل شي دحكت الدنيا مغرب يارب شبيه كانو الدنيا جاي تلف بيه ومامستوعبه شجاي يصير ابد احس كلشي بالعكس كانو عايشه بحلم كل ماارمش تمر ساعه جان مثل الحلم بالضبط نسخه خلصن الفستان الي جان لونه غريب بس جان حلو جان سمائي ازرق لونه جان يجنن مشلح وطويل ومفتوح جانت هي عقد وهي حفله لهذا الفستان منفوش احس نفسي تايها بس وين الي يلمني ويدليني على طريقي بالعكس هم الي تيهوني اكثر خلصن
نور: قمر انسي الي صار شوفي صدكيني متلكين مثل ذيب والله وداعتج هو يحبج حيل انسي شلون صارت خطبتكم ركزي بالمستقبل ابتسمي شوي شو راويني غمازاتج
قمر: ابتسمت ابتسامه جذبيه حيل شبيه اني مو فاهمه نفسي شبيه يمكن ضايجه لان ما اناخذ رأيي بهل موضوع نزلت جوا الوجوه بشوشه والبعض لا صراحة مانتبهت دخل شوي بس لبسني الطقم وطلع مبتسم تجذبني ابتسامته لان مايبتسم الا بالحقيقة لابس زي عربي من ابتسامته ابتسمت خلصت الحفلة بسرعه وبعدها عقدنا احسنا عكس العالم ضل الشيخ يحجي لحد ماوصل لموافقتي
_ اذا موافقه فكولي نعم انت وكيلي
رديت بعد شوي
_نعم انت وكيلي
وبدت الهلاهل بعدها انطا موافقته وخلصنا هاليوم المتعب صعدت فوك لغرفتي بدلت وغسلت وفتحت شعري اخيرا تمددت حتى مابيه حيل افكر بين الكاعده والنايمه انفتح الباب غمضت بسرعه تفاجات من فات....
كللي رايجن لحد الان بالقصه واموت عليجنن💙💙
انستا💗
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تيك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
