قمر: ايدي ترجف وكلي ارجف خاييفه حيل شنو راح يصير بيه بعد مااعرف بديت حياه جديده ويا انسان جديد ركبنا وبدت الزفه جان ماسك ايدي ويسوق واني ايدي مستمرة ترجف خايفه لأبعد حد مادري من شنو
_ لاتخافين
_ خايفه
_مني؟
_اي
_خافي من الكل الا مني
_ شمعنى
_ سامعه بأحد يأذي نعمته بايده؟
قمر: سكتت بدينا نمر بطريق غريب ... وين رايحين
_ لبيتنا
_ يابيت
_ بيتنا
_ ليش عدنا بيت
_ اي ليش ماعدنا جا نضل هناك
_ بهل لحظه زاد خوفي وارتباكي وصلنا نزلت ورجلي يرعشن وصلنا وفتح الغرفه فتت نزع جاكيته تقرب وطبع بوسه على خذي
_ نصلي؟
_هزيت راسي رحت بدلت الحمدلله لكيت شي مو كلش مفضوح صلينا وهو طلع زفرت نفس شوي بس اريد يخلص هاليوم الي صار شطوله شوي ورجع بايده اكل
_ تعاي
_ ماريد
_ تعاي ابني مماكله شي من الصبح
_ مو جوعانه
_ ميخالف تعالي وياي
_ كعدت ويا سوا لفه صغيره وانطاني ياها اخذتها مااكدر اكل مالي نفس ابد بس اكلت منها شوي وتركتها كمت اغسل غسلت لكيته يلم الاكل رحت المه ويا لزم ايدي وجرني علي وبعد فتره استوعبت انو جان فخ منه هو يعرف راح اجي لهذا لمها دفن رأسه برقبتي كزبر جسمي واحس صخنت لأول مرة يتجرء لهل درجه حاولت ابعده بس احسه مو وياي رايح بغير عالم
_ مهووس بيج
_ كالها بنبره قشعرت بدني اريد اصده ابعده بس شي يمنعني
نطلع بره اني وياكم ونروح على كوبلاتنا البقيه
رامان: شئ غريب اشوف بنت اختي بفستانها الأبيض كانها اميره تشبه ريام لدرجه مو طبيعية نسخه نسخه
_ حلوه مو
_ ملاك
_ تستاهل يارب تنسعد ويا
_ مشتاقلج
سِبال: وين جنت
_ انتِ الي وين جنتي عني
_ ماكان بايدي
_ ماعفتي الكاف
: حتى انتَ
: اموت عليها
: احم خلي اروح بابا يسطندرني(ينتظرني)
: روح بويه روحي ... احس ردت روحي من شفتها صح ماجانت بفرحه قمر بس تحقق حلم جنت اشوفه مستحيل جان شبه مستحيل نتقابل ببالي بس رجعت وشفتها ونفسها ماتغيرت نفس الجمال نفس الصوت نفس اللكنه جميله هي حيل جميله عيونها وسيعه وخضر رموشها طوال بشرتها السمره غمازتها شعرها القصير هي كلها على بعضها تجنن وتنطي الواحد راحه من يدحك عليها وهسه مستحيل افلتها من ايدي ماتكون الا الي
نجي للكوبل المفضل الي
سراج: جاي أمر من الباب نضربت بشخص انداريت بس اريد الزمه
نور: العفو .. كلتها وراسي بالتلفون فجاه انجر التلفون مني ... هاي شنو جيبه
سراج: عوفي نعالج وامشي عدل
نور: ماريد اعوفه عادي تجيبه باوعلي من فوك لي جوه ورفع تك حاجب
سراج: احد يطلع هيج؟
نور: شبيههه
سراج: وجع أبوي فستانج عاري
نور: شكرا على نصيحتك انطيني تلفوني اريد اولي
سراج: لبسي شي وولي
نور: اي بس انطيني مو غبيه ادري
سراج: ويا منو راح تروحين
نور: كرم
سراج: منو منوووو
نور: اذني كرم كرم
سراج: لا وتعيدها مالكيتي الا هل ك***
نور: استغفر الله مع الأسف مالكيت
سراج: جا مو لازم تروحين
نور: مع الأسف عليه طلب
سراج: امشي اني اوديج
