_العفو اخي التحليل مو مطابق
ذيب: شلون يعني مو مطابق
_ يعني مو مطابق
ذيب: له له شهلفرق
_ انتو مو وسام و رحاب
ذيب: لا مو خ*** و***
قمر: كرصته اسررر
_ العفو منكم جا منو
ذيب: اسر وقمر
_ اهاا اي نعم مطابق طلعو ع المحكمه
قمر: جر المعامله وفشل الولد... آسر شبيك خطيه فشلته
ذيب: يستاهل طيح حضي وكف الدم بجسمي
قمر: سكتت مدري شبيه دخت لزمت ايده قوي
ذيب: شبيج كلبي
قمر: لا بس وقت علاجي
ذيب: جايبته
قمر: لا
ذيب: ليش ياقمر ليش
قمر: ماعبالي نتاخر
ذيب: امشي ركض
قمر: طلعنا ويسوق بكل سرعته واني شوي واكع مدري شصار أول مافتنا رحت لغرفتي وهو وراي معدتي موتتني فورأ تقيأت (اسفه اذا احد كاعد ياكل) غسلت وطلعت
ذيب: شبيك ابني شبيك
قمر: مادري
ذيب: تعاي هاج علاجج
قمر: اخذته منه شربته
ذيب: تعالي تمددي
قمر: سانده نفس علي مددني
ذيب: البارحة كلت حجيت لاتروحون الجو بارد صرتو عشاق براسي رحتولي على حديقه جا مادفاج حضن الأخ
قمر: متوجعه بس ضحكني ههههههههه شنو دفاني استغفر الله .. كرص خدي
ذيب: اييي ضحكي ياجكارتي الخلصانه ضحكيي
قمر: شمعنا جكاره
ذيب: لان مدمن عليها مثلج
قمر: سرسري
ذيب: گريدتي
قمر: اني گريده اسر اننني عض شفته وغمض
ذيب: يبوو جفصنا نامي حبيبي نامي بالغلط
قمر: خوش يعني اني كريده شوف منو تحجي وياك
ذيب: اكسرج اذا ماتحجين
قمر: عود قاسي يعني
ذيب: تدرين انت شنو
قمر: جكاره ... ضحك بصوت عالي بحيث الكل اتوقع سمع
ذيب: غيرها
قمر: مادري
ذيب: قساوتي
قمر: قصدك.همجيتك
ذيب: اعبرها لو نتعاقب؟
قمر: لاحباب عبرها
ذيب: عسقلتيي
قمر: شنو هاي انوب
ذيب: هاي انثى الذيب
قمر: اممم راح انام .... بده يمرر ايده على شعري وفورا نمت شوي واحس اريد افتح عيوني مااكدر صعب حيل بس اسمع صوته فوك راسي يقره إيات فتحت عيني ورجعت كبل غمضتها احس شي يمنعني احجي اجاني صوته اسمعه بس مااكدر افتح
ذيب: ابني انتِ وليدي شبيج فجاه تسمعيني قمري يقمر دنيتي كومي لاتكسريني
قمر: الم بكلبي يموتني نفسي صعب هزيتله راسي بمعنى اسمع لزمت ايده قوي رجع ضغط عليها اخيرا طلع صوتي .... ج ه ا ز الربو
قمر: راح جابه كبل بس ماكو مااكدر اخذ نفس احس ماكو اوكسجين
ذيب: قمري حبيبي ضلي وياي كومي لاتغمضين
قمر: شوي ورجعت عادي زفرت نفس بقوه واخذ نفس بكل قوتي حضني قوي وصوت دكاته ونفسه مسموع حضنته
ذيب: انتِ زينه يكل حيلي؟
قمر: هزيت راسي ... نومني ع التخت ويقره قران وايات لحد ماغفيت وماحسيت على شي بعد فتحت عيوني بعد فتره لكيته يمي بعده يشتغل بالملفات أول مافتحت تركهم وتقدم علي
ذيب: شلونج يعافيتي
قمر: زينه
ذيب: يبعد حيلي وعيناي
قمر: ابتسمت ... كمل شغلك كرص خدي ورجع كمل واني صافنه مادري شجاي يسوي يحجي بالاسكلي ويكتب ويمسح ومركز لأبعد درجه
ذيب: كومي اخذي علاجج
قمر: حجاها وهو مركز بالملف كمت اخذته وصافنه علي شعره نازل خصله منه وهوه سعره اسود فحم رغم هو يكول مو اسود بس اني اشوفه اسود واسمر عيونه فصالها حلو
ذيب: ادري بنفسي حلو
قمر: احم منو كال
ذيب: ليش مو عاجبج
قمر: سكتت يارب هذا شتجاوبه تقدم علي وكعد ع القنفه فرش الملفات جر ايدي لازمها ويكتب واني صخنت اتخيل أحد يفوت يارب عركت والله ... آسر لااحد يجي شبيك
ذيب: ليش محسستني كاعده ويا عشيقج
قمر: رشاش رشاش ... كمل شغله واني ع الموبايل مافلت ايدي شوي وطبك الملفات باس خدي
ذيب: اذا ردتي شي خبريني لازم اطلع هسه خبريني مو تتخمعين
قمر: هزيت راسي طلع وكمت غسلت وسبحت طلعت نشفت شعري نعمته جا على بالي اكوي كويته اخيرا خلصته خليت الحجاب ونزلت جوا جريناها سوالف وبعدين طلعت لغرفتي اخذ علاجي نزعت الحجاب فتحت شعري اخذت علاجي وانفتح الباب انداريت شفته فات ابتسمت
