قمر:حطيت ايدي على كلبي واني ميته خوف نزلت بسرعه لكيتها منهاره بالكاع دموعي مانزلت شلون مدري
نور:لاتخافين دز رساله انو زين بس يريد يرتاح
قمر:بهل لحظه بالذات مدري ليش كرهته كل هالمده شتت عيله كامله جان يكدر يدز رساله من البداية بس تركنا كلنا خايفين دمر أخته ودمرنا كلنا هزيت راسي صعدت فوك رجعت نمت بعده الخمول عندي كعدت فتحت موبايلي رجف كلبي من لكيت رساله منه
ذيب: مشتاقلج اكثر منهم كلهم بس بين عيوني منظرهم
قمر: حسيتها لغز مو رساله منو هم الي منظرهم بين عيونه دزيتله
_شلونك
رد بعد دقائق
_انتظر رحمه الله
_ريتال متدمره ليش هيج سويت
_لو تدرون حالي ماجان حجيتو هيج
_انت زين
_اني شمس مال صيف ياهو اليحبي من احركه؟
_صير زين علمود ريتال
_وانتِ كادره بدوني
حسيت بهل لحظه سؤاله غريب مدري شلون كتبت
_لا
بكل غباء كتبتها هو صح دمرني جان يضوجني بس يسوي أجواء بيومي بعد شوي رد
_ولاانه كادر بدونج اريد الزكج بيه
_ماعرفت شرد طلعت من المحادثه نزلت جوا جانت حاله البيت شوي احسن رحت اكلت شوي ورجعت صعدت شغلت قران وكعدت ارتب الغرفه اخر شي بخرتها وصارت تشهي بس مال نومه ماقاومت ونمت كعدت على لمسات على وجهي وريحته الي ملت المكان احس شي ينفخ علي يرجع يبوس رقبتي نداريت على هل لمسات فتحت عيوني شفته كدامي متغير لدرجه لو ماعطره ماعرفته تعبانن وذبلان عيونه ناعسه حواجبه معگوده تلمس رموشي ورجع باس خدي واني متصنمه حتى ماتحركت رجع تمدد يمي وجرني علي ومدري شصار بس رجعت نمت بدون مااحجي أو هو يحجي شئ غريب مشاعر غريبه جديده متنرفزه منه اريد اكله شكد مامعصبني بس مبين تعبان الله يعلم شنو شاف وهو اكيد تعب كعدت لكيته بعده نايم انتبهت ايده ملفوفه تلمستها مبين مو معقمها زين فتح عيونه جريت ايده فتحت الضو عندي عده اسعافات طلعتها وبديت اعقم الجرح وهو ماكو اي رده فعل بس منتبه علي زين خلصت ولفيتها
ذيب: ليش مهتمه
قمر:رفعت عيوني علي غمض عيونه قوي ..... شبيك
ذيب: تعبان
قمر: لاتتعب
ذيب: مو من حقي؟
قمر: اذا تعبت تتعب عيله وياك ضل قوي
ذيب: المناظر الي شفتها تبرد الكلب وتوجعه صح هم اعدائنا بس اوففف لو تشوفين اطفالهم سبحان الله شنو من جمال اكيد راح ياخذون طريق اهلهم بس ليش هيج ظلمو اطفالهم وخلوهم يمشون على طريق خطأ فقدنا من مجموعتنا شهداء راحت تقريبا 5 أو أكثر الله يعين اهلهم بس الزين مو متزوجين وهذا شوي اهون بس مناظر اهلهم تكشم الكلب
قمر: ماتو شهداء أن شاء الله بالجنه تقدم على القنفه الكاعده عليها خله رأسه على رجلي وغمض
ذيب: اشتاقيتلج بكد نفسي
قمر: تلبكت ونثولت ....جذاب
ذيب: شنو الجابرني اجذب
قمر: لان لو تحبني وتشتاقلي ماجان تركتني حتى ماطمنتني عليك
ذيب: تحبيني؟
قمر: اكرهك
ذيب: يلا على الأقل عندج مشاعر تجاهي
قمر: اريد اكوم
ذيب: ضلي
قمر: استغفر الله اريد أولي
ذيب: زعلانه؟
قمر: اي
ذيب: زعلات الجلب
