مجنونه ولكن احببتها

39

مالك: لو اقصر شويه هيبقي تحفه عليكي
وعد:عااااا يخربيتك انت جبت ازاي
مالك:بعد الشر انا وراكي من ساعه ما وصلتي
وعد:وانا محستش بيك
مالك:مخابرات بقي وكدا هتحسي ازاي
وعد:طب اطلع برا بقي لحد ما أحاسب و اجيلك عيب تفضل هنا
مالك:والله العيب أن اسيبك تنقي الحاجات دي لوحدك
وعد:مالك اسكت
مالك:خلاص وشك اتحول كدا ليه هستناكي برا بس ابقي شوفي حاجه اقصر من كدا بس اسمعي الكلام
خرج برا المحل فستنها برا
وهي ابتسمت وحاسبت وخرجت
مالك:هتجيبي اي تاني
وعد:من امتي ليك خلق فيةالشوبينج
مالك:لو شوبنج من النوع ده انا ليا فيه عادى
وعد:أتلم بقي
مالك: خلاص مش هضايقك تاني يلا تعالي نجيب بقيت الحاجات عشان انا عازمك
وعد:ليل جايه
مالك:تيجي براحتها بقي عقبال ما تجيبي الي ناقصك
انا يشتروا بقيت الحاجات الي ناقصه ومبسوطة ان مالك بيني معها كل حاجه وبيشاركها علي كل تفاصيل
مالك:مبتسما كدا ليه
وعد:فرحانه انك معايا وتختار معايا كل حاجه
مالك:ده انتي لو هتفضلي فرحانه كدا هنزل معاكي علي طول نشتري كل حاجه كدا فاضل حاجه تاني انا بيتهيألي احنا اشتريها كل حاجه اومال اي الي جيبته
وعد:يبني ده قشور بس بيتهيألي خلاص كدا مش هجيب حاجه تاني
مالك:يلا نروح نتغدي
وعد :يلا

***********
اوس: فينك
ليل:في الشركه انا خلصت وكنت هروح مع وعد نشتري حاجات من المول بس حاسه اني مش قادره
اوس:فيكي اي
ليل؛مش عارفه حاسه اني مرهقه شويه
اوس بقلق:خليكي انا هعدي عليكي اخدك ونروح سوي
ليل :متقلقش انا كويسه
اوس:خليكي عندك بس وانا مش هتاخر
ليل :حاضر هستناك
قعدت تخلص شويه ورق لحد ما يجي
دخل المكتب بقلق :مالك
ليل بعيون مرهقه؛انا كويسه متقلقش محتاجه ارتاح شويه مش اكتر
اوس:تعالي نتغدى ونروح
ليل :ناكل في البيت عشان محتاجه اروح البيت بجد
اوس:خلاص ماشي يلا
جابلها اكل وراحواعلي البيت ليل بتصغط علي نفسها عشان تأكل وتنام
ليل :كفايه كدا مش قادره
اوس؛ليل انتي كل الي كلتيهم معلقتين بس
ليل ؛محتاجه انام
طلعت ورقدت علي السرير نامت من كتر الإرهاق
*****
عهد:انا مش عارفه اقولك اي علي الخروجه القمر دي
ادهم:متحسسنيش اني مش بخرجك انتي مش فاضيه
عهد؛منا بشتغل وانت ربنا يعينك في المستشفى مش هضغط عليك
ادهم:هانت هنتجوز وهنسافر وادلعك شهر عشان اعوضك عشان لو قصرت كل شويه اقولك مش لسه راجعين من شهر العسل
عهد:لا ان شاء الله مش هتأثر عشان انت احسن واحد في الدنيا
ادهم:طب يلا ننزل لحد يمسكنا في وضع مُخِل وانتي بتدلعي كدا وانا اصلا قليل الادب
عهد ؛ضربته علي صدره اتلم
ادهم:لا انا قليل الادب عادي
ضحكت ونزلت ودخلوا البيت سوي عهد دخلت تطمن علي بابها وقعدت جمبه لحد ما غلب عليها النوم
********
صباح يوم جديد
ليل بدأت تفوق بأرهاق دخلت خدت دوش وخدت العلاج الي الدكتور كتبه ليها لما تتعب تاخده عند الضروره ونزلت لقت اوس بيحضر الفطار وطالع يصحيها
أوس:كنت طالع اصحيكي
ليل:انا نمت كتير
أوس:لسه بدري الساعه ٩
ليل:لا انا حاسه نفسي احسن الموضوع كله اني تعبت شويه عشان كان في شغل كتير
أوس خدها وقعدها جمبه وجبلها الاكل :مترهقيش نفسك في الشغل حاولي تقسمي
احكيلي بقي عملتي اي امبارح
