قمر: كعدت على صوت طربكه فزيت من مكاني واني اشوف نفسي بتخته ومتغطيه وهو مبدل ويدور لسلاحه
ذيب: صباح الخير
قمر: صباح النور وين اني
ذيب: بالمالديف
قمر: هه متضحك شلون جيت هنا
ذيب: انتِ نمتي هين وحولتج هين
قمر: ليش ماكعدتني
ذيب: تحقيق يعني
قمر: اي
ذيب: انه انسان احب أفعال الخير
قمر: اممم لاتسوي خير وياي لو سمحت طلعت واسمع صوت ضحكته يارب هذا شبي البارحة جان ضايج والله مو طبيعي رحت لغرفتي تمددت واحس جسمي مكسر تخته( جربايه٫سريره) يكسر الجسم كمت غسلت وبدلت ونزلت جوا
الجده: عاش من شافج
قمر: صباح الخير كلتها وحضنتها
الجده: مايحتاج احضان الي يريدنا يجي يمنا
قمر: هسه اني كل النهار هين بس انت مدري وينج
الجد: وانه كاعد وياكم ومحد يسال علي
قمر: رحت حضنته واني اضحك هسه ياعيني غير كلبي يحس بيكم مايحتاج اسال بادلني الحضن وضحك
الجد: اي جذبي جذبي
قمر: ضحكت وكمت من حضنه رحت يم نور
نور: انت بس وكت الاكل تجيني
قمر: والبارحه منو جا يمي حتى بس اسويله كيكه
نور: معلومه ترى مااكلت منها جيت لكيتها خلصانه
قمر: ياا حلفي
نور: اممم ف اطلبج وحده بعد يعني
قمر: الله كريم شلون صار سراج
نور: واني شمدريني اسالي رجلج
قمر: عندي نكته بس أخاف انكتل
نور: أعرفها واذا كلتيها راح اكتلج فسكتي
قمر: سكتنا بس هسه صدك مارحتي شفتي
نور: تؤ
قمر: ياا ولج خطيه ليش مارحتي جا ليش رحتي ع المستشفى ترى بلكي محتاج شي
نور: جان كال لذيب
قمر: لا طبعا اكو اشياء مايكدر يكولها لذيب
نور: راح يكولها الي يعني؟
قمر: يس اكيد
نور: ولي عن وجهي ماراح امشي ورا كلامج
قمر: هاي شبيج هسه اني شمسويه وبعدين شبيج تتراجفين من نجيب سيرته ترى ماياكل بشر
نور: وين تراجفت وين هاي ايدي من حالها ترجف وهوه يحسب من عنده وانتِ تحسبين من عنده ترى والله ايدي هي ترجف من حالها
قمر: هسه شبيج اكلتينا ياعيني دروحي شوفي والله خطيه ع الأقل كليله الحمدلله على سلامتك وبعدين صراحه موقفج مجان حلو من عفتي وجيتي علمود خوالج
نور: يااا قمر عفيه لاتكليلي هيج افتهمتي جا اكيد هو هم هيج افتهم
قمر: شنو
نور: ولج الحمدلله كلتي شوفي اني مارحت علمود خوالي
قمر: جا ماتروحين تكولين والله ذيب كال انو أول مافتت كالي هيج وهيجي سوت
نور: ياربي شلون فشللله
قمر: ماكو فشله روحي كليله وهاي هيه
نور: تكولين
قمر: ايي... راحت كلت ويا نفسي والله مااعوفكم الا تعترفون شهل كبرياء رجعت أكمل
نور: تفشلت فشله يارب والله مو هيج الموضوع وصلت باب غرفته افوت لو لا يلا خل افوت بس هسه راح يحجي ببرود وراح يموتني ويدوس ببطني يلا عادي تعودت دكيت الباب وفتت بعد ماسمح الأخ
نور: احم الحمدلله على سلامتك
سراج: شكراً
نور: كعدت على القنفه المقابيله الي فعلياً اجي على غرفته علمودها تجنن مريحة وشكلها يجنن شسمه اني مارحت علمود خوالي جو
سراج: اممم
نور: سراج لاتسوي هيج لاتدوس ببطني احجي زين
سراج: شحاجي
نور: المهم اني رجعت لانو بابا طلب مني ماازعجك وكال حتى تأخذ راحتك وهيجي فلهذا اني رجعت وهم ابوك تخربط لان انت تدري انو هو مايكدر يفوت للمستشفى وكذا فتخربط لأن يخبر ومحد يرد فضطريت ارجع وهذا السبب وخوالي اساسا ماشفتهم بس اللهم شفت وسام وهاي هيه ف انت فاهم غلط
سراج: شفتي وسام؟
نور: امم
سراج: يعني عود صدكت
نور: والله بكيفك تصدك او لا شي راجعلك بس اسالك سؤال
سراج: خير
نور: هاي القنفه منين مشتريها
سراج: شعليج
نور: اهووو والله مو صوجك صوجي ولاتكول عادي اسال ذيب
