مجنونه ولكن احببتها

32

الدكتور  :اه الحمدلله اطمن هي بخير والعمليه نجحت الحمدلله بس
اوس قلبه وقف للحظات:بس اي
الدكتور:هي لازم تاخد علي الاقل اربع جلسات كيماوي
اوس:اي!!!!!! اومال انا جايبها تعمل عمليه ليه
الدكتور:العمليه اتعملت فعلا ونجحت بس الكيماوي ده عشان يقضي عليه عشان لو انتشر في حته تانيه ده حاجه مش بتتشاف غير لما تكبر شويه ويكون فعلا بيادكل الجسم
اوس:يعني هنتاخدهم هنا
الدكتور:لا عادي تنزل بالسلامه وتكمل هناك هما ان شاء الله اربع جلسات بالظبط وربنا يتم شفها علي خير وهتابع مع الدكتور الي في مصر
اوس:ان شاء الله علي خير هي فين وعامله اي
الدكتور:لسه في البنج هي هتكون تعبانه وهتحتاج لسه تقعد في المستشفي علي الاقل اسبوعين دي عمليه كبيره ولازم تبقي تحت المتابعه
اوس:هقدر ادخلها امتي
الدكتور:اما تخرج بس ونسيبها شويه وبعدين حضرتك ادخل براحتك
اوس:تمام
قطع تفكيره الفون رن
اوس:اي يا معتز
معتز:ابعتلي لوكيشن للمستشفي الي انت فيها او اسمها
اوس من غير اعتراض: اسمها******
معتز : ماشي سلام
بعد وقت قليل كان معتز وصل
سأل علي اوس وطلع لقي اوس قاعد وحاطط ايده علي دماغه وسرحان
معتز:اوس
اوس بص ناحيه الصوت
معتز  راح قعد جمبه وخبط علي كتفه :كله هيعدي يصحبي فتره وهتعدي انت اقوي من كدا عدي عليك اصعب من كدا
اوس:لسه هتاخد كيماوي يا معتز انا مش عارف اقولها اي اكتر حاجه كانت خايفه منها هتواجهها
معتز صعبان عليه صحبه :كله خير والله يعني متاخدش الكيماوي ويجي بعدها بفتره لقدر الله يحصل ليها حاجه وساعتها نقول ياريت الي جرا ما كان
اوس:صعب اوي يامعتز والعمليه دي كبيره اوي انا هاين عليا ينقله المرض في جسمي وهي متتعبش ثانيه
معتز:هي جت فيها عشان ربنا عرفك قوي وهتستحمل وعشان تقف جمبها صبر نفسك عشان تعرف تقف جمبها
الدكتور قالك هتدخلها امتي
اوس:لما يخرجوها ويظبطوا الاوضه وهي ترتاح شويه
معتز:ربنا يقومها بالسلامه يارب ان شاء الله ترجع واحسن من الاول اجمد كدا انا عمري ما شوفتك بتضعف كدا ده انا بتعلم منك
اوس:لو قولتلك اني ضعيف بسببها هي تقطه ضعفي ومصدر قوتي
معتز عارف ان صحبه تعبان اوي والي ظاهره ده ميجيش حاجه من الي جواه معتز حضنه
اوس كان محتاج حد يحضنه محتاج حد يفوقه ويقوله فوق لازم تبقي قوي عشانها حضن معتز ومسك فيه جامد وغمض عينه وبدأ يظبط نفسه الي بدأ يعلي :يارب
معتز :هتقوم بالسلامه كل ده هيعدي والله هيعدي
اوس:يارب بقي يارب
*******
وعد:قولت اي
مالك:زي ما انتي سمعتي
وعد:لا قول تاني مسعمتش
مالك بأبتسامه: بحبك
وعد خبطته في كتفه:اخيرا قولتها ليه كل ده
