ذيب: لحد ما انهد حيلي واني اشوف شلون يرتفع وينزل وكله اجهزه نزف خشمي وداهمني الظلام من كل مكان ...فتحت عيني متمدد ع السديه بايدي كانونه بحركه سريعه شلتها طفرت دم بس آخر همي دمي يروح فدوه لاخوي مشيت بسرعه بس اريد أصل للمكان لكيت دكتور بوجهي ...دكتور سراج *** وينه وينه بسرعه _اهدى اخوي زين الحمدلله نجى بصعوبه بس الحمدلله نجى ذيب: مثل واحد مهموم وجا مراده جبل ونزاح عن كلبي وينه دكتور _ اشرلي على غرفه مشيت بسرعه شفته متمدد مبين هسه مفتح عيونه شافني ابستم تقدمت علي حضنته وهو يضحك ... و وجع جدي سراج: ولك طلعت تحبني أول مره ادري ذيب: همست يم اذنه مااعتقد تضحك لان احبك يمكن لان غير ناس يحبوك سراج: رجعنا لتمسلتك ذيب: وينهم هذوله الناس سراج: راحو عمي جو خوالهم وراحو شيسوون بيه ذيب: اوووو شكد حركه قاسيه سراج: مو اكلك ذيب: وانت سنه على ماتطلع نعلت ابو أبوي سراج: وانه شبيدي اكلك أول مره الاحظ شعرك مشيب صاير شايب ذيب: اليسمعك يكول وجهك مفتح هو انته يومين ويطلعلك شيب سراج: المهم ماطالع شوف شلون شعرك مليان ذيب: انه راح اسكت لان مريض بس بعدين نتحاسب ... ضل لليل والحمدلله استقر وضعه وقررو يطلعو طلعته بهدوء ادري بي متألم بس يقوي نفسه طول عمره ماشكى من الم حتى مايعترف انَ متاذي لو على كص ركبته انه الوحيد الي يشكيلي أوقات احس هو الي يتسمه ذيب بس هو صكر من صغره حتى من جا ع الدنيا كل مره جدي يكول عاكد حواجبه وانه كل مره يعيد نفس السالفه يكول محد بيكم جا مرخي حواجبه حتى ريتال اشوفه شلون يتلوى بالسياره وكاتم المه بس حتى مايعترف انو متوجع ذيب: اجيبلك مسكن؟ سراج: لا مابيه شي ذيب: من ايمت تجذب علي؟ سراج: ليش مصر والله مابيه شي الم طبيعي هسه يروح ذيب: ليش جنت تريد تعوفني ؟ سالت هالسؤال واني صوتي راح يروح كل مااتذكر منظره صدري ينضك وترجع بيه الذكريات لوفاه عمي سراج: جوني اني شفتهم حاولت اجي وياهم بس جانو يرددون باسمك جان كاضب ايدها ومبتسم وهي هم يرددون باسمك اخر شي تقدمت وهمست باذني لاتضيع حبك بكبريائك رجع كضب ايدها ومشو احاول الحكهم بس شي يمنعني لحد مااختفو تماما ذيب: اسمعه شيكول وتخنكه العبره ويحبس دمعته الي صار سنين حابسها ... ادري بي يقصد عمي كل مره يشوفهم وكل مره اشوفهم وريتال كل ماتجي تحجيلي شلون حلمانه بيهم وتبجي عمي الي كل طفولتنا هو الي صار أب لنا طلعنا ونسنا ضحكنا لعبنا وسندنه لحد ما جا اجله بحادث جان ماعنده اطفال حادث طشرهم تطشر هو وزوجته حتى جثثهم بصعوبه طلعناهم دمرنا من راح ريتال تدمرت دمار سراج الي جان كل النهار ويا عمي انعزل تماما واني الي برد دمي من لحظتها واندفنت مشاعري منظرهم بين عيوني شلون جان مشوه تماما ومرته الي جانت بحظنه حاول يحميها بس أراده ربنا جانت اقوى حبها حب مستحيل يكرره التاريخ 8 سنين وهو يحاول يتزوجها وبالف يالله يلا رضو و 9 سنين وشوي يلا صارت حلاله جان طاير ووراها اكتشف انو مايجيب جهال واصر يطلكها بس تخبلت وماقبلت بجت وبجى ومارضت وصار مثل ابونا أبوي جان دومه مشغول هو الي يتفرغلنا تعلقنا بي حتى جنه نصيحلهم ماما وبابا جان يكول صرتو كيوت علمتكم امكم ويتناكرون حبهم جان عظيم كافي انو يبين بعيونهم وحتى الموت راحوله سوه تنهد سراج وسكت واني سكتت احس صوتي انبح من تذكرتهم حتى ماحجيت وصلنا نزلته وبسرعه صعدته لاسلام ولاكلام تعبان ومابي حيل طلعت لغرفتي سبحت وبدلت ونمت التعب مسيطر علي كعدت على صوت دكه الباب ..فوت كل ضني حسام جا يشوف سراج وجا علي قمر: كعدتك؟ ذيب: لاوليدي تعال قمر: تقدمت كعدت ع القنفه المقابيله انت زين؟ ذيب: هزيت راسي قمر: ليش تجذب علي ذيب: ذبيت حسره جانت طالعه من كل كلبي منظره بالضبططط نفس منظرهم قمر: ذيب كافي احمد ربك سراج زين وبعدين شوف شلون بكل حلم يطلعولك ضاحكين ولازمين ايد بعض مو انت هيج تكول وتكول وجهم يشع منه نور ليش هيج تسوي وتاذيهم ترى كاعد تاذيهم مايصير اول مره اشوفه بهل حاله منهار داخليا خارجيا نفسه بالضبط لو اشوفه اكول مابي شي جر ايدي وصار يتمعن بيها ومثل الي يعد اصابعي ويرجع يكلب ايدي طبع بوسه خفيفه عليها كام بهدوء من التخت واني عيوني بس تراقبه اجا ع القنفه اليمي خله رأسه على رجلي وغمض عيونه ذيب: اصعب شي يعيشيه الإنسان هو شعور فقدان شخص غالي عليك تحس الدنيا فارغه ومالها معنى قمر: سؤال هما جان عدهم اطفال هز رأسه نافي ..زين عادي تحجيلي قصتهم عندي فضول تجاها ابتسم وكال ذيب: عمي حب مرته حب مستحيل يتكرر ومستحيل عاشگ يحب معشوكته لهل درجه ضحى علمودها بكوم اشياء حبها من جان صغير وخطبها اكثر من مره وجانو اهلها رافضين خوفاً من انو بنتهم تبتعد عنهم لان عمامي جانو بعاد عن اهلها بس استمر يحاول عاف شغله في سبيل يوصللها خسر كيعانه الاثنين نزلت رتبته ومافقد الامل لحد ما شافو اهلها شكد يحبها وقررو يوافقون جانت الفرحه ماسايعته ورى 7 سنين محاولات خطبها وطولو شهر يلا رجعوله خبر بس هم مافقد الامل وكال حقهم بنتهم عمي الي جانت الكل تحلف باخلاقه وكرمه ورى شهر ردوله خبر الموافقة وتزوجو ورى 8 سنين حب ومعاناه من طرف عمي بس البنيه ماجانت تعرف عمي أو بينهم علاقه ورى زواجهم بخمس أشهر ماحملت قرر عمي يراجعون طبيب واكتشف انو عقيم يعني مايخلف وطلب منها تتركه لان من حقها تكون ام بس هيا رفضت رفض تام وهو جان مصر انو تروح بحال سبيلها انهارت وبجت أتذكر هالمشهد رغم صغري جان حاضنها بكل قوته وهي تبجي وهو يبجي حبهم جان عظييييم رفضت تتطلق وجانت فرحته مو طبيعية بس جان ضايج انو ماراح يكون اب أو هي تصير ام صار هو ابونا وهي صارت امنا أبوي جان دومه مشغول هو جان يتفرغ النا يطلعنا يفوتنا جان طاير بسراج وكلها تحسبه ابنه لدرجه الشبه بينهم حتى بالطبع تعلقنا بي لدرججه صرنا نناديهم ماما وبابا وجان يكول علمتكم مرتي ع النزاكه والمياعه وهي تضوج ويضل يتحرش بيها لحد ماتبجي ويروح يراضيها جانت كلها تحجي بحبهم وعمي الي هيبه ونشامه ومايهزه ريح اجت هالوحده و هزته يوم جانو طالعين سوا وقضاء ربي صارلهم حادث قوي طشرهم تطشر من وصل الخبر جان مثل الصاعقه سيارتهم مختفيه والشخص الي جان موجود كال بس المسجل باقي وصوت القران يطلع منه عمي جان متدين علمنا نصوم ونصلي علم ريتال ع الحجاب ومرته جانت دره مستوره وهاديه جانت امي من رحنا ندفنهم احس دفنت كلبي هناك سراج جان منتهي رايح ضل أيام ع المغذي جان متعلق بعمي حيل ريتال هم حيلل تاذت واني لحد الان مامصدك أبوي وامي اندفنو واني عايش جان شعور يموتت تحسين النفس ماينجر دفنت اعز ناس على كلبي جوا التراب وبدال ماانام بحضنهم التراب حضنهم ونام وحتى من ماتو ماتو سوا واندفن وياهم حبهم العظيم الي مهما صار ورى حب مايكرره بعد عيني علي لو اني ولا هوه لو مدفون كبله قمر: خليت ايدي على حلكه اششش لاتكول هيج الله يخليك واني منو يضل يمي ذيب: انه تعبان قمر تعبان ومحد ساندني احس نفسي اليوم طماعع كملت حياتي عادي بدونهم قمر: اششش انت مو هيج هذا حال الدنيا وكلنا لاحكيهم بس الله يخليك لاتعوفني اندار علي لف ايده على خصري وجها ببطني واني كاعده ع القنفه غمض عيونه واحس ثكل عرفته نام بديت العب بشعره لأول مرة المس شعره جان ثخخين مو اسود حيل مايل على بني ضليت العب بي لحد مانمت وماحسيت بشي بعد كعدت على طربكه فزيت من مكاني 😧😧😧😶