سراج: مايعرف
نور: عادي اصلا محلوه
سراج: تروحيلها فدوه أغلى منج
نور: لا بالله أغلى مني
سراج: صدكيني أغلى منج
نور: هاي عود اني جايه اسال عليك و
سراج: بس كبل لاتكملين ايدج ليش ترجف
نور: اهووو مااخلص ايدي ماترجف منك مادري هيه تضل ترجف ومالها علاج
سراج: اممم
نور: يلا باي طلعت من الغرفة لان جنت راح ادوس بعمليته على استفزازه بس يلا اهم شي بررت ولو اني مو مجبره رحت على ست الحسن لكيتها تسوي كيكه ... يا بعد روحي راح تسويلي وحدههه
قمر: اي
نور: فديت كلبج
قمر: شهل لواكه هاي
نور: يلا عادي نصبغج
قمر: تخرخرين سخافه... كملت الكيكه ورحت لغرفتي بديت ارتبها وكعدت افكر شنو جاي يصير وياي ليش فجاه كلشي صار زين معقول هذا اسمه هدوء ماقبل العاصفه لو هاي هيه كلشي استقر بمكانه وحصلت الشي الي ردته يارب والله ماضل بيه حيل مشاكل
ذيب: ماضل مشاكل أن شاء الله
قمر: انداريت مصدومه شجاي تسوي هين ايمت جيت
ذيب: هسه جيت تعاي تدني يمي
قمر: كعدت يمه شنو
ذيب: هيج اريد اكعد اتأملج
قمر: احم شنو شبيك
ذيب: مابيه
قمر: جذاب
ذيب: هاي ثاني مره تجفصين
قمر: شنو
ذيب: بويييه شكد فاهيه
قمر: اني
ذيب: لا الحايط
قمر: اوفف رجعت ظهري ع القنفه وهو رجع ظهره هم صافن علي وصافنه علي ادري يريد يكول شي بس متردد ... كول لانخليها بكلبك
ذيب: شكول
قمر: الي يدور هسه ببالك ذب حسره
ذيب: لي ايمت نضل ناجل
قمر: مادري
ذيب: ايمت تريدين
قمر: ماريد
ذيب: ايمت تريدين
قمر: بكيفك
ذيب: بعد يومين
قمر: هزيت راسي ذبيت حسره من كل كلبي ورجعت راسي ع القنفه حسيت بلمسات على خدودي نهضت راسي ابتسم وهمس لاتضوجين مني باس خدي وطلع واني متصنمه مثل كل مره يسوي هيج رجعت راسي واني افكر شنو الي جاي يصير ليش هيج اني متشتته ورايحه بغير عالم ماجنت هيج يارب مااريد احبه لا ياكلبي عفيه لا كمت واني احاول اطرد الأفكار من راسي نمت وماحسيت بشي كعدت الصبح مستغربه انو مو يمي عادهً الكي كاعد كدامي ويدخن كمت نزلت جوا بعد ماغسلت شفتهم متجمعين ع الريوك كعدت واني اشوف تجمعهم وهو ماكو شوي وفات من بره بالزي مالته عرفت البارحة جان كاعد يمي ووراها كبل راح وهسه يلا رجع مو كلت يريد شي ابتسمت من فات
ذيب: صباح الخير
قمر: كالها وهو مستغرب من تجمعهم ردو بصوت متفرق صباح النور
الجد:تعال اكل
ذيب: بالعافيه وين سراج
الجد: ماقبل ياكل.
ذيب: حضروله بصينيه خل اوديله
قمر: اندارت عمه بسرعه جابت صينيه خلت جم شغله وانطتها اله اخذها وصعد فوك تعجبني بي حنيته احس ابنه مو اخوه معتني بي لدرجه من رجعو ع البيت بعد عمليه سراج عيونه ذبلانه وخايف وتعبان بقى طول الليل ويا سراج لحد ماخليته يكوم شوي ينام لان ماينام باي مكان حنون حيل وبالذات على سراج لاحظت يعامله غير الكل بعمري ماشفت بعينه نظرات حنيه غير كدام سراج وكدامي احس يصير غير شخص ويا الغير كلامه جدي ورزن و وياي غير كمت لغرفتي وانصدمت من المنظر ....
مدري شكول ماضل شيي بنات بارتين ثلاث ونخلص راح اشتاقللكم كوم كومممم وراح انزل قصه بس مو هسه بس هالقصه حيييل راح تحبوها وتعجبكم متاكده واحبكم كومه والله انتو احلى شي صارلي لكولي اسم الكم اريده مختلف لان مالكيت اني احبجن كوم كوم💙💙💙
انستا ❤️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رايجن بالأفتار الجديد❤️؟
تصبحن على خير نزلته بهل وقت ادري غلط بس هسه خلصته احبجن كوم تغطن زين واقرن قران قبل ماتنامن وتصبحن على خير حبيباتي احبجن❤️