مالك:احنا هنستعبط علي اساس كل ده متعرفيش ده انا الناس كلها قفشتني
وعد:كنت بخاف يكون احساس عندي وخلاص مش اكتر
مالك:لا مش احساس دي حقيقه بس اوعديني انك مش هتندمي
وعد:اندم علي اي
مالك:انك اتجوزتيني وعد افهميني انا كنت قافل قلبي وقولت عمري ما هحب ولا اتجوز ولا الكلام ده كله عشان انا مينفعش اعمل كدا هظلم غيري ولما عرفتك وحبيتك بقيت بخاف اكتر خايف عليكي مني خايف اسيبك خايف اظلمك
وعد؛ممكن متكلمش انت هتفضل جمبي وربنا يديك طولت العمر يارب وانا راضيه لو مش راضيه مكنتش فكرت فيك وعمري ما هندم متشلش همي انت وممكن مضيعش عليا اللحظه الحلوه دي وممكن تسيبني استمتع بيها
مالك:اوس يرجع واخلي اللحظه عمر
وعد عيونها دمعت
مالك:اوعي تعيطي متعودتش اشوف في عينك الدموع
وعد: دي دموع حاجات كتير اوي
مالك:طب ممكن متعيطيش عايزك ديما مبسوطه انا محبتش حد ادك بس اعذريني كنت مغفل ماشي كنت خايف ماشي
وعد: متقولش مغفل انا مقدره كل حاجه متغلش بالك
مالك:, طب اي مفيش اي حاجه كدا ولا كدا😉
وعد:,لا مش دلوقتي بقي لازم ادخل عشان الشغل
مالك:استني بس
وعد باي وبتجري وهتموت من الفرحه حاسه انها طايره
دخلت جوا وكملت شغلها جالها مسدچ خلصي شغلك ومتحتكيش بالواد الملزق ده عشان مجيش اكسره
ضحكت وكملت شغلها
لحد ما ادهم كلمها عشان يروحوا
بعتلها مسدچ خلصتي شغلك وعملتي اي النهارده
ابتسمت وسكتت
ادهم:مالك كدا مبسوطه الي يشوفك قبل ما ننزل كنتي علي اخرك
وعد:لا انا تمام كويسه عملت اي النهارده
ادهم:,"روحت والمكان مش عاجبني هنشوف حاجه  جديده
وعد: ربنا يوفقك وتلاقي علي طول لو احتجت اي تظبيط قولي اساعدك عشان انت عارف انا ذوقي راقي اد اي
ادهم:طبعا يبنتي
وعد:طب يلا شد شويه عشان ألحق اجهز العشا وناكل سوي ولا هنفضل ناكل من برا
ادهم:,وعلي اي يلا
وصلوا البيت
هطلع اغير هدومي وانزل بسرعه
ادهم : اشطا قعد يدور علي اماكن
رن عليه مالك
ادهم:جيت في وقتك والله
مالك:انا مش قولتلك يا حيوان انت تقولي عملت اي
ادهم:يا عم انا عارف انك مشغول قولت اتصرف
مالك:انت غبي يبني ما تتصل في اي وقت
أدهم:خلاص يا عم كفايه شتايم طب هنعمل اي
مالك:انا هكلملك واحد صحبي مهندس اصلا وعارف حاجات كتير زي دي ولو عايز تبني هو يبنيلك وفي اسرع وقت عايز مكان جاهز هو عارف بردوا
ادهم:ده حلو اوي ده طب اي فاضي امتي
مالك:لو عايزه دلوقتي اجبهولك
ادهم:خلاص حلو كلمه وتعالي انت وهو اتعشي معايا
مالك:خلاص ماشي هكلمه
ادهم:هستناك
مالك: اوك
نزلت وعد عشان تبدا تجهز الاكل
ادهم : ابقي زودي الاكل شويه بقي عشان مالك جاي ومعاه مهندس عشان هنشوف المكان الي هعمله
وعد:اي بجد جاي !!!
