قمر:جاب الجهاز جريت منه نفس شوي صرت احسن
ذيب:هذهو خلصت اللعبه
قمر:ايي يعني فزنا
ذيب:اي بالغش
_لاعيني بجهودنا
نور:اهو لاتكلبوها كونه خل نرجع تعبت
قمر:فعلا رجعنا للبيت صدري يوجعننني حيل احس شي ينغزني بي كانو راكضه دهر مو شوي كمت اريد اخذ نفس فتحت الشباك بس ماكو الوقت جان متأخر شوي يعني صار فتره من رجعنا ذبيت حجاب على راسي ونزلت جوا فتحت الباب وطلعت برا احاول اخذ نفس فجاه احس ايدين نحطت على كتفي انداريت بفزع
قمر:ش..جا..بك
ذيب:بيج شي
_لا
_كومي خل نروح للدكتور
_مابيه شي هسه يروح
_اخخ ردت اكول لاتركضين بس عساس جنتي راح تسمعين الكلام
_ماله دخل
_شلون بالله ماله دخل هو هذا الاذاج
_اخذت نفس وشوي صرت احسن اني اتنفس وهو ايدي على اكتافي ووجها بوجهي رفعت عيوني صارت عيني بعينه بعدت عيني عنه وردت وفتت جوا رحت لغرفتي ونمت لان تعبت من اليوم
"ذيب"
اجا الليل وجدي جان مستعجل على السالفه الخطوبه حجى وياي وكال راح اكوللهم ماعارضت حجى وكال ا لعمي ووافق حتى بدون مايسالها انصدمت قرر بدال بنته عن قرار المفروض هي تختاره وتحدده بل لحظه الي وافق بيها حسيت شعور غريب مدري يمكن لان صارت الي وهسه ماراح اضطر امنع نفسي منها يمكن ماريد بس انتهت السالفه ثاني يوم شفتها نزلت وعادي كلت معقولة تدري وراضيه بعد شوي كلت لنور يبدلن اخذهن على الشط لمار رادت تروح وكبل اجت على بالي هيه بكل سالفه تجي ببالي فعلا جت وكالبه خلقتها عرفت درت بالسالفه ضجت حيل يعني ماتريديني وصلنا ع الشط نزلت الغراض لكيت العبايه ماكو والشعر طاير ويا الهوى كاعده يمها نور رحت لي يمهم نور كبل افتهمت وكامت كعدت يمها من أصل يمها اعجز عن كلشي وهلشي يخليني احس نفسي ضعيف كلت كلام مو حقيقي اني اتمنى أكون زوجها بس ادري هسه مستحيل وبعدين يجوز هم مستحيل كامت واني ضليت صافن بالمي شوي ناداني الياس طلعو متسابقين على لعبه هي مواجهتني واني مواجها انثولت نسيت شلون العب شوي وختنكت ورجعنا وهم رجعت كلبت خلقتها جت ببالي أغنية ماجد المهندس شغلتها تكول
روحـي مشتاكه الحضنتـه
طووول اهوايه ابـزعلتــه
مغــيـر وگــالـب علـيـــــه
فــدوه للكالــب خلقتــــه
هوه قلبـي وهـوه دكتــــه
وحب حياتي اللي عشگتـه
فـــدوه للگالــب خلقتــــه
ويـلي منـه اشگد عنيـد
قلبـه يمكن من حـديـد
مسيطر ويعرفني احبــه
وغيـر واحــد ما أريــــد
شلوون بـي واشلوون بيـه
خـاف نبقـه مــو سويــــه
زيـن اذا ادزله رسـالــه
اشلون اذا مـــارد عليـــه
*******
ااخ لوصوتـه سمعتـــه
الـه ابوسـه من كلمتــه
شنـو الهسـه ماوحشتـه
فـدوه للگالب خلقتـــه
.
كلشـي بغيابـه كرهتــه
اختنك اذا تركته
كلش اهـوايـه افتقدتــه
فـدوه للگالـب خلقتــه
.
هـوه حب عمري الوحيـد
اشلـون اذا يبقـى بعيـــد
انـي لو عمـرين اعيــش
راح احبـــه من جــديــد
