ادري الوقت مو مناسب واكثركم جاي يفطرون هسه بس لان ادري بعدين انسه وهلبارت طويل يعني ف احبكم كومااااتت💙💙
ذيب: قمر راح اكول شي بس اهدي ماشي
قمر:شكو كول
ذيب: قمري خوالج يردون يشوفوج واذا ماتريدين هالشي ترى راجعلج مااغصبج على شي نهائيا
قمر: صدمتي صارت أضعاف نكسرت بهل لحظه اكثر من أي لحظه ثانيه هسه تذكرو انو اختهم عدها بنت ورى ماتدمرت وتمنيت احد ينقذني بس محد جا هسه راجعين ...شسوي بيهم لااريد اشوفهم ولايشوفوني ولاعندي خوال ماعندي بس نفسي اني أساسا عبالي ميتين هسه تذكرو
ذيب: قمر لاتستعجلين
قمر: مامستعجله
ذيب: فكري زين ورديلي خبر
قمر: كالها وطلع مدري منين ابدي وشحجي احس كلشي تراكم علي مشاعر تخوف شكد ماتوجع احس روحي راح تطلع حتى نفسي يخنكني كعدت ع التخت واخذني التفكير مثل كل مره بس هلمره قررت وماراح ارجع بقراري ماراح اضل قمر الضعيفه الي كل شي يكسرها راح اكف على رجلي ماراح اسمح لهذول الوحوش ياكلوني خلص لهنا وبس فتحت الكنتور فتت سبحت بمي ثلج اريد يطفي غليل كلبي المشعول بدلت ونزلت جوا اكيد يتوقعون انو منهاره بس لا ابد ماراح اخليهم يشوفوني مكسورة واذا بيوم انكسرت راح انكسر وحدي نزلت وكعدت احجي ويا نور واضحك وكانو ماصار شي صعدت فوك انفتح الباب انداريت شفته واكف رافع حاجبه رجعت خليت الحجاب وابتسمت
ذيب: حلو حبيت التغيير
قمر: ثنكس
ذيب: عجيبه انتِ عجيبه
قمر: ليش
ذيب: وين الكبل شوي جانت منهاره
قمر: شوف اني فكرت انو الصراحة محد يستاهل انهار علي وبعدين شوف جمالي بالنهايه انهار ومدري شنو نوو الصراحة ماحبيت الفكره
ذيب: هو وينه الجمال رحمه للخلفوج
قمر: مكيود
ذيب: اي ماراح ارد بس هسه لي ايمت تتاجل السالفه
قمر: ياسالفه اشر على اصبعه الي ينحط بي خاتم حطيت ايدي على وجهي اوففف انوب ضيم انوببب
ذيب: جا اني شكول
قمر: انت ابو الحظ عندك راح تتزوجني شرايحلك
ذيب: ايععع والله الله يعيني
قمر: منو جابرك
ذيب: محد بس حاب اكسر خشمج لا اكثر
قمر: هههاي تحلم
ذيب: احس نفسي كاعد ويا *** على هل ضحكه
قمر: لا يا أدب سز
ذيب: المهم اني افكر واكلج
قمر: راح اسكت بس ترى اوففف ضوجه
ذيب: اركصلج
قمر: يارب مو شايفه شخص مليق بكدك
ذيب: شهاده اعتز بيها احسن شئ انت تشوفيني مليق
قمر: انت ليش كاعد وياي وتكرهني جابرتك اني
ذيب: اي مجبور
قمر: مبين
ذيب: خاب اكوم احسلي ما مكابل ناس فكر
قمر: طلع وكلت يافكر ياحقير ياكلب شكد اكرهك ماكدر اطلع الي بكلبي بس من يروح كمت غسلت ونمت مدري شبيه بس انام كعدت على مي بارد فزيت من مكاني
ذيب: نعيماً
قمر: ياحقييير
ذيب: صار ساعه اكول خطيه اتعامل وياج مثل الانثى بس ماكو ميته كومي لج
قمر: شكو شكوو
ذيب: العقد باجر وماكو اي تاجيل وانتهى الموضوع
قمر: كالها وطلع يارب هذا شبي والله منفصم رجعت زتيت نفسي ع التخت يارب شراح يصير بيه بعد معقول يكون زين وياي واعيش ويا حياه سعيده مستحيل هو قاسي واذا عصب مايشوف كدامه عادي يتخله عني ويتركني بس اذا عصب شرس من شفته مابرزت بالقصه جانبه الشرس بس هو شرس قاسي لأبعد حد قاسي لدرجه مايرحم المقابيله اذا احد لمسه بمي يردها بلهيب مو نار مايثق باي انسان على وجه الكره ومستحيل راح يثق بيه لان مواثق بشخص كمت غسلت والتفكير دمرني نزلت جوا انوب حتى تكمل مجتمعين رحت للمطبخ منداره اشرب مي فاتت نور مبين ضايجه هذوله شبيهم يارب رحت وراها دكيت باب الغرفة
نور: تفضل
قمر: هاي
_ اهلا
_ شكو شبيج
_ ولج راح انجن والله شكد اكرها لهل بشر
_ منو شبيج فهميني
_ دقيقه خل ابدل حتى ارتاح
_ بدلت وجت كعدت يمي
_ بس اسمعيني وكليلي لان راح انجن
_ كولي يلا
_ شوفي مبدله اريد اروح على خوالي لان خالتي دزت علي حتى ابات يمهم لان مسويه عزيمه فكل عزيمه تجمعنا واكعد مع البنات اجى وسام ياخذني الي هو أبن خالتي طلع هذا الحقير سراج من شاف وسام كال والله ماتكدر تجي عدنا حفله بعد باجر تساعد البنات بس شوفي الفشله اني كايله لخالتي راح اجي وعلمودي خلت ابنها يجي وهو فشلني وانوب قفل باب الديوان علي حتى مااطلع وبعدين فتحه ووله تخيلي احس راح اموت من الفشله
_ يا ههههههههه اخخ هههههه
_ وجع شنو الي يضحك
قمر: ولج اخ هههههههههههه
نور: وسسممم اكللها راح اموت من الفشله تتمضحك الله ياخذج ياحقيره
قمر: ولج هذا عاشك
نور: شدتحجين رحمه لابوج انجبي ماريد رايج
قمر: اخخخ ياربي اختنكت😭😭😭😭
نور: كومي لاتموتين روحي ولي والله زعلت
قمر: طلعت واني ميته ضحك يارب طلعت من غرفتها واني اضحك سمعت صوته
ذيب: برابيك ومحمد تضحككك
قمر: باوعت علي بنظره اشمئزاز غميته وغمني وصلت لغرفتي كملت ضحكتي اريد اسكت ماكو شوي وفات
ذيب: وسم سممم ضحكتج لي غرفتي
قمر: نقلتت اكثر وعلت ضحكتي
ذيب: ولج شكووو بيها شي هالبنيه مريضه
قمر: اخخخ ولكك
ذيب: هاي عليمن ولج
قمر: ترى ماسبيت
ذيب: هاي مال ولك لاتعيديها
قمر: اهووو هسه شرايد
ذيب: الصخام مالي
قمر: شنو
ذيب: طيح الله حضج
قمر: هذا شبي طلع من الغرفة يارب والله منفصم مو طبيعي راح يجنني ويا نزلت جوا شفتها نزلت ومبين ضايجه ومعصبه وشلون صدفه صارو على نفس الطريق رادت تفوت ع المطبخ وهو راد يطلع