ادهم:اه مالك مصدومه ليه كدا
وعد:لا عادي مفيش حاجه هدخل احضر الاكل بسرعه
ادهم:اوك هاخد شاور لحد ما يجوا
وعد:اوك
دخلت المطبخ وبدأت تجهز في الاكل وكانت مركزه جدا عشان يطلع حلو
الباب خبط
ادهم نزل
وعد:انا خلصت الاكل هطلع ألبس بسرعه عشان مينفعش حد يشوفني كدا
ادهم:اشطا
طلعت تلبس
ومالك جه وجاب المهندس معاه
ادهم رحب بيهم وقعدوا يتكلموا مع بعض والمهندس اقترح عليه اكتر من حاجه واتفقوا
وادهم استغيب وعد لانها اتاخرت ومالك بيدور عليها بعنيه
فضلوا يتكلموا في المشروع بتاعهم قاطع كلامهم فون ادهم الي رن
ادهم استغرب وقام يرد بعيد
ادهم:اي يا وعد بترني هو انتي مش فوق
وعد:ابوه
ادهم:اومال منزلتيش ليه لحد دلوقتي يلا خلينا ناكل
وعد:منا مش عارفه البس اي
ادهم:نعم!!! ده احنا قاعدين في البيت يبنتي انزلي انجزي 
وعد: يا ادهم ساعدني طيب 
ادهم:منا مش عارف انتي جايبه اي يلا يا وعد انجزي
وعد: خلاص اقفل يا ادهم
ادهم:متزعليش انتي كل حاجه فيكي حلوه بس يلا الناس قاعده بقلها كتير حتي مقدمناش ليهم حاجه
وعد:تسلم يا دوما حاضر نازله
قفلت معاه ولبست دريش كشمير هادي بسيط كدا ولفت الحجاب ونزلت قدمت العصير وحطت الاكل ونادت علي ادهم
ادهم:يلا يا شباب الاكل
المهندس:لا انا مش هقدر والله تسلم همشي انا بقي عشان ورايا كام حاجه هعملهم واروح
ادهم:مش هينفع طبعا اشرب حاجه طيب
المهندس: شربت يبني اهو يسلم ايديك
مالك بصله بغضب ونغزه في كتفه خليك شويه يا اسامه
اسامه:اههه ولازمته اي سلام انت يا برنس
وعد كتمت ضحكتها
ادهم:مش عارف اقولك اي بس انا واثق من شغلك
اسامه:عيب عليك هثبتلك نفسي واسأل عني يلا سلام
ادهم:واثق يا عم
اسامه:سلام
مالك:سلام يا اخويا في رعاية الله
ادهم:ناوي تاكل ولا اي انت كمان
مالك:اه هاكل يلا يا عم فين الاكل
وعد:الاكل برد يجدعان يلا
قعدوا كلوا مع مناقشات ادهم ومالك ونظرات مالك من الحين الي الاخر ووعد الي مبسوطه بوجوده وانه مستمتع ب الاكل ومكسوفه جدا
خلصوا اكل
مالك:تسلم ايديك الاكل تحفه مشاء الله
ادهم، تعالي كل يوم كُل معانا
مالك؛لا يا عم ده انا امي هتشك فيا وتقولي اتجوزت من ورايا ومبقتش تاكل اكلي
الكل ضحك
ادهم:لا وعلي اي الطيب احسن يلا نغسل ايدينا وتعالي انزل معايا دور بلايستيشن ولا نسيت
مالك:يبني انت مبتحرمش وفي الاخر تقول الدراع بتاعي بايظ
ادهم: انزل بس وبطل كلام
مالك: أما نشوف
ادهم ومالك راحوا يغسلوا ايديهم وعد بتلم الاكل مالك خرج قبل ادهم
ده انتي مش اكلك بس الي حلو وقمر كمان
ادهم:يلا يا مالك
مالك:احممممم يلا يا ادهم انت فين يا اخويا
وعد اتكسفت جدا وقلبها مبسوط اوي حضرت عصير وقدمته وطلعت فوق قعدوا سوي شويه الوقت
مالك؛انا همشي بقي عشان عندي شغل الصبح
ادهم:اقعد بس الدور ده بالذات هكسبك
مالك:يبني انا تعبتلك والله
ادهم:لا انت خايف اصلا
مالك:يبنتي انت جايب واحد تصبح علي خير يا ادهم عشان انت محتاج تنام
ادهم:اهرب اهرب يا خواف
مالك,,انا ماشي عشان هفتح نفوخك
ادهم:غشيم اوي تصبح علي خير
مالك:وانت من اهله خلي بالكوا علي نفسكوا سلام
مشي وعد كانت قاعده تبعد رسايل ل ليل وتحكيلها اد اي هي مبسوطه وحكتلها الي حصل جالها مسدچ علي الفون
اي مش هشوفك قبل ما امشي اطلعي من الشباك
طلعت البلكونه وشافته وهو خارج شاور ليها وبهمس وهتوحشيني