نور: ب... راح وعافني يارب شكد مستفز عاف تلفوني وطلع هيهيي يحسبني اروح ويا لاماحزر شلت تلفوني لبست عبايه فوك فستاني زتيت حجاب على شعري ورحت بكل برود صعدت ويا كرم عادي شنو بس يتأمر قابل لعبه اني مشى كرم وبدت الزفه جانت تجننن حرفيا جانت جبيره حيل كلها أصدقاء ذيب يجننون البارحة الجوبي جان يجنن بس ماكدرنا نشوفه لان ماجان بحوشنه بس وصل فيديو بسيط زفيناهم لبيتهم ورجعنا ماانكر خايفه يعني بس خلي مره ثانيه يطلب باحترام شنو اني دُميه مثلا نزلت اطقطق بكعبي طبعا كل من رجع لبيته نزلت وحدي للبيت فتحت الباب لكيته كاعد بالمطبخ ويدخن فزيت فزه والله ردت ابجي من الخوف جان لابس كله اسود وشفقه سوده وبايده جكاره يمه منظره يموت ... مامااا اخخ كلبي
سراج: لملامه تلمج لم انت شنو من عناد الله مخلي بيج
نور: رجعت اعلك بالعلك شبيه
سراج: تساللل انوببب مو كلت تعاي وياي الا تاكلين
نور: اشش اشش لاتكمل شكرا أولاً ماحبيت اسلوبك ليش تتأمر فقررت مااجي ثانيا شلون اجي وياك وحدي
سراج: اممم حلو حلو زين ياام اسلوب تدرين شنو
نور: خير
سراج: تدرين البحث مالج يمي
نور: كالها بهمس شنووو سراجج ويينه ماسويتله شي موو صارلي اسببوع اسويي
سراج: والله شوفي افكر احركه لو اشكه لو بس اغيره
نور: سراجج عليك الله لا والنبي متت تعب بي
سراج: اوييي والنوبي الا اشوكه
نور: لو افتهم شنو مشكلتك بحجيي المهم وينه حباب
سراج: بغرفتي
نور: شلحت الكعب على صفحه كعدت ع الكرسي المقابيله.. متأكد
سراج: اممم
نور: راح اروح
سراج: ولي
نور: ماكو أسلوب ابد مشيت رحت لغرفته...يارب الا هذا متت علي والنبي فتت للغرفه بديت اشوف فوك المراية ماكو فوك التخت ماكو بالچكامچ ماكو متت تعب وماكو شلت تلفوني اتصلت علي ... انت وينك وينك وين البحث مالي كلتها وشوي وابجي سده بوجهي وماجاوب هنا صدك بجيت صارلي أسبوع انام ساعه باليوم اشتغل علي يارب مصايرله شي رجعت ادور شويه واحس الباب انقفل انداريت شفته اجه ... وينه سراج والله اذا شاكه الا انت تعيده.. رجع دحك علي نفس هذيج النظره انتبهت حجابي ماكو خلي يطير اريد بحثي هسه تمدد ع التخت وعافني يمي بطل مي شلته وضربته بي ... لاتتجاهلني لاتصير حيوان كوم طلعلي البحث ولاباوعلي ردت اطلع الباب ماينفتح ... شنووووو هااايييييي
سراج: راسي راسي
نور: وين المفتاح
سراج: مع الأسف غرفتي بعد ال11 تتقفل اعذريني
نور: شنو تتقفل شنو اعذريني سراج جيب المفتاح قسم بالله اصيح
سراج: صيحي الا تطلع روحج غرفتي بيها عازل
نور: تدري أنت مريض لو لا
سراج: وبعدين
نور: حباب خلي اخذ البحث
سراج: تؤ (لا)
نور: سراااج
سراج: عيونه
نور: اريد البحث
سراج: اخذي بالكمدينه هناك
نور: مستغربه شبي فجاه فتحت الكمدينه وفعلا موجود اخذته وحضنته... حبيبي بيك شي كلبت اوراقه مابي شي اوفف الحمدلله اجيت افتح الباب لكيته مقفول.. عادي اخذ المفتاح ... مده الي وهو يدحك بالتلفون اخذته من ايده... شكرا فتحت الباب وزتيتله المفتاح رحت لغرفتي اويي شبيه هيج عندي طاقه وجوعانه خلي انام احسن مشتاقه لقمر مادري ليش استغفر الله خلي انام احسلي