قمر: دفعته وكمت يارب شكد اكرهك مايعرف يكول كلمه بيها خير رحت لغرفه نور واني شكد كارهته كعدنا نسولف جرني الواهسس بعدين كمت رحت للمطبخ ميته جوع مماكله كلشي فتحت الجدريه لكيت دولمه ردت اكل وغيرت رأيي جاي اطلع من المطبخ صارت بوجهي مرت حسين بس هلمره لابسه دشداشه قبل فتره فكرت بيني وبين نفسي وقررت اعاملهم وكانو ماصار شي ماريد احرك اعصابي واضوج مالي اي دخل بيهم ابتسمت وطلعت شئ غريب ومؤلم من تشوفين عائلتج مشتته تماماً تحسين نفسج ضايعه تعبانه ماعندج سند وبيت احس نفسي تايها شي صعب جد صعب صعدت لغرفتي رتبتها شفته ناسي اللاسلكي ماله تافافت ورحت اوديله يا ردت ادك الباب بس كلت هو مايدك ليش ادك فتحت الباب لكيته متمدد زتيته علي وردت اطلع ادري بسوالفه الخايسه فاخذت احتياطاتي طلعت بسرعه شفته كام بس مالحك طلعت وصلت غرفتي طكيت ضحك ادري ضاج لان مادكيت الباب وزتيته علي اوفف تستاهل برد كلبي رجعت أكمل شوي وانفتح الباب انداريت واني مبتسمه اختفت ابتسامتي من شفت حسين فات
حسين: اكدر احجي وياج
قمر: تفضل كعد ع القنفه رحت يمه وعيوني مليانه عتاب
حسين: يمكن هسه تكونين كارهتني وهذا حقج ومحد يكدر يحجي أو يعاتب بس ياقمر اني جنت غبي غبي لدرجه صدكت بكلام أبوي وقبل كم يوم عرفت انو كله جان جذب ماكو شي صح وجان يسوي هيج حتى يخليني اكرهج وابتعد عنج
قمر: شنو مافتهمت شي
حسين: شوفي من جنتي صغيره أبوي جان متزوج اثنين من امج حملت بيج توفت من جابتج
قمر: حجي هالشي واحس الدنيا وكفت بهل أثناء فات ذيب من شاف حسين كعد بهدوءء
حسين: من توفت أبوي كرهج لان جان يشوفج سبب بموت امج وجان دائما يكلي هي كتلت أمها صرت اكرهج واشوفج قاتله كل مااجي اتقرب منج يبعدني ويكلي لاتصير مثلها وقبل فتره عرفت الحقيقه قمر اني نادم لدرجه مو طبيعية لاليلي ليل ولانهاري نهار سامحيني قمر اسف على كل مره بجيتي بيها بسببي اسف على كل مره انضربتي بيها بسببي
قمر: نزل علي برود الدنيا بهل لحظه ضحكت باستهزاء اسف!محسسني كلمه اسف سحر وراح تشفي وجعي راح تروح اثار الضرب الي بجسمي راح تخفي اثار الحروق الي بجسمي حسين اكثر الاثار بسببك صارن على أي وحده بالضبط اسامحك اتهمتوني بالقتل بالقتلللل واني مالي ذنب اسوء أنواع الكلام واسوء أنواع الضرب كلامكم الي لحد الان سجاجين بكلبي وجاي هسه بكل برود تكلي سامحيني واسف شتتوقع اكلك مسامحتك الله يخليك شتحس شتحس وانت هسه مدمر اختك بدال ماتكف وياي ضد أبوي وكفت ويا الظالم وعفت المظلوم تتذكر شلون جنت انضرب ضرب من البس شي غير العبايه بسببك اشوفك اثار الضرب لو تتذكرها وهسه مرتك عادي واني اختكك حسين لاتتامل بيوم نرجع ولو احنا اصلا ماصرنا يمكن اسامحكم لسبب واحد وهو انو مااريد اقابلكم يوم ربي يجمع المتخاصمين هذا الشي الوحيد بسس
حسين: قمر حقج كلشي حقج اني طالع وتذكري راح أضل احاول دائماً
قمر: طلع وانهاريت تقرب علي وضمني على صدره يهمس اششش اهدي يفرك على شعري يمكن هو الوحيد الي مااذاني عكس الكل قاسي وشرس ويا الكل الا وياي فرغت كل الي بكلبي وهو حاضني وماحجى اي شي بعدت عنه ... جنت تدري مو؟
ذيب: وعيونج ماادري
قمر: رجعت حضنته واني منهاره يعني هاي مو امي وهو أبوي وجع كلبي بهل لحظه بعدني عنه خله ايدي على وجهي
ذيب: اذوج؟
قمر: حيل
ذيب: اكسرهم والله اخذ حقج اخذه
قمر: ماريده بالدنيا اريده بالاخره ربي ياخذه ضمني على صدره وصوت نفسه سريع مبين معصب بعدت عنه مسحت دموعي دك موبايله كرص خدي وطلع شوي وفات وملامحه متغيره معصب حيل
ذيب: قمر .......
قمر: صدمتي صارت أضعاف نكسرت بهل لحظه اكثر من أي لحظه ثانيه
الانستا💙
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قناه التليكرام انزل مشاهد من بارتات القصه قبل لاينزلن هنا رابط القناه بالانستا 💙
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