ابتسمت ودخلت نزلت ل ادهم
وعد:دي مش جدعنه علي فكره
ادهم: ليه
وعد:قعدوا تلعبوا وسيبتني قاعده لوحدي
ادهم:يعني هتلعبي معانا
وعد:شوف شوف مبقتتش تهتم بيا ازاي فين ادهم اخويا التؤام هاااا ده انت واخد كل ملامحي قمر زي بالظبط بس شيششششش خلاص مفيش اعذار
ادهم:خلصتي
وعد:انت متأثرتش
ادهم:تعالي تعالي خدي هنا
وعد :لا متكلمنيش بجد مبقتش فاضي ليا ل اما ل المركز بتاعك او ل عهد حتي مش بتفتكرني
ادهم:اه قولتيلي حوار الغيره دي انا عارفه تعالي هاتي حضن
وعد جريت عليه وحضنته بجد يا ادهم انا بحبك اوي انت اخويا التؤام احنا بنحس ببعض من غير ما نتكلم وكنت فعلا محتاجه حضنك ده
ادهم:لو ميت حد دخل قلبي انتي لوحدك في حته تانيه انتي هبله ولا اي تعالي نقعد في الجنينه برا تحت النجوم زي ما بنحب
وعد: بجد انت مش وراك شغل بكرا
ادهم:لا لسه اسامه هيشوف المكان ويكلمني
وعد؛,وانا مش عندي بردوا تعالي يلا سهرانين يسطا للصبح
ادهم:يلا يا مجنونه عشان عايزه اتكلم معاك كتير اوي
وعد:وانا بردوا هروح اجبلك عصير وفشار وتسالي ونقعد برا
ادهم:هجهز القعده واستناكي
وعد:بيس يا مان
  *****
أيه:ها يا معتز ليل عامله اي
معتز:لسه مفقتش
أيه:ياالله والدكتور قال اي طيب
معتز:انا مش عارف اصلا احنا هنقولها ازاي اصلا
أيه قلبها اتقبض:هتقولها اي
معتز:اهدي كدا هي لازم تاخد علي الاقل اربع جلسات كيماوي
أيه؛يا خبر ابيض !!!!ازاي طب والعمليه دي لازمتها اي
معتز:ده احتراز لان ده مرض خبيث ممكن ينتقل في مكان تاني واعوذ بالله
أيه بدموع:يارب يارب تقومي يا ليل انا قلبي وجعني اوي
معتز :عشان خاطري يا أيه براحه اهدي كدا ان شاء الله هتبقي بخير
أيه:احنا صدقنا عملت العمليه مكنتش عايزه تعملها وعملتها عشان الكيماوي ده يارب خفف عنها
معتز:ان شاء الله هتكون كويسه هي قويه وهتعدي كل ده
أيه:يارب يارب
معتز:,ارتاحي دلوقتي وانا اول ما تفوق هطمنك
أيه؛حاضر متتاخرش عليا
معتز:هخليها تكلمك كمان
أيه:ماشي
معتز:روحي صلي وادعيلها
أيه:حاضر سلام
معتز رجع ل اوس
معتز:متشلش هم هتبقي كويسه
اوس:انا عايز اشوفها مش عايز اشوفها راقده كدا وانا متكتف انا عايزها تقوم تتخانق معايا تضحك تتنطط اسمع صوتها وصوت ضحكتها وحشتني بتوحشني وهي نايمه مرض مش متشاف ولا نعرف نحدده فين يغلبني انا كدا انا عارف كل ده في ايد ربنا بس انا عايزها تفضل جمبي هي الي بتقويني يا معتز هي الي بتمشي اليوم ازاي اشوفها كدا وحشتني اوي يا معتز لو تشوفها وهي جايه مبسوطه عشان البلد دي بتحبها ولو شوفتها وهي منهاره اول مره اشوفها بتعيط كدا كنت عايز احطها في قلبي واقفل عليها اقولها هاتي المرض في جسمي انا ...انا مش مرتاح يا معتز ولا عمري هرتاح وهي كدا انا عارف انها يتألم وتعبانه وعمرها ما هتقول كانت علي طول تخبي تعبها ديما تحب تكتب كل السلبيات وتكمل ليل هي الحياه
معتز:للدرجادي يا اوس بتحبها
اوس:يمكن انا وصلت لمرحله تفوق كل ده هي ضلعي الي لو اتكسر اعجز هي عيني الي لو اتصابت مشوفش هي دنيتي انا عايزها تقوم وتكمل معايا عايز اسمع اوس منها كل يوم
معتز بيسمع منه وحاسس اد اي قلب صاحبه بينزف من كلامه ده عينه دمعت وحزين علي صحبه ؛هتقوم وهتعيشوا سوي هترجع خليك قوي كدا عشان هي تقدر تكمل
اوس:بس تفتح عينها بس!!!! انا هدخلها
معتز:هترتاح !!!