ليل بدأت تحكي بكل حماس ان خلاص الافتتاح اخر الاسبوع وهي مبسوطه جدا وهي الضحكه اترسمت علي وشه تلقائيا وهي بتحكي ومتحمسه
ليل:وبس يا سيدي فاضل مشوار النهارده
أوس بكل حب:بحب اسمع الموضوع كله عشان اسمع اخر حته دي وبس يا سيدي ده كل الموضوع بحس انك ملحقتيش تتكلمي
ليل حضنته وباست خده ربنا يخليك ليا ديما شايل همي وديما بتحب تسمعني
أوس:وعمري ما همل علي فكره في دراسه بتقول الحضن وبوسه كل يوم الصبح مفيده للصحه لو سمحت متبخليش عليا بيها ولا انتي عايزه صحتي تبقي في النازل وانا لسه شاب
ليل:بس كدا من عنيا
باسته من خده ومسكت ايده يلا بقي عشان نقوم نلحق الجامعه والمدارس يلا
أوس شدها بقت قريبه منه جدا مع فرق الطول خدها في حضنه وانا مفيش اهم من صحتك
حست انها مبسوطه وسعيده بقربه ليها وان ديما بيصبت كل يوم بيحبها ومش بيمل طلعوا لبسوا وجهزوا وخلصوا مشاوريهم وليل كانت مبسوطه جدا بالصفقات الي تمت وطبعا الفضل يرجع ل اوس خلصلها كل حاجه
ليل:انا مبسوطه اوي ان لحقنا نخلص المشاوير دي الحمدلله
أوس: كدا المصنع هيبدأ الخميس
ليل:ان شاء الله كدا كل حاجه جهزت يارب تكمل علي خير
أوس:ان شاء الله متقلقيش انا جمبك وهبقي معاكي في كل خطوه
ليل:ربنا يخليك ليا واقدر افرحك اد ما بتفرحني
أوس:طول ما انتي وجمبي ومبسوطه انا فرحان
بصت للشباك وسرحت مع الهواء والطريق
ليل:حاسه ان ده مش طريق البيت سيكا
أوس:عشان انتي مش واخده بالك ان الفرح الاسبوع الجاي وانتي لسه يا هانم منقتيش البدله الي هلبسها
ليل بضحك:انا ازاي نوتي كدا
اوس: اسألي نفسك يا هانم انا عارف انك علي طول بتفكري فيا بس مش لدرجه انك تنسيني
ليل: مقدرش
وصلوا المكان
ونزلوا يشتروا وأوس كل شويه بيتلكك عشان ليل تدخل معاه وتظبطله الهدوم لحد ما اختاروا البدله وهي اختارت فستنها ب اللون الزيتي الي لايق مع بشرتها وعيونها العسلي الفاتح
واتغدوا ووصلها للشركه ونزل معها يشوف الشركه والتطورات الي حصلت فيها ومكينات الخياطه وشاف ال cv معاها وهي كانت يتفرجوا علي كل حاجه كأنها بتثبت لنفسها وبتعرض شغل الفتره الي فاتت كلها بحضور عهد
وكان نظره الفخر ملت عينه اد اي هي تستاهل كل الثقه الي ادهالها
وقضوا اليوم كله سوي
****
مالك:انا مش عارف اخوكي ليه مش راضي نتجوز مع ادهم ومالك
وعد: ازاي يعني كلنا هنتحوز مره واحده والمده مش كتير يا مالك يعني هو شهر
مالك؛طب ما هما يتجوزا بعدنا بقي واحنا الاول
وعد بضحك:احنا في سباق يا مالك عادي يعني مش فرق كبير وبعدين يعني انت مستعجل ليه
مالك :عشان انا لو قعدت جمبك واستنيتك مش هنخلص
وعد : عادي يعني ما انا يا اما استنيتك
مالك:ده انتي واقعه من زمان بقي
وعد:لا علي فكره عادي انا اقصد يعني
مالك ضحك بصوته كله علي توترها:عادي يعني يبنتي لما تقوليلي انك بتحبيني وبتموتي فيا من زمان
وعد:خلي بالك عشان مناخيرك وصلت السما علي فكره انت الي جيت تتقدم كان ممكن ارفض
مالك؛وبعدين
وعد؛واتجوز واحد غيرك
مالك:مشاء الله احلام مدفونه تستحق الدفن اتلمي بدل ما ألمك في حضني ومتحبيش سيره حد تاني علي لسانك وخلي الشهر يعدي علي خير بدل ما اخطفك
وعد اتكسفت وحبت تغير الموضوع:مالك قولي كلام حلو
