وبعد مرور وقت ارتدت "كارمن" فستانها الراقي والجذاب الذي يرسم تفاصيلها وكانت في غايه الجمال .
عليا بااعجاب :- قمر يا "كارمن" والميك اب تحفه قمر اوي .
كارمن بفرحه :- بجد شكلي حلو .
عليا بدموع :- والله انا معنديش كلام يوصف جمالك "ادهم" هيتجنن لما يشوفك .
كارمن بستغراب :- وليه مش "امير" .
عليا بصدمه :- "امير" مين واللي فكرك بي ؟
كارمن بضحك :- انتي غبيه يابت انا هتجوز "امير" .
عليا بصدمه اكبر :- احي مش فاهمه يعني قصدك ان العريس "امير" مش "ادهم" .
كارمن بضحك :- يعني انتي كل ده مفكره اني هتجوز "ادهم" مش "امير" .
عليا بصدمه :- مش فاهمه حاجه طب انتي تعرفي ان "امير" كان خطيبك قبل الحادثه ؟
كارمن ببسمه :- اه عرفت بصي انا مكنتش فاكره اصلا بس هو كلام ماما واتعرفنا علي بعض وهو بجد شخص كويس وبيحبني واي حد مكانه كان مش هيكمل تخيلي معايا كده انك كنتي مرتبطه بشخص وفقد الذاكرة اللي يجبرك انتي ترجعي ليه تاني وتفكري بنفسك وتحببي فيكي "امير" مكنش مجبر انه يرجع بس هو عشان بيحبني حاول كتير عشان نكون سوا فاهمه .
عليا بصدمه :- انتي مش فاكره "امير" عمل معاكي ايه ؟
كارمن بستغراب :- عامل ايه مش فاكره ؟
عليا ببسمه خوف :- ولا حاجه بس "ادهم" فين ؟
كارمن بستغراب :- برا بس ليه بتسالي ؟
عليا بتوتر :- ولا حاجه بس كنت عايزه اقوله علي شويه حاجات ناقصه .
وبلفعل خرجت"عليا" من الغرفه واخذت تبحث عن "ادهم" .
عليا بتوتر :- طنط هو "ادهم" فين ؟
سلوى بستغراب :- هتلاقي في الجنينه برا ليه في حاجه ؟
عليا :- لا مفيش بس في حاجات ناقصه هقوله عليها عن ازنك .
سلوى :- استني طيب ايه اللي ناقص .... والله البت دي شكلها اتجننت .
عليا وهي تلتقط انفاسها :- "ادهم" انا عاوزك في حاجه مهمه .
ادهم بستغراب :- انتي "عليا" مش كده ؟
عليا وهي ترفع حاحبها :- يعني بقولك عايزك في حاجه مهمه وانت بتتعرف ولهي هنشل .
ادهم بضحك :- ههههه اسف في عايزاني في ايه ؟
عليا بدموع خوف :- "ادهم" "كارمن" مش فاكره "امير" عامل ايه قبل الحادثه .
ادهم بستغراب :- اهدي انا مش فاهم حاجه هو عامل ايه ؟
عليا بعياط :- قبل الحادثه بفتره احنا سمعنا "امير" بيتكلم مع بنت اسمها"هنا" علي تليفونه وكان بيقولها ان الخطه ماشيه تمام وانه قدر يوقع "كارمن" في حبه وبعد مسمعنا الكلام ده استغربنا اوي وفضلنا مراقبينه لحد مادخل مطعم واحنا واقفنا من بعيد وسمعنا كل حاجه.
أنت تقرأ
ليله غيرت مجري حياتي
Romanceيأتي القمر بعد الشمس وكذلك الشمس تأتي بعد القمر ولكن يوجد فترات بينهم مثل الشروق والظهر والغروب وكذالك حياة الإنسان اوقات تبدأ بالشروق وتنتهي بالغروب او تبدأ بالغروب وتنتهي بالشروق وهذا ماحدث مع بطلتنا التي بدات حياتها بالشروق لكن هل ستنتهي بالغروب...