اوس:هكلمها يمكن تسمعني وتقوم
معتز سابه لان عارف خو محتاج فعلا يقعد جمبها ويشوفها
دخل الاوضه وشايف ملامحها وهي تعبانه احساس العجز ديما مأثر عليه وشايف دماغها ملفوفه ومحطوط عندها اجهزه وايديها الي متوصل ليها اجهزه
خد كرسي وقعد جمبها مسك ايديها باسها وباس عينها
اوس:فتحي عينك وحشتيني محدش هيقدر يحس بقلبي غيرك عشان هو انتي.... انتي اكيد حاسه بيا قومي بقي انتي مش عايزه تتكلمي معايا ولا اي وحشني صوتك يلا قومي عشان نقعد تاني مع بعض وتحطي راسك علي كتفي وتحكيلي اصحي بقي انا اكتشفت اني ضعيف اوي من غيرك !!! مسك دماغه وسند علي ايديها مسك ايديها جامد ونام من كتر الارهاق والتفكير 
معتز شافه من برا صعبان عليه صاحبه بس ما في اليد حيله
قعد برا وسند علي الكرسي ونام
صباحا
الدكتور:استاذ اوس
اوس فاق :ايوه
الدكتور:ممكن حضرتك ننقلك اوضه وارتاح اكتر
اوس:لا انا تمام المهم هي ها هتفوق امتي كدا
الدكتور:هنبدأ نفحصها دلوقتي
اوس:اتفضل شوف شغلك
الدكتور بدأ يفحصها ويشوف النبض والمخ
الدكتور:كل حاجه تمام
اوس:اوماال مفاقتش من امبارح ليه
الدكتور بتفهم:استاذ اوس دي عمليه كبيره يعني محتاجه ترتاح اكتر هي مفقتش من امبارح ده تاثير العمليه عادي وهي ممكن تفوق علي النهارده بليل او اي وقت لكن كل الاجهزه بتقول ان كل حاجه تمام مفيش خطر ولا حاجه هي عدت مرحله الخطر الحمدلله
اوس: الحمد لله
الدكتور:هجيلها تاني عشان تاخد بقيت العلاج في المحلول لحد ما تقدر تفوق وتصحي عشان هي تقدر تاخده بنفسها
اوس:ان شاء الله
دخل عليهم معتز بيفرك في عينه :اي الاخبار
اوس:هي كويسه بس لسه مفقتش بس بيقول احتمال تفوق علي بليل
الدكتور:خير ان شاء الله استأذن انا
اوس:اتفضل
معتز:ان شاء الله خير يصحبي
اوس:يارب ...انت مروحتش من امبارح
معتز:اروح اروح فين
اوس:البيت بتاعنا
معتز:لا بجد اروح واسيبك هنا
اوس:اومال انت نمت فين
معتز؛ علي الكرسي برا
اوس:روح اغسل وشك وروح هتفضل قاعد تعمل اي
معتز:لا انا هفضل جمبك هنا مش هسيبك
اوس:انا كويس روح البيت استحمي عشان منظرك لا يطاق بصراحه وهاتلي لبس معاك
معتز:لا وانت شكلك عدل اوي يا عم روح شوف دقنك طولت ازاي
اوس:انت غبائك زاد الفتره دي علي فكره منا بقولك هاتلي هدوم معاك
معتز:ماشي هروح بسرعه وجاي
اوس:ماشي
معتز مشي واوس دخل يتوضي ويصلي جمبها وبدأ يقرء قرآن قطع تركيزه.الفون رن
اوس:الو يا امي
حياه:اي يا حبيب قلبي عامل اي واخبارك اي
اوي:انا كويس يا امي
حياه:حبيبي بجد انت كويس انا قلبي مش مطمن
اوس:لا اطمني انا بخير ادعيلي ديما وادعي ل ليل كتير
حياه:من عنيا يحبيبي من غير ما تقول وليل عامله اي
اوس بص عليها:كويسه ....كويسه الحمدلله
حياه:ادهالي اكلمها عشان وحشتني القرده دي