مالك:اي ده في اي
وعد:ملكش في النحنحه انا بحبها اوي يعني قولي انا بحبك يا وعد دلعني كدا قولي يا يا وعدي يا وعوده يا نور عيني كدا يعني قولي بحبك ميت مره في اليوم
مالك:انتي فيكي حاجه
وعد:سيبني اتخيل انا التخيل لوحده فرحني انت اي عندك جفاف في المشاعر ديما كدا مالك تعرف انك لحد دلوقتي مقولتليش انك بتحبني
مالك:لا انتي الي ناسيه انا يوم ما قولتلها كويس اني كنت محترم ومرقعتكيش حته بوسه في الشارع يأخدونا آداب
وعد اتكسفت اوي وضحكت بصوت عالي
اهو شوفتي انا مبقولش الكلمه دي ليه عشان مش ضامن اعمل اي بعدها
وعد:عندك سنه وقاحه محببه للقلب
مالك؛ده انا اعجبك اوي استني نتجوز وانا ههريكي افعال عشان انا مبحبش الكلام ربنا يحن علينا قلب اخوكي
وعد:والله انت تستاهل الي بيعمله فيك
مالك ضحك جامد من قلبه:انا هقفل دلوقتي عشان في شغل هخلصه
وعد:يخربيت الشغل انت بتشتغل اكتر ما بتنام وتاكل وتشرب انا خلاص بقيت أغِير من مصر انا فاضل شويه وهقول لمصر كفايه بقي سيبي ابنائك يتهنوا بأبنك ده انتي حاشره نفسها بنا جدا انا قربت احس انها درتي لا انا لسه هحس هي درتي فعلا واخده فيك اكتر منا واخده اصلا
مالك مقدرش يمسك نفسه من الضحك اكتر من كدا
وعد:اضحك اضحك ما انت مش خسران حاجه ما انت في شغلك الي بتحبه وانا حاطه ايدي علي قلبي علي طول
مالك:هقولك علي حاجه مقتنع بيها وهقفل معاكي الموضوع ده بيه كل واحد ليه عمره مش لازم اكون ظابط عشان هموت بسرعه بالعكس الناس بتموت وهي علي السرير ف كل واحد ليه عمره هياخده كله لحد ما ربنا يأذن ليه وكل الي بعد ده ما الا اسباب لكن ربنا كاتب لينا كل حاجه
وعد عينيها دمعت:ممكن تقفل السيره دي
مالك:وانتي ممكن متعيطيش
وعد:ارجوك خلي بالك علي نفسك
مالك:حاضر مع السلامه يا
وعد: يا أيه ها
مالك:يا وعوده
وعد:ده انت رخم
ضحك معها وقفل
وعد مسكت الفون ده انا بحبك حب يخربيت كدا
*********
ملك:بس انا مش عايزه اسافر برا يا اسر دلوقتي
آسر:ليه
ملك:خلينا نقضي حبيبي اليومين في مصر هنا ونرجع علي طول وبعدين ناخد عمو ونسافر فعلا مينفعش احنا نسافر برا ونسيبه
آسر:حببتي انا هسفرك عشان تتبسطي
ملك:حبيبي انا اكتر حاجه هتبسطني ان ربنا يجمعنا علي خير في بيت واحد وعمو يقوم بالسلامه
آسر:باس ايديها ربنا يخليكي ليا يحببتي
ملك:وانت يارب الغي بقي التذاكر ونقضي يومين هنا وخلاص
آسر:حاضر
ملك:طمني انت اي اخبار شغلك والشركه
آسر:اهو بقيت اتعايش وأوس بصراحه بيساعدني كتير ومن ساعه دمج الشركتين بقت بتكبر اكتر الحمدلله
ملك:ربنا يزيدك يارب وعمو عامل اي دلوقتي
آسر: الحمدلله احسن والممرضه جمبه مش بتسيبه خالص بس مش عارف رجله دي هنعمل فيها اي
ملك:ان شاء الله لما نسافر برا الدكتور هو هيعرفنا
آسر:ان شاء الله ربنا يسترها
ملك:فك ددا انت مش مبسوط ولا اي ان فرحنا خلاص الاسبوع الجاي
آسر:والله العكس ده انا هطير من الفرحه
ملك: الحمدلله ان ربنا فعلا اراد وجمعنا تاني مع بعض
آسر : الحمدلله
*********
جه يوم افتتاح الشركه
وليل لبست فورمال واوس كان مبهور بشكلها كانت حلوه اوي
ليل :اي ريك
اوس:كل يوم احلي من الي قبليه مشاء الله عليكي احلي من القمر
ليل:اي الشياكه دي
اوس:عشانك
