قمر:غمضت عيوني وبعد ماحسيت بشي تمنيت اموت وماافتح عيوني الا لمن يسألوني الملائكة بس فتحت وبنفس المنظر الي تعودت افتح علي بالمستشفى الغرفه فارغه محد بيها فجاه فات حسين جان معصب من شافني فتحت رخت ملامحه
حسين:شبيج حبيبتي يوجعج شي
قمر:لا وين بابا
حسين:ماله وجه يشوفج
قمر:شنو هذا ترى مو بقصده حسين باوعلي بنظره مثل الشفقة والحب وبقى ساكت شوي وكال
حسين:تكدرين تكومين لو اشيلج
قمر:لااكدر بس ناوشني العبايه طلعنا للبيت ردت افوت ع الصاله بس حسين مخلاني نظراته غريبه مثل الخايف كعد يمي وعينه ع الباب
قمر:شبيك اكو شي
حسين:لاماكو اني نازل اذا ردتي شي ناديني
قمر:اي نزل حسين بقيت وحدي كمت توضيت وصليت بعدين مليت لبست دشداشه سوده مثل الزي الفلسطيني شعري بقيته مالي خلك اشده نزلت فتت ع الغرفة الغرفه مليانه ناس ويتناقشون أول مافتت سكتو والانضار توجهت علي تصنمت لحد ماكام حسين وبحركه سريعه جرني وطلعني فوتني لغرفه بابا وماما وكلي ديربالج تطلعين ابقي هنا اياج ثم اياج تطلعين
قمر:شكووو
حسين:قمر سمعي كلامي كلبي لاتطلعين هاج تلهي بالتلفون
قمر:انطاني التلفون وطلع بدت الأصوات تعلى لحد ماصار صريخ وسمعت رجال يكول
_والخلقك يا قيس اذا ماسويت هلشي اكسرك
قمر:بهل أثناء دخل رجال سمعت بس صوته يلعلع حجه بصوت عالي
_تهدد منو أبن ****
قيس:شجابك هنا ليث
ليث:هلابيك اخوي هلا بيك
قيس:هلا بيك بويه
ليث:اي وانت أبن *** منو تهدد
_اخوك اخذ مني دين ولهسه مرجعه
قيس:ولك زفر كتلك انطيته لابن عمك اذا انتو بواكين شبيدي
ليث:وشكد المبلغ
_300الف
ليث:شو هاك الزم وولي منا
قيس:بويه لاتنطي حراميه هذولة
ليث:مصار شي قيس اكدر احجي وياك
قمر:بهل أثناء توترت حيل فاختنكت الغرفة مسدوده وجهاز الربو مو يمي بالدوب صوتي طلع كلت حسينننننن بسرعههه اجا حسين ركض فتح الباب مادري شلون طلعت مني الكلمه وكلت الجهاز راح ركض جابه واجه يادوببب كدرت اخذ نفس حتى هو يخنكني
حسين:اسف نسيتج والله
قمر:مخنوكه
حسين:كومي اخذي هوى من برا
قمر:طلعت برى شوي ارتاحيت رجعت لغرفتي تمددت ونمت كلشي صعب بالدنيا مادري ليش
في البصره
شيخ قصي:شنوو
ليث:اي شيخ بنته اسمها قمر حسب ماعرفت مقبوله بكليه**** فرع الأسنان
شيخ قصي:اوفف منك قيس حرمتني من احفادي
ليث: لاتخاف شيخ اجيبهم واليوم رايح
شيخ قصي:الله يرضالي عليك ابني واعرفه ظالم ومن صغره مايريد بنات لايظلمها واني ماارضى
ليث:لاتخاف شيخ اجيبه وحفيدتك تجي كدام عيونك
شيخ:ماغلطت من كتلك نسر روح بويه جيبلي ياها وعيوني انطيها الك
اسر:بعيوني شيخ طلعت ارتاحيت وبدلت وطلعت على بغداد ووصلت بالليل وسمعت هوسه جوه فتت بسرعه وشفت هيج أشكال اعتقد شفتو القصه كعدت ويا قيس
ليث:خويه جيت هين ابوي الي دزني كلبه على حفيدته ورايدها واني جيتك اخويه طالبك ترد واتمنى ماتردني
قيس:بويه ليث انت وابوي على عيني وراسي بس قمر مابيها شي ومرتاحه هين وهسه راح تصير جامعتها
ليث:عمي اني انقلها ابوي تعبان ورايدك يمه وادري بيك حنين ومتريد تشوف ابوك تعبان
قيس:أن شاء الله بويه يصير خير
ليث:جا اليوم اني باقي اسمع رايك بهل أثناء فات حسين
قيس:نور البيت بويه هلا بيك
حسين:يوم علاج قمر وينه
قيس:شبيها
حسين:يابه الربو
رسل:بجكمجه غرفتها
ليث:ربو؟
قيس:اي بويه من صغيره بيها ربو
ليث:برودهم مو طبيعي بنتهم ومختنكه واني مابيدي شي خما اروح اشوف شبيها بعد شوي فات حسين
حسين:ها تطلع لو تبقى هنا
ليث:والله انت وضميرك
حسين:جا كوم
ليث:كمنا طلعنا للمول بقينا لحد ماصارت الساعه 8 رجعنا جان وكت عشه هسه كاعد يصبو
قيس:هلا بويه جيتو بخوش وكت تعالو اكل
ليث:تسلم خويه ماكل جاي احجي فاتت بنيه عرفتها قمر مالحكت المحها حتى كبل ندارت للكامنتر تساعد امها طلعت للاستقبال خبرت أبوي وكتله ع السالفه وسديت التلفون وفات قيس
قيس:بويه اني قررت
ليث:اي عمي كول
قيس:اني راح ارجع بس بشرط
ليث:والي هوا؟
قيس:محد يستفسر على حياتي القديمة وقمر محد يتدخل بيها من ناحيه دوامها لبسها وغيره
ليث:غالي والطلب رخيص مايصير الا الي تريده
قيس:ارتاح بويه اني طالع