اوس بأبتسامه:اهي القرده دي نايمه اول ما تصحي هخليها تكلمك علي طول
حياه: ماشي يا حبيبي خلي بالك عليها وحطها في عنيك عشان دي بقت غاليه عندي اوي يا يبني والله
اوس: تسلمي يا امي جدي عامل اي
حياه:كويس وبيسلم عليك يا حبيبي
اوس:الله يسلمكوا يارب
حياه:,انا قولت اطمن عليك عايز حاجه انت
اوس:تسلمي حببتي
حياه: مع السلامه
اتنهد وبص عليها لسه مغمضه بردوا عنيها وكأنها اقسمت انها مش هتوريله عنيها
اوس :يارب وكمل قراءه وحاطط ايده على ايديها
وبدأت تحرك ايديها وتحرك عينها وكلمه واحده الي بترددها اوس
اوس بيستوعب اي الي بيحصل فجاه كدا
لف ليها بسرعه بلهفه
اوس:,انا هنا جمبك علي طول ولا اخر نفس فيا هكون جمبك اتاخرتي عليا اوي
ليل:بقالي كتير ولا اي
اوس:يومين و١٤ساعه و٣٠دقيقه و١٠ثواني
ليل بأبتسامه:للدرجه
اوس:وحشتي قلبي اوعي تقفلي عينك تاني انا كنت حاسك بتعاقبيني
ليل:مش قادره حاسه اني دماغي هتنفجر
اوس:ثواني وهجبلك الدكتور
ليل مسكت ايده :,خليك هنا متمشيش
اوس:مش همشي هخليه يجي يشوف دماغك
ليل:اسندني اتعدل عايزه اقوم انا بكره السرير بجد
اوس:معلش ان شاء الله مش هتشوفيه تاني تعالي اعدلك واجيبلك الدكتور
سندها وبدأت تتعدل وتتألم من دماغها
اوس نادي الممرضه تنادي الدكتور
ليل عينها دمعت وهي باصه علي اوس وهو رايح ينادي للدكتور وبيعدلها وفرحان انها قامت
رجع قعد جمبها حاسه دلوقتي احسن بتعيطي ليه
ليل:مبسوطه ان ربنا استجاب وبقيت احسن الحمدلله انا بجد فرحانه ومبسوطه حاسه اني اتحررت عارف العصفور المحبوس الي فتحت ليه القفص بقي حر هيرجع يطير  تاني
اوس :ان شاء الله الحمدلله انك بخير دلوقتي ده المهم
ليل: الحمدلله
قطع كلامهم دخول معتز
معتز :بسم الله ماشاء الله الحمدلله انك فوقتي انتي كنتي مستنياني امشي ولا اي
ليل بأبتسامه:معتز انت جيت هنا انت كمان
معتز:ده ألف حمدالله علي السلامه والله
اوس:مخلاص يا حنين
معتز:يبني سيبني ده انا فرحان والله انتي شايفه اوس بقاله يومين عامل ازاي اومال لو قعدتي اسبوع كنتي هتصحي هتلاقي دقنه بنسرحها مع شعره
ليل😂😂😂براحه مس قادره اضحك
اوس بحده:عجبتك خلاص وانت اطلع برا ياض عشان هخلي وشك شوارع
معتز:علي اي يا عم الطيب احسن انا هطلع برا ارن علي أيه اقولها دي هتفرح اوي
ليل:ياريت وعايزه اكلم ماما وبابا يا اوس
اوس:حاضر ارتاحي بس عشان احنا لسه بنقول يا هادي
ليل:حاضر روح كلمها ويلا بقي عايزه افرح بيكوا انا تعبتلكم
معتز:,والله ده انا الي تعبت بس يلا هانت تقومي بالسلامه وهنعمل فرح نقلب الدنيا
اوس'عايز تقول حاجه تاني
معتز:لا انا تمام انا برا بقي اهو
اوس،براڤو برا
معتز ضحك وقفل الباب
ليل:كسفته اوي يا اوس
اوس:صعب عليكي اجيبه يقعد معاكي
ليل:لا وعلي اي خليك انت
اوس.....