آسر: زين تعرفين وقت العلاج
قمر: وليش مااعرفه حجيته واني اشيل شعري تقدم على جرني علي وحاوطني من كل الجهات فتح شعري توترت واحمريت اكره هالحركه توترني بعدت ايده عن شعري رجعها بعد ماباس شفتي نزل على رقبتي شمها قوي وهمس باذني
آسر: أسبوع بس
قمر: شنو
آسر: أسبوع وتصيرين مرتي
قمر: واني اخر من يعلم
آسر: لا بعد محد يعلم بس اني وانتِ
قمر: وليش أنت الي تقرر
آسر: اذا اخليها عليج سنتين زين
قمر: بعد عني
آسر: واذا مابعدت
قمر: بعد يعني بعد اريد اخذ علاجي الثاني .. فلتني تبعدت فوراً شلت شعري كاعده ابلع العلاج انحضنت من ورا ... آسر ابتعيد مليون مره كلت اكره هالحركه
آسر: تعودي عليها اني حيل احبها
قمر: هاي مشكلتك
مر الأسبوع بشكل هادي كان عباره عن تجهيزات وسوق اجا يوم الحنه
قمر: مشاعر غريبه ومختلطه مو كادره أعرف لشنو تشير بالضبط هل هي فرح لو حزن لو خذلان شعور صعب الانسان يوصفه يعني اليوم الحنه مالتي على انسان جنت مستحيل اشوفه شريك حياه بس هوه الوحيد قدملي حنان قدملي حب ماشفته يم اهلي يمكن شي غريب اني مستغربه يم الصالون كاعده تفكير فجر مخي شلون تغيرت مشاعري فجاه اني مستصعبه الموضوع هل راح اكدر اعيش ويا راح نتوالم سوا راح نكون عائله ناجحه لو راح ينتهي كلشي بعد فتره الخوف متملكني صحيت على صوت الصالون وهيه تكول كملت ادحك على وجهي شكد متغيره المكياج قوي مادري اذا حبيته أو لا لبست البدله جانت ماروني هم حلوه طلعت غير شخص جنت مرتبه حيل ومرتبكه حيل حيل حيل هو يحتفل ويا اصدقائه هذا القانون استمرت الحفله جانت تجنن ركصنا وجان الوضع طيبه نسيت كلشي صراحه والتهيت ويا البنات اخذنا صور وفديوهات تونست حيل احس رحت بغير عالم عالم خالي من المشاكل والحزن والالم والمعاناه خلصت الحفلة فتت سبحت مسحت المكياج احس متكسره تعب رغم هذا جنت مصره أشارك شعوري لدفتري وقلمي الي مشو وياي واستمرو بكل رحلتي بالحياه
"الأربعاء
تراودني مشاعر غريبه تجعلني اعجز عن ربط الكلام وتكوين الجمل مشاعر لاأعرف اذا كانت حزن أو فرح التفكير ياخذني من كل الجهات كأنه بحر يجرفني وانا اغرق هناك بينما كنت غارقه لياتي آخر شخص توقعته أن ينجدني لانقاذي ويصبح عالمي الخالي من المشاكل والالم ليصيح احن لي من ابي وأمي كان شعور غريب ولازال أن أرى ذلك الشخص يشاركني حياتي بكل تفاصيلها ولايكمل يومي الا بوجوده مشاعر غريبه تجعلني اعجز عن نهي تلك الكتابه بجمله مفيده"
غلقت دفتري ولحد الان الأفكار مداهمتني ورجع تكرر نفس الموقف بين النايمه والكاعده سمعت صوت باب انفتح ماكدرت افتح عيني واشوف منو بس كان عطره كفيل حتى اعرفه منو اجا كعد نفس المكان القديم يدخن اشم ريحه الدخان
ذيب: باجر تصيرين يمي ويسموج مرت ذيب مره اسر تدرين الشي الغريب شنو الغريب اني فرحان مادري ليش انتظر هاليوم بفارغ الصبر بس خلي يجي وتصيرين بحضني واكون يمج صدكيني راح اعوضج عن كل يوم حسيتي نفسج بي تعبانه عن كل دمعه نزلت منج وراح احاول اخلي دموعج ماتنزل بسببي ابد
قمر: طبع بوسه خفيفه وحنينه على خدي وطلع مشاعري تحركت بهل لحظه حسيت هذا هوه الشخص الصح غفيت وكعدت على صوت ماما حتى نروح للصالون ميته خوف وارتباك ارجف من كل عقلي رحنا للصالون وسوتلي مكياج اليوم طالعه اجنن احلى من البارحة بهواي الفستان جان اختياره ماشفته لي اليوم جان موديله يجننن حبيته لأبعد درجه وكف الدم بجسمي من سعتهم يكولون اجا ذيب ايدي ترجف وكلي ارجف خاييفه حيل شنو راح يصير بيه بعد مااعرف ..
ولنا في الغد حكايه 🤍
العبارة مو الي لمريم 😭
البارت صار ثكييييل بالدوب كملته بس كلولي رايكم بكلللشي لاتشوفون وتروحونن🔪🙂
حساب الانستا