ليل:مع انك بتلبس كل يوم بدله وانت رايح الشركه بس النهارده مختلف
أوس:عشان النهارده مش يوم عادي النهارده هنحتفل بنجاح حبيبت قلبي وشريكه حياتي
ليل؛حبيبي يارب تفضل ديما جمبي واقدر فعلا اخليك ديما فخور بيا يلا عشان منتاخرش علي العيله هيقتلونا لو اتاخرنا كلهم اتجمعوا وراحوا الشركه وشافوا الناس وهما بيشتغلوا والموديل بتتصور والعملاء واقفين مستنين البضاعه والمحل شغال وكله بيتصور وناس متمكنه قاعده ماسكه البيدچات والمبيعات مرضيه
اخدوا كام صوره مع بعض وقضوا وقت لطيف واوس عزمهم كلهم
وعد:ان شاء الله نفس التجميعه دي في تخرجي خلاص حفله التخرج يوم الحد
صالح:ان شاء الله كلنا مش هننقص حد
عهد:لا ده اهم واحد مش موجود معانا ولا اي يا وعد
وعد:بطلي غلاسه ولا عشان ادهم مش ظابط
عهد:والله نفس الشئ الاختلاف كله دكتور
صالح:ربنا يصلح حالهم ويكرمهم هو فين مالك يا وعد
وعد بضيق:مسافر يا جدو
صالح:مقالش هيرجع امتي
وعد:لا والله يا جدو
أوس:ربنا يجيبه بالسلامه
خلصوا العشا وكل واحد اخد حببته وروحوا
أَوس عملها حفله صغيره بمناسبه الشركه وسهروا برا واتبسطوا اوي وروحوا
*****
خدها في طريقه للشركه وكل واحد مركز في شغله وكان بيحاولوا ينجزوا شغلهم عشان يفضوا للفرح
ليل:سمر ابعتيلي عهد وانتي خارجه
سمر:حاضر يا فندم
سمر :مدام ليل عايزاكي يا استاذه عهد
عهد:تمام شكرا ليكي
قامت وراحتله
عهد: ايوه يا ليل
ليل:يبنتي كفايه عليكي شغل كدا عايزاكي تقعدي اليومين دول ترتاحي وتظبطي نفسك كدا
عهد:منا كنت هقعد من بكرا هسلم زياد الشغل مع ان والله بجد علي عيني عايزه اخلص الشغل كله
ليل:انتي بتقولي اي ده فرحك وزياد شاطر وهيظبط الشغل ركزي انتي بس في فرحتك واتبسطي متاخريش النهارده وامشي بدري وكمان حفله وعد بعد بكرا يعني يدوب تلحقي اصلا
عهد:خلاص ماشي مش عايزه اسيبك لوحدك
ليل:يحببتي في موظفين كتير هيشيلوا الشغل لحد ما ترجعي مع ان محدش بيرفكت زيك بس بردوا انا واثقه فيهم لان انتي الي مختارهم بردوا
عهد:عايزه اقولك هتشوفي الشغل هيبقي عامل ازاي اعلي انتاجيه بجد
ليل:ان شاء الله
عهد:طيب انا هروح انا علي المكتب عشان ألحق اخلص وامشي
ليل:خلاص ماشي
ليل مركزه في شغلها جدا ومبسوطه بالنتايج المبهره والسريعه دي والشركه في اول اسبوع ومحققه نجاح ممتاز وطبعا اوس جمبها وبيساندها ديما
خلص يوم شغل كان طويل اوي علي ليل لانها عملت اجتماع وده اول اجتماع للشركه واحد طبعا مسئول عن التصوير ومتابع الصفح بتاعت الشركه
وصلت البيت قبل اوس لأنها قررت انها تخلص شغلها قبل ميعاده
خدت دوش ولبست قميص قصير مريح لونه كشمير وسابت شعرها لانها فرحانه بيه ان طلع وبيطول كان شعرها واصل ل اخر رقبتها ومؤخرا حبت الاستايل ده وقررت تخلي شعرها كدا ونزلت المطبخ حضرت عشا وبتعمل دونتس
دخل اوس البيت وسامع اغنيه ل كاريوكي من المطبخ وصوت ليل وهي بتغني معاه ومندمجه
سند علي الحيطه وربع ايديها وشايفها وهي وشعرها نازل علي عينها مضايقها وهي بتعمل العجينه ووشها فيه دقيق وكان شكلها اد جميل ويضحك
قرب منها وهي كل ده مش حاسه بيه من كتر ما هي مندمجه رجع ليها شعرها ورا ودنها وباسها من خدها
ليل:عاااااااا
اوس بضحك:اهدي اهدي انا أوس
ليل:انت جيت امتي
اوس:من شويه
ليل:انا محستش حتي ب قفل الباب
اوس:عشان دماغك مع كاريوكي
ليل هديت شويه
اوس:الناس كلها اللحظه دي بتبقي رومانسيه الا انتي لازم تضيفي الكوميديا بتاعتك
ليل افتكرت نفسها وهي بتصوت ضحكت جدا وهو ضحك معاها وبترجع شعرها ب ايديها
اوس: كفايه وشك كله دقيق
ليل:بجد اتبهدل
اوس رجعه تاني ورا ودنها :لا متبهدلتيش لسه زي القمر وقرب منها وباسها
ليل بصتله بحب:توقع انا بعمل اي
أوس:مش عارف بس من ريحته كدا ممكن دونتس
ليل:اومال لو كنت عارف
اوس :بجد دونتس
ليل:ايوه عرفت انت اد اي بتحبه ومع الكوفي قررت اني لازم اعمله وناكل سوي وعملت ليك عشا جامد
اوس :لا بقي ده انا اطلع اغير واجي ل لي لي نشوف الموضوع ده
ليل:بسرعه
اوس طلع يغير وهي بتخلص العجينه
حطت الاكل نزل وكلوا سوي وسط كلامهم مع بعض عن اي حاجه
خلصتوا اكل واوس قام يساعدها تقلي الدونتس
ليل:احنا هنسيب الزيت يسخن ده الي عرفته عقبال ما احضر كذا واحده
اوس:استني اساعدك
يلا بقي حطي في الزيت
ليل :اي
اوس:في اي
ليل:لا انا تمام هات كدا واحده وراحت ناحيه البوتاجاز ووقفت بعيد وحطت الدونتس وجريت اجري يا أوس
اوس: اي في اي انتي بترمي بطاطس
ليل: انا بصراحه كدا بخاف من الزيت
أوس:طب خليكي وانا احطه وتعالي وانا اوريكي متخافيش
وقفت جمبه وعملوا كله وبقت تحط هي براحه وطلع وجهزوا الصوص والكوفي وطلعوا يقعدوا علي التراس
ليل:الهوا النهارده تحفه
اوس: ايوه الجو حلو
قعدوا جمب بعض وسندت علي كتفه وبصوا للنجوم كعادتهم وقعدوا يتكلموا في مواضيع كتير ويفتكروا اول مره اتقابلوا خالص
ليل:فاكر يا اوس اول مره شوفتك
اوس: ايوه طبعا دي حته معلمه في دماغي
ليل مش قادره تبطل ضحك ما انت عنيد اوي
اوس:طبعا عشان كدا فتحتي دماغي
ليل:قدام متخيطتتش انت في السليم بجد قصتنا حلوه علي طول بحب اكتب كل لحظه بينا سوي عشان كدا بفكرك بيها لان قرأت اول ما قابلتك النهارده هحكي ل ولادنا اد اي انت بتحبيني وكانت مقابلتنا غريبه حتي لما جيت عايز تتجوزني
كمل الكلام هقولهم حبست جدكم
ضحكوا الاتنين
ليل:بجد مش قادره بتمسح الدموع الي نزلت من الضحك
يلا ننام عشان نلحق نصحي نروح مع وعد
اوس يلا بحركه تلقائيه شالها
ليل ضحكت: اي ده نزلني بعرف امشي
اوس:لا انا هوصلك بغير عليكي من الارض
******
يوم تخرج وعد
الكل لبس وخلص واتجمعوا ووعد لسه منزلتش
ليل طلعت تشوفها لقتها خلصت وواقفه قدام المرايا
ليل: يلا يا وعد الكل مستنيكي تحت
وعد مسحت دمعه نزل منها غصب عنها :ماشي جايه اهو
ليل وقفتها وجابت منديل ومسحت الدموع الي في عنيها
زعلانه ليه
وعد :كنت عايزه يحضر معايا
ليل:غصب عنه دي حاجه مش في ايده
وعد: حتي الفون مغلق
ليل:اكيد عشان شغله اعذريه وبعدين كلنا معاكي اهو طبعا احنا مش زيه وخدتها بالحضن متزعليش نفسك بكرا يجي واحتلفوا سوي يلا وانتي زي القمر كدا وبعدين كفايه دموع يجماعه دي طنط قاعدين نسكتها تحت
وعد: ماما ليه
ليل:عشان هتتخرجي وادهم هيتجوز وكل شويه تفتكر مناسبه وتعيط ده احنا عيله بنكره الفرح
وعد ضحكت ونزلوا سوي ومامتها حضنتها والكل حضنها وكان فرحان بيها جدا ونظرات الفخر في عنيهم
اوس جابلها ورد :الف مليون مبروك التخرج يا حبيبت قلب اخوكي وباس راسها
وعد حضنته ربنا يخليك ليا يا حبيبي
وادهم جابلها نوع الشوكلت الي بتحبه وكان فرحان بيها جدا
ركبوا العربيات ركبت مع اوس وليل
وصلوا المكان وقعدوا كلهم جمب بعض ودخلتهم مع بعض تسعد القلب اوس ماسك ايد ليل وماسك ايد اخته وكل اتنين كانوا مع بعض وعد راحت لصحابها و اوس وباقي الغيله قعدوا يتفرجوا علي الحفله وبدأ التكريم
كله كان محضر الفون عشان يصورها وجت خدت اوس ومامتها عشان يطلعوا معاها ونادوا علس اسمها وصحابها سقفوا ليها وادهم وآسر كانو بيصفروا والكل فرحان بيها واستلمت التكريم وبتتصور ولمحت حد داخل من القاعه وكذا شخص راح يسلم عليه وبتبص تاني لقته ومش مصدقه عنيها داخل القاعه بكل هيبه ولابس بدلته والرتب علي كتفه وماسك بوكيه ورد وكان بيصور فيها نزلت من علي المسرح جري عليه وعنيها فيها دموع
وعد:انت جيت انا مش مصدقه
مالك:مقدرش اضيع مناسبه زي دي مهما حصل بحبك
وعد:انا مبسوطه من قلبي
مالك:يعني الواحد بعد ما يشوف الجمال ده والدموع دي لازم يكمل المشهد بحضن رومانسي الله يسامحه اخوكي
اوس من ورا : حمدلله علي السلامه يا مالك
مالك:اهلا حبيبي عامل اي لسه بقول لوعد فين اخوكي الله يكرمه ضحكوا كلهم وقفوا مع بعض كلهم واتصوروا واتصورت هي وهو وكانت مبسوطه اوي
ليل:انا مبسوطه اوي انه جه بجد شايف وش وعد نور ازاي
اوس بغيره:هي بتحبه اكتر مني ولا اي
ليل نزغته في كتفه:ركز معايا هنا انا بحبك اكتر علي فكره وسبها تتبسط ده انت غيور جدا
اوس:هو انا بركز مع حد غير معاكي
ركبوا العربيات عشان يمشوا
اوس :يلا يا وعد علي العربيه مع ليل
وعد:اه حاضر يا اوس يلا يا ليل
مالك:متسبها معايا اوصلها
اوس:لا احنا جاين سوي وهنمشي سوي
مالك؛منا هاخدها اخرجها
اوس:كاتب كتب كتاب وانا معرفش
مالك:ما انت مش راضي هو انت لا بترحم ولا بتسب رحمه ربنا تنزل
اوس:مش دلوقتي انا لسه مشبعتش من اختك
مالك:يبني ده انا حماتي اطيب منك
اوس:تعالي ورانا علي البيت ي حلو
مالك جز علي سنانه هتخرجنا في البيت
اوس:اه وكلنا قاعدين
يلا بينا
الكل فطسان ضحك عليهم وليل عنيها بطلع نار من اوس
ركبوا العربيات ووصلوا البيت
وطول ما هما قاعدين اوس بيرخم عليهم لحد ما ليل اضايقت
ليل : انا همشي انا يا جدو
صالح:خليكي يبنتي وامشي انتي و اوس
ليل:اوس يجي براحته عشان انا تعبانه شويه
اوس: تعبانه مالك
ليل:مفيش انا همشي
اوس:اصبري شويه وهنمشي سوي
ليل:لا تعالي براحتك
اوس خد باله من نبره صوتها وهي قامت تمشي
صالح :قوم يبني شوف مراتك شكلها تعبانه
اوس:ماشي يا جدي تصبحوا علي خير
مالك:ياه اخيرا
اوس:اي انت لسه مطول قاعد ولا اي الساعه ١٢
مالك:يجدع انت مالك ده انت غريب اوي
اوس:احنا بنام بدري
صالح:روح يبني انت وانا قاعد اهو
مالك:حتي جدك مش طايقك
اوس:ماشي يا مالك هتروح مني فين
خرج لقي ليل راكبه العربيه
اوس راح ناحيتها انزلي اركبي الناحيه التانيه يلا هنروح سوي
ليل نزلت من غير اعتراض وركبت وسكتت وهو مخدتش باله من كتر ما بيفكر مالك مشي ولا لا طب هيقعدوا لوحدهم ولا جدي هيفضل قاعد معاهم
اوس:تفتكري جدي هيسبهم يقعدوا لوحدهم
ليل اتصدمت للدرجه دي دماغه لسه بتفكر فيهم ومخدش باله ان ليل مرهقه فعلا وزعلت ليل مردتش وودت وشها الناحيه التانيه
وصلوا البيت دخلوا من غير كلام
اوس كلم ادهم يسأله علي مالك
ادهم :يخرابي عليك يا اوس اه مالك مشي
اوس:انا بطمن بس تصبح علي خير
ادهم:وانت من اهله
طلع لقي ليل غيرت وعامله نفسها نايمه
قعد جمبها علي السرير عارف انك صاحيه قومي نتكلم شويه
ليل:اطفي النور يا اوس عايزه انام
اوس:ماشي بس انا عايزه اتكلم واعرف انتي زعلانه ليه
ليل قامت بعصبيه وحاولت تتكلم براحه مهما يحصل مينفعش تعلي صوتها عليه:عشان يا اوس انت بجد مش مركز معايا كل شويه وعد ومالك وقولتلك قبل كدا ده خطبها وجوزها في الاول قولت تشان أخته الوحيده ف ده طبيعي بس انت بجد زودتها اوي هو خطبها من حقه يتكلموا من حقهم يقعدوا شويه حتي ده رجع من السفر عليها علي طول لازم تتقبل فكره انها هتتجوز وانت متجوز انا بجد صعبت علي نفسي اوي حسيت اني وحيده كا ادهم تؤامها وبيحبها وبيغير عليها ومعملش كل ده ليه وقاعد مشاء الله هو وعهد بيتكلموا مع بعض وسيبتني لوحدي قولت تعبانه كنت عايز تكمل وسايبني واحنا راكبين العربيه حتي مقولتليش مالك اي الي تاعبك جاي تقولي تفتكري مشي ولا لا ومردتش تطلع ورايا تشوفني حتي ولا تتكلم معايا جاي بعد ما اطمنت ان هو مشي بجد انا زعلت اوي وانا مش بعرف اتعامل مع حد زعلانه منه
خدها في حضنه وحاول يمتص غضبها انا فعلا زودتها بس صدقيني غصب عني متخيله اختك الوحيده ومعاكي بقالك اد اي ويجي واحد في ثانيه ياخدها وهتمشي وتلاقي الاهتمام كله بيه والحب كله ليه
ليل:انا معاك بس هي من حقها تحب يا اوس ومش معني كدا انها كرهتك واهملتك بالعكس عمر حبك ما هيتقارن بيه انت اخوها الكبير
اوس:خلاص متزعليش مني منا معرفتش انام واسيبك زعلانه مش هعرف انام
ليل :انا بجد صعبت علي نفسي لما حسيت اني وحيده وانت جمبي انا بحبك يا اوس اوي متعملش كدا تاني
اوس:خلاص يا روحي والله هحاول اخد بالي ولو علي مالك انا هكلمه مضايقيش بقي
ليل:خلاص مفيش حاجه
اوس:لا ازاي انا لازم اصالحك ده حتي لما بتزعلي مناخيرك هتكبر
حطت ايديها علي مناخيرها تلقائي
اوس:تعالي اعتذرلك وازاي مخدتش بالي من الحلاوه دي كلها
ليل ضحكت.. اد اي بيعرف يمتص غضبها ومهانتش عليه يسبها زعلانه
ليل:لا انا هنام عندي شغل الصبح
اوس: والله ما يحصل لازم اصالحك
********
ليل نزلت الشغل لوحدها وعهد خلاص بدأ تحضر لفرحها ليل بدأت تركز في الشغل اكتر وعينت موظف مكانها لحد عهد تيجي وليل بتابع الشغل بنفسها
***
عند اوس
اوس بيرن علي مالك
مالك :ايوه
اوس:انت لسه نايم طبعا ما من سهرك عندنا يا حنين
مالك:انت ملقتش حد تتسلي عليه علي الصبح ف جايلي انا سيبني انام انا عندي اجازه بعد السفر سيبني ارتاح
اوس:خلاص انا غلطان كنت هقولك متزعلش من امبارح واعوضك واقولك خد وعد واخرجوا النهارده
مالك:اي ده في اي علي الصبح يا عم متهزرش معايا واديني اوس
اوس:تصدق انا غلطان اقفل
مالك:خد بس اي مبتعرفش تهزر انت بتتكلم بجد
اوس:اه والله خدها ساعتين كدا اخرجوا وترجعوا علي طول لو اتاخرت هجلكم
مالك:الواحد مش عارف يودي جمايلك دي فين
اوس:متودهاش عدها
مالك بضحك:ماشي وقفل
ورجع كمل شغله