ليل :خلاص متزعلش بهزر معاك يعني بذمتك ينفع تزعل وانا تعبانه كدا
اوس:خلاص محصلش حاجه .....لكن قسما بالله لو هزرتي معاه تاني هقوم اكسرك وهكسره
ليل:بسم الله انت اتحولت ...لا مش ههزر انا مبحبش اهزر مع حد غير معاك بس قولي اي الحلاوه دي دقنك طولت بس قمر اوي بردوا
اوس ضحك :الظاهر ان العمليه دي هتجيب بالنفع علينا والله بقيتي تتكلمي بجراءه
ليل:سيد متقولش كدا احنا اهل كسوف اي بس
اوس:طب والله كويس 😂😂😂
الدكتور خبط ودخل عليهم
الدكتور: حمدلله علي سلامتك يا مدام
ليل:الله يسلمك يا دكتور
الدكتور:انا شايف مشاء الله ان احنا بنتحسن اهو
ليل:حاسه بس ان دماغي بتوجعني اوي
الدكتور:عشان لسه بس فايقه وهنبدأ نكمل بقيت العلاج خليكي قويه كدا عشان تخرجي علي طول
ليل:علاج اي تاني مش المفروض العمليه دي وخلاص
الدكتور: ايوه هتكملي بقيت الادويه ولما ترجعي مصر هتكملي علاج كيماوي
ليل:اي كيماوي  وبصت ل اوس الي باصص ليها بجمود
ليل:رد عليا كيماوي اي اومال انا عملت عمليه ليه
الدكتور بص ل اوس وفهم ان محدش قال ليها حاجه
الدكتور:اهدي شويه عشان كدا هتأثر علي دماغك المجهود ده كله
ليل بدأت صوت عياطها يزيد: يأثر ولا ميأثرش انا عايزه افهم دلوقتي انا مخفتش ازاي اوماال انتو جايبني ليه ده كله
الدكتور:لا بالعكس العمليه نجحت وكل حاجه تمام بس الكيماوي ده عشان لو انتقل في اي حته تاني نقدر نقضي عليه
ليل:يعني كل الي عدي ده ملوش اي ستين لازمه
وبدأت تعيط عياط هستيري وصوتها يعلي؛يعني كل ده راح هو في اييييييييييي لكل ده انا عايزه اعيش عادي
اوس قام خدها في حضنه ؛شيشششش متعيطيش خلاص كل حاجه هتعدي ده زياده تأمين
ليل: انا مش عايزه حاجه خلاص انا عملت العمليه وخلاص اوعي كدا انا مش عايزه حاجه
اوس فضل حاضنها ويهدي فيها :خلاص اهدي
وهي مازالت صوت عياطها يزيد لحد اوس حس بيها ان جسمها تلج خالص وسكتت مره واحده
اوس بيبص عليها لقها باصه قدامه وعنيها كلها دموع
اوس بزعيق:هو اي الي حصلها جسمها تلج
الدكتور:وريني كدا
اوس وسع للدكتور والدكتور بيفصحها ويديها حقنه مهدئه ووشها ثابت وكأنها فقدت الحياه من ثأثير الحقنه نامت
معتز دخل عليهم في اي
الدكتور ؛جلها صدمه عصبيه وفقدت النطق!!!!

هو انا متاخرتش المره دي اد مش عارفه انزلها في رمضان ولا لا بس انا قولت انزل بقي مفيهاش حاجه
+اسفه علي التاخير بردوا كان شغفي اطفي مره واحده🙂🙂🙂🙂
قولولي ريكم 👀👀عشان ارجع افرحكم تاني

#مجنونه ولكن احببتها
#ندي حسين