Sung's Mine ( Completed )

2

" ဒီတစ်ခါနောက်ဆုံးပါပဲ သခင်လေး၊
နောက်တစ်ခါ .... "

" ဒိုင်း "

တောင်းပန်စကားမဆုံးခင်မှာပင်တောင်းပန်နေသူ၏နားထင်အားသေနတ်ပြောင်းဝမှကျည်ဆံကတစ်ဖက်နားထင်ဘက်သို့ဖောက်ထွက်သွားခဲ့သည်။

" ဒီကောင့်ကိုသူ့သခင်အိမ်ရှေ့သွားပစ်လိုက်၊
သစ္စာဖောက်တို့ရဲ့သွားရာလမ်းကတစ်လမ်းပဲရှိတယ်"

ပတ်ဆောင်းဟွန်းရဲ့ဘဝမှာသစ္စာဖောက်တွေကိုအခွင့်အရေးပေးခဲ့ရိုးထုံးစံမရှိ။သနာကြင်နာခြင်းဆိုတာမရှိ။ကိုယ်ချင်းစာပေးခြင်းဆိုတာလည်းမရှိ။ဘယ်သူသေသေ ငတေမာရင်ပြီးရောဆိုတဲ့လူစားမျိုးဖြစ်သည်။ကိုယ် ကိုယ်တိုင်လည်းစည်းမရှိကမ်းမရှိမဟုတ်သလို ကိုယ့်ကိုစည်းလာကျော်ခဲ့ရင်လည်းလွှတ်ပေးရိုးထုံးစံဆိုတာဆောင်းဟွန်းဘဝမှာမရှိ။

ပတ်ဆောင်းဟွန်းဆိုသည်မှာSun& Sunflower ဆိုတဲ့ဆောက်လုပ်ရေးကုမ္ပဏီတစ်ခုကိုအသက်ငယ်ငယ်ရွယ်ရွယ်
နှင့်ဦးစီးနေသည့်စီးပွားရေးလုပ်ငန်းရှင်တစ်ယောက်ဖြစ်သည်။
ထိုကုမ္ပဏီကိုအယောင်ပြကာနောက်ကွယ်တွင်ကြီးမားသည့်
ဒုစရိုက်လုပ်ငန်းများစွာကိုဦးဆောင်လုပ်ကိုင်နေသူတစ်ဦးလည်းဖြစ်၏။ဆောက်လုပ်ရေးကုမ္ကဏီကြီးမှာလည်းတရှိန်ထိုး အောင်မြင်နေပြီး၊ငယ်ရွယ်ကာအောင်မြင်သည့်လုပ်ငန်းရှင်တစ်ယောက်ဖြစ်သလို၊မှောင်ခိုဒုစရိုက်လုပ်ငန်းဘက်မှာလည်း ဆောင်းဟွန်းနဲ့လက်တွဲလုပ်ကိုင်ချင်နေကြသည့်ဒုစရိုက်သမားများမှာဒုနဲ့ဒေးပင်။

ခန့်ညားချောမောသည့်ရုပ်ရည်ကိုပိုင်ဆိုင်ထားပြီးမျက်နှာထားကနူးညံ့သလိုရှိပေမဲ့အနေတည်ကာအေးစက်သည့်အသွင်အပြင်ရှိသည်။အသက်ငယ်ပေမဲ့လုပ်ငန်းပိုင်းနှင့်ပတ်သက်လျှင်တိကျပြတ်သားသူမို့အခြားလုပ်ငန်းရှင်ကြီးများကတောင် ပတ်ဆောင်းဟွန်းကိုရှိန်တတ်ကြသည်။

ပတ်ဆောင်းဟွန်းရဲ့မျက်နှာထက်အပြုံးဆိုတာမရှိသလောက်ရှားသည်။သူ့အပြုံကိုမြင်ဖူးသည့်သူကကံထူးသူဟုဆိုရလောက်အောင်အထိအပြုံးအရယ်မရှိသူလည်းဖြစ်၏။နူးညံ့သိမ်မွေ့ဖွယ်အသွင်အပြင်ရှိသည့်မျက်နှာထားကခက်ထန်နေမှုနှင့်မလိုက်ဖက်ပေမဲ့ ပတ်ဆောင်းဟွန်းဖြစ်နေလို့ကိုကြည့်ကောင်းသည်။အသက် 22နှစ်အရွယ်သာရှိသေးသည့်ထိုယောက်ျားကပြည့်စုံဝာာထက်ပိုလွန်းသူဖြစ်သည်။