معتز:هتعمل اي يا اوس في السفريه دي
اوس:هسافر انا
معتز:لولا ان أيه تعبانه كنت سافرت انا
اوس: لا خليك جمبها مش هانت ولا اي
معتز: والله انا م فاهم حاجه مره تكون كويسه ومره تكون تعبانه ومره تحبني ومره ألقيها مش طيقاني ومره ألقي مناخرها تخنت وشويه رجعت زي ما كانت انا توهت
اوس بضحك:رينا يعينك وتقوم بالسلامه
ابقي هاتها وتعالي بليل هنتجمع بليل ونقعد
معتز:خلاص ماشي اهي تغير جو
*******
ليل خلصت شغل في ميعادها وركبت العربيه ومروحه فكرت تعدي علي الدكتور وتشوف مالها لان كل شويه تكون مرهقه وتعبانه
كشفت وطلب منها تحاليل وقعدت تستني افتكرت اوس ان ده ميعاد رجوعه كلمته
ليل:الو يا اوس
اوس: ايوه يا حببتي فينك خلصتي
ليل:ايوه خلصت وروحت اجيب شويه حاجات وجايه علي البيت
اوس:ماشي هتتاخري اجيلك
ليل:علي طول ان شاء الله روح انت وانا هاجي علي طول
اوس:ماشي خلي بالك علي نفسك
ليل:حاضر سلام
التحاليل طلعت ودخلت للدكتور تاني
ليل:ها يا دكتور طمني
الدكتور: اطمني يا مدام ليل كل الموضوع انك حامل بقالك شهر
ليل:اي
الدكتور:ايوه التحاليل بتقول انك حامل
ليل عنيها كلها دموع: الله بجد انا حامل انت متاكد
الدكتور بضحك:ايوه اهي التحاليل وشوفيها
ليل ودموعها مش قادره تسيطر عليها الحمدلله يارب الحمدلله
الدكتور:الف مبروك يا مدام ليل انتي محتاجه راحه وتخدي العلاج ده
ليل :شكرا يا دكتور شكرا بجد اههههه الحمدلله يارب
خدت شنطتها وركبت العربيه وطيران علي البيت بتفكر هتقول ل اوس ازاي وخايفه من كتر حماسها متعرفش تعملها مفاجاه فكرت في طريقه كدا وهتستني لما يتجمعوا بليل وتعرف الكل
روحت وحاولت تشغل نفسها في اي حاجه عشان هي مش قادره عايزه تقوله متخيله وعايزه تشوفه وهو فرحان ديما بيفرحها عايزه تفرحه
قعدت تخلص شويه ورق وشغل علي اللاب وهو دخل ياخد دوش خرج
ليل:هنروح هناك امتي
اوس:قومي البسي وانا هلبس ونروح
ليل: ثانيه وهجهز
اوس:الي يشوفك كدا يقول انك مروحتيش بقالك كتير مع ان احنا جاين امبارح
ليل:ولو لازم نروح يلا
دخلت تلبس مكملتش ثواني
ليل ؛يلا بينا
اوس : يلا
قعدوا هناك كلهم ومعتز وأيه راحوا يقعدوا معاهم وليل سرحانه مش عارفه هتقولهم ازاي
ليل :بقولكوا اي بدل القاعده دي تيجي نلعب
الكل بصلها بأستغراب
ليل:اي يجماعه دي لعبه بسيطه اسمها مش سامع حاجه هنحط سماعات في الودان ونفضل نتكلم لو قال صح يبقي كسبان
وعد:ايوه عارفها
اوس:ألعبوا انتو
ليل:مترخمش هنلعب كلنا
اوس:هتفرج عليكم
ليل:عشان خاطري يلا
مشوا الدور وبدؤا يندمجوا في اللعب وصوت ضحكم بدأ يعلي علي نفسهم وهما حاطين السماعات
ليل:يلا يا اوس
اوس:يا ليل
ليل:عشان خاطري
معتز:يا عم جرب زينا
ليل جابت السماعات وحطتها في ودانه وعلو صوت المزيكا
المفروض انت هتقول انا بقول اي
اوس:يلا
ليل:انا
اوس:اي
ليل:انا
اوس بيحاول يقرأ شفايفها:انا
الكل بحماس :ايوه
ليل :هكون
اوس:اي
ليل: هكوون
اوس:أُون
ليل:هكون
اوس:هكون
ليل:صح أب
اوس:أب
أوس:انا هكون أب و................

#مجنونة ولكن احببتها
#ندى حسين
بتمني ليكم قراءه ممتعه هستني رايكم طبعا أنا اتاخرت جدا المره دي بس للاسف الفون باظ وصلحته عشان عليه الروايه كلها 🤍🤍🤍🤍🤍