وبعد مرور وقت من الحديث ذهبت "كارمن" الي منزلها وبدلت ثيابها وكانت تحاول ان تتحدث مع "ادهم" ولكن هاتفه كان مغلق فذهبت الي النوم .
في احدى الغرف كان يجلس "امير" و "هنا" .
هنا بعصبية :- انت رجعت اللي اسمها "كارمن" تاني ؟
امير بضحك :- انتي عبيطه ارجع لمين دي مجرد خطه .
هنا ببسمه مكر :- دماغك فيها ايه يا "امير" .
امير ببسمه شر :- فيها كتير اوي .
هنا بزهق :- "امير" انا مش فاهمه منك حاجه اولا سافرت فاجاه ورجت فاجاه انت ليه بتعمل معايا كده انت متعرفش اني بحبك انا حقيقي تعبت من تصرفاتك .
امير بضحك :- طب اهدي وانا هفهمك كل حاجه وعايزك تفهمي اني بعشقك مش بحبك بس .
هنا ببسمة :- ايوا ايوا اضحك عليا المهم قولي انت ناوي علي ايه وسافرت فاجاه ليه .
امير :- ولهي مقدر اضحك عليكي ..... سافرت عشان "كارمن" عرفت كل حاجه .
هنا بخضه :- مش فاهمه ازاي وعن انهي حاجه بالظبط ؟
امير :- عرفت اني انا وانتي علي علاقه فكان لازم اسافر لانها كانت هتقول لاابوها وهو مكنش هيرحمني .
هنا بخضه ودموع :- تصدق انك حيوان يعني فكرت في نفسك وسبتني انا اصلا عيله زبله اني حبيت واحد زيك .
امير بغضب :- "هنا" احترمي نفسك انا لو كان عندي شك واحد في الميه انك هتكوني في خطر مكنتش هسيبك الخطر كان عليا انا وبس لاني ....
هنا بخوف :- لانك ايه انت عملت ايه تاني ؟
امير وهو بيحاول اخفاء خوفه :- ولا حاجه ولا حاجه المهم مش عايزه تعرفي انا رجعت ليه .
هنا :- ابهرني .
امير ببسمة :- "كارمن" فقدت الذكره ومن حسن الحظ اني من الجزء المفقود .
هنا بذهول :- يعني ايه وازاي حصل كده ؟
أمير ببسمه شر :- عملت حادثه ... يعني مش فاكره اي حاجه حصلت قبل كده ودلوقتي احنا بنتعرف علي بعض من اول وجديد فهطلع كل الحلو اللي عندي عشان اقدر اخليها تحبني .
هنا بوجع :- طب حلو انت هتتجوزها ؟
امير بشر :- اكيد هتجوزها "كارمن" دي ثروه واللي يفرط في كل الفلوس دي يبقي غبي وكمان ابوها مات يعني كل الثروه هتكون "لكارمن" و "رغد" بس انا بطرقتي هاحول كل الفلوس علي اسمي انا وانت ياقمر لاني مستحيل احبها دي واحده غبيه واي حد يقدر يضحك عليها تحسي انا طلعه من كارتون او روايه .
هنا بدموع :- طب بعد متتجوزها انا وانت وضعنا هيكون ايه ؟
امير وهو يعانقها :- انتي هتكوني حبيبتي حتي بعد جوازي منها انا هتجوزها عشان فلوس ابوها مش اكتر وهخلي حياتها عذاب .
أنت تقرأ
ليله غيرت مجري حياتي
Romanceيأتي القمر بعد الشمس وكذلك الشمس تأتي بعد القمر ولكن يوجد فترات بينهم مثل الشروق والظهر والغروب وكذالك حياة الإنسان اوقات تبدأ بالشروق وتنتهي بالغروب او تبدأ بالغروب وتنتهي بالشروق وهذا ماحدث مع بطلتنا التي بدات حياتها بالشروق لكن هل ستنتهي بالغروب...